كبرياء فتاة

....... ماما ايه ده بس اللى انتى عملتيه فى شعرى ده الام .... عملت ايه بس يابنتى فى ايه ....... ايه مش شايفة شكله وحش تسريحة قديمة خالص الام ...... طيب انتى عايزاه ازاى وانا هعملهولك ....... سيبه على كدا من غير توكة الام ..... ليه رايحة فين دى مدرسة ........ ماما ياريت تفهمى لازم اكون اجمل بنت فى الفصل مفيش اجمل منى الام ....... ليه طيب ....... بووووووو بقى اه هو كدا هتعمليلى اللى قولتلك عليه ولا لا الام ....... لا طبعا شعرك يبوظ ....... يبوظ من ايه بس هاتى هاتى انا هعمله الام ...... مش هتعرفى ....... ماما روحى بس حضرى الفطار وسيبنى ( وبعد عدة دقائق) الام ..... ها خلصت انا وانتى وصلتى لفين ....... خلاص اعملى اللى عايزة تعمليه بس خليه حلو عشان خاطرى الام ..... ما كان من الاول حاضر هاتى ( وبعد عدة دقائق ) الام ..... ها كدا تمام ...... مش التسريحة دى عملتيها امبارح الام ..... وفيها ايه يعنى مش كنتى حلوة فيها امبارح ...... اه كنت حلوة بس لازم التغير الام ...... خلاص يا ست الكل بكرة هتتغير ...... بووووو يا ماما حاضر يلا سلام اشوفك بعد المدرسة الام ...... مش هتفطرى ...... لا هجيب حاجة من الدكان هناك الام ..... طيب يابنتى خلى بالك من نفسك يا غالية ....... حاضر سلام ( وخرجت الفتاة ) هى فتاة اسمها شروق حالتها الاجتماعية ميسورة الحال ليست غنيه جدا وليست فقيرة جدا وسط تعيش مع امها منال وأبيها على جابر وهى الان بعمر ١٠ أعوام فى الصف الخامس الابتدائي ( شروق فى المدرسة ) وفى الفصل يجلسون الطلاب ينتظرون المعلمة سحر مدرسة اللغة العربية المعلمة سحر ...... السلام عليكم الطلاب ..... وعليكم السلام ورحمة الله وبركاته المعلمة سحر ..... عاملين ايه النهارده الطلاب ..... الحمد لله يا مس المعلمة سحر ...... مس ايه أنا بد*كم لغة عربية تقوليلى يا استاذة سحر تقولوا ايه الطلاب ..... يا استاذة سحر المعلمة سحر ..... ونبدا درسنا النهاردة عن أسماء الإشارة (صوت شوشرة ) ..... ايه الصوت ده الصوت جاى من ناحية البنات .... ايه ده شروق اقفى شروق ...... نعم يا مس المعلمة سحر ..... نعم أنا قولت ايه استاذة مش مس فاهمة شروق ..... حاضر يا مس سورى يا استاذة المعلمة سحر ..... بتكلمى ليه يا هانم شروق ...... انا محصلش المعلمة سحر ...... وبتكدبى كمان .... علا علا قومى ( علا صديقة شروق فى الصف وجالسة بجانبها ) علا ..... نعم يا استاذة المعلمة سحر ...... كنتوا بتقولوا ايه علا ..... عادى يا استاذة مش قولنا حاجة كنا بنتكلم فى الدرس المعلمة سحر ..... بتكلمه فى الدرس ازاى وانا لسه مش بدأت علا ...... احنا بناخد درس لغة عربية فعرفين الدرس ده المعلمة سحر ...... اممممم طيب يا هانم تعالى اشرحى مكانى علا ...... لا معرفش انا مقصدش والله مش هعرف المعلمة سحر ..... اقعدوا مسمعش نفس تانى فاهمين شروق + علا ...... حاضر احنا اسفين المعلمة سحر ...... اقعدوا يلا هنبدأ الدرس بتاعنا النهاردة ( وبعد انتهاء الفصل الدراسي ) عادت شروق إلى منزلها منال ..... الحمد لله على سلامتك يا شوشو ايه اخبار اليوم النهاردة شروق ..... كويس يا ماما بعد اذنك عايزة انام شوية منال ...... تنامى ايه مش هتتغدى شروق ..... بوووو يا ماما من امتى باكل دلوقتى انا بعد اذنك عايزة انام ( ودخلت شروق إلى غرفة نومها ) منال ...... شوف بنتك دى يا على اتصرف معاها مش كدا على ..... مالها بنت ما اهى كويسة منال ..... يعنى مش شايف تصرفاتها ازاى على ..... يا حبيبتى دى طفلة مش مشكلة منال ..... ما اهو عشان طفلة تصرفاتها غريبة على ....... لا لا لما تكبر هتعقل وهتعرف الغلط من الصح سيبها على راحتها دلوقتى بس ( وبعد عدة دقائق ) خرجت شروق من غرفتها وذهبت لأبيها شروق ... بابا بابا على ..... أيوة يا حبيبتى شروق .... كنت عايزة منك طلب على ...... عيونى يا