ISA na namang battle arena ang bumungad kay Nigito. Medyo may kadiliman at nababalutan ng hamog ang paligid dito. Pakiramdam nga niya ay may pumipiga sa kanyang katawan dahilan upang siya ay kabahan. Parang may isang napakalakas na bagay ang gustong humila sa kanya. Hindi nga niya halos maibuka ang bibig niya at ang kanyang espada ang nagsisilbing gabay niya rito.
"Nasaan si Zac?" tanong ni Nigito sa kanyang sarili. Hindi na nga siya umalis sa kanyang kinatatayuan at pinakiramdaman na lang niya ang paligid. Pilit din niyang nilabanan ang kanyang kaba. Hinigpitan din niya ang pagkakahawak sa kanyang espada. Hanggang sa isang malakas pagyanig ang naramdaman sa buong paligid. Nagawa nga nitong hawiin ang hamog na tumatakip dito. Sa nangyaring iyon ay dito na lumitaw ang isang player na halos
