'Wag TULAran

Alapaap

Ikaw ang nagmistulang pangarap

Sa panahong ika'y aking kayakap

Ikaw ang naging inspirasyon

Sa panahong wala na akong matunton

Mga bagay na naging masaya

Ito'y palaging naaalala

Sa bawat pag-taas ng araw

At kahit sa pagbungad ng bulalakaw

Sa mga araw na nakasama ka

Hinihiling ko na sana

Ito'y tatagal at mananatiling katabi ka

Ngunit nung dumating na

Ang araw kung saan ikaw ay bumitaw na

Naaalala ko pa kung ano ang iyong pangarap

Kung saan magkasabay nating aabutin ang mga bituing kumikislap

At yung mga mahihigpit at komportable mong yakap

Kasabay nun ang hanging malamig na ating nilalasap

Ngunit ito'y mararanasan ko na lang sa aking alapaap.

Lahat ng mga pangarap

Ito'y tuluyang naging alapaap

Dahil ika'y sumuko't iba ang iyong nahanap

At ako'y iyong nilisan

Pinaramdam mo sa akin ang salitang nasasaktan.

Ilang taon akong tumakas

Kumawala sa alapaap kong mapangahas

Ngunit kahit ilang pilit akong pumiglas

Ako'y laging kumakalas at nawawalan ng lakas

Alapaap kong walang patutunguhan

Sana ikay tuluyan ng maglaho't ikay lumisan

Dahil tuluyan mo lang sinisira ang aking isipan

Sana ay alapaap ko'y tuluyan ng makalimutan.