MAGKAKASAMANG binabaybay nina Nigito ang Zubi Village. Ramdam nila ang tensyon lalo pa't may ilang nagbago sa loob ng game. Kasama na kasi sa wanted list ng isang guild si Nigito at 100000 Coins ang katumbas niya kaya mainit siya sa mata ng ibang player. Lalo pa't kilala na rin siya ng karamihan dahil siya na ang nasa Rank 12 sa Heroes Ranking.
"World Society, ito ang guild na nagpasimuno sa bounty hunting dito sa game..." sabi ni Kaji habang binabasa ang wanted poster ni Nigito.
"W-world Society? Bagong guild?" tanong naman ni Asuna rito.
"Matagal na rin sila base sa data na nakuha ko at ngayon ay nasa top 50 na sila. Mapepera sila kaya madali nilang naipatupad ang pakulong ito."
"Pero para saan?" tanong naman ni Nami.
"Siguro, para mabawasan ang malalakas na players? Hindi ako sigur
