Volume III: Battle of Heroes
DECEMBER 30, 3013. Isang panibagong game head gear ang binuo ni Naka Nigimoto. Halos magdadal'wang buwan na rin nang masira ang role-playing game na pinagbuhusan niya ng maraming panahon upang ito'y mabuo, ang Heroes Quest Online. Mahal niya ang game na ito kaya dahil sa nangyari'y minsa'y 'di na niya maiwasang isisi sa kanyang sarili ang nangyaring iyon.
"Papa! P-paano sina kuya? N-nasa loob pa sila ng g-game na iyan..." medyo naiiyak nang sinabi ng bunso at babae niyang anak. Player din kasi ng HQO ang mga anak na lalaki ni Naka Nigimoto, si Nakato, ang panganay at si Kitaro, ang pangalawa.
"N-niki, anak...'Wag kang mag-alala. Gagawin ko ang lahat para mailabas sila sa game, pangako..." seryoso namang sinabi ni Naka sa kanyang anak at niyakap niya rin ito.
