Pagdating nila sa bahay nakatanggap ng tawag si Gio mula sa ninong niya. Kinukumusta nito ang anak na si Cathy. Inaalam nito kung may pagbabago na raw ba sa dalaga. Agad naman niyang ibinalita rito ang mumunting pagbabago na nakikita niya sa dalaga. Hindi maitago ang tuwa sa boses ng ninong niya. Hindi naman daw pala ito nagkamali sa ginawang desisyon na ipagkatiwala ang anak sa kanya.
"Hindi ka naman ba pinahihirapan ng pasaway kong anak?" tanong nito.
Napangiti ang binata. "Medyo lang po, Nong," natatawang sabi niya.
Narinig niya ang malutong na halakhak ng ninong niya. "Naku! Duda ako sa medyo na 'yan, ah. Kabisado ko na 'yang anak ko na 'yan. Kapag sumumpong ang tantrums niyan daig pa ang batang musmos."
"Eh, kumusta naman kayo? Alam na ba niya na ikaw 'yung nililigawan niyang Jord
