Bisperas ng kasal nila ni Dorcas at parang masisiraan na ng ulo si Errol. Paano’y hanggang ngayon ay hindi pa nagpapakita ang dalaga. Mahigit isang linggo na itong nawawala o mas tamang sabihin na nagtatago. Hinanap na niya ito sa lahat ng lugar at mga tao na posible niyang pagkakakitaan dito pero bigo pa rin siya. Kumuha na rin siya ng mga detective agent na puwede niyang makatulong sa paghahanap sa dalaga pero wala ring nangyari.
Narito siya ngayon sa bahay nina Dorcas. Dito na siya nagpalipas ng magdamag sa pag-asang dito unang uuwi ang dalaga sakaling totohanin nito ang pangakong babalik ito bago ang araw ng kanilang kasal. Sobra na siyang desperado ngayon at sinisisi niya tuloy ang sarili kung bakit naging maluwag siya dito. Nalimutan niya na hindi nga pala niya hawak ang