حبيبتى عايزة ايه شروق ...... عايزة تليفون منال ...... انتى لسه صغيره يا شروق على التليفون شروق ...... لا يا ماما مش صغيرة عادى على فكرة منال ...... لما تكبرى يا شروق يبقى نجيبلك تليفون شروق ..... لا يا ماما انا كبرت وبعد لما اكبر اكتر من كدا المفروض يتغير التليفون منال ...... لا مينفعش الكلام ده على ...... خلاص يا منال البنت عايزة تليفون هنحرمها يعنى مينفعش منال ..... بس لسه صغيرة يا على مش كدا على ..... وايه يعنى صغيرة ولا كبيرة عادى احنا عندنا كام شروق منال ..... بس ..... على ..... خلاص يا منال خلى البنت تفرح شروق ...... يعنى هتجيبه يا بابا على ..... أيوة يا عيون بابا بكرة هيكون عندك احلى واغلى تليفون شروق ..... بحبك يا احلى بابا فى الدنيا على ..... وانا بحبك يا احلى شروق فى الدنيا .... ها هتاكلى شروق ..... اه هاكل خلاص وبعد انام منال ..... لا تاكلى وتصلى وتنامى شروق ..... لا تعبانة هاكل وانام علطول منال بغضب ...... شرووووق انا قولت ايه تاكلى وتصلى وبعد كدا النوم فاهمة شروق ...... خلاص حاضر يا ماما هصلى قبل ما انام على ..... براحة يا منال على البنت مش كدا منال ..... دلعك ده هو هيوديها فى داهية على ...... ليه وانا روحت فين انا موجود احميها من كل حاجة واخليها تدلع كمان براحتها وتعمل اللى هى عايزاه منال ..... اه بس مش فى الصلاة كمان على ..... ما خلاص قالتلك اهو هتصلى عايزة ايه شروق ..... خلاص يا ماما انتى وبابا انا خلصت اكل وهروح اصلى عشان ترتاحوا منال ...... لا يابنتى مش عشان نرتاح ده فرض عليكى شروق ..... حاضر ياماما اهو رايحة اصلى وذهبت شروق للصلاة وعلى ذهب لينام هو ومنال وبعد ذلك شروق ذهبت شروق النوم واستيقظوا بعد اذان العصر وصلوا العصر ( وبعد مرور عامين ) وشروق التحقت بمدرسة الإعدادية واليوم اول يوم ليها بهذه المدرسة منال .... يلا يا شروق قومى عشان تروحى المدرسة شروق ..... حاضر يا ماما قايمة اهو ( وبعد عدة دقائق ) منال ..... يووووه يا شروق لسه مش قومتى مالك فى ايه اخلصى قبل ما علا تجيلك شروق ..... حاضر حاضر خلاص قايمة اهو وقامت شروق وتوضأت وأدت صلاة الصبح وفطرت وغيرت ملابسها وعلا وصلت إليها شروق .... ماما ماما انا ماشية علا جات اهى منال ..... استنى معاكى مصاريف شروق ..... اه بابا إدانى امبارح منال ..... تمام يا حبيبتى يلا ربنا معاكم ..... استنى استنى شروق ...... فى ايه منال ..... انتى هتمشى كدا شروق ..... كدا ازاى منال .... مش شايفة انه فى حاجة غلط وناقصة شروق ..... هو ايه ياماما ده لبس المدرسة منال .... مش على زى المدرسة انا شروق ..... ماما ياريت تقولى فى ايه بسرعة هتأخر كدا منال ..... الحجاب يا ست شروق فينه شروق ..... مالك يا ماما ومن امتى بلبس حجاب انا منال ..... اه انتى مش بتلبسي بس المفروض تلبسي انتى كبرتى شروق ..... ماما كبرت ايه منال .... ايوة يا شروق كبرتى خلاص وداخلة أولى إعدادى شروق ..... قولتيها بلسانك يا ماما أولى إعدادى مش أولى جامعة وبعدين انا اصلا مش هلبسه خالص عشان انا مش مقتنعة بيه اصلا منال ..... هو ايه اللى مقتنعة ولا مش مقتنعة ده فرض عليكى شروق ..... لا مش هلبسه خالص وأدى علا كمان مش لبسته منال ..... ليه يا علا مش لبستيه علا ..... زى ما قالت شروق يا طنط منال انا مش مقتنعة بيه منال ..... ومامتك سابتك كدا عادى علا ..... ماما ملهاش دعوة بيا اصلا سايبانى اعمل اللى أنا عايزاه شروق ..... شفتى يا ماما مامتها سيبها على راحتها اهو مش زيك منال ..... شروق اتلمى .... على على على على ...... أيوة يا منال مالك فى ايه بتزعقى منال ...... شوف بنتك مش عايزة تلبس الحجاب على ..... ليه يا شروق شروق ..... بابا انا مش مقتنعة بيه على ..... اهو قالتلك يا منال فى ايه دلوقتى منال ..... هو ايه اللى فى ايه لازم الحجاب على ...... لما تقتنع بيه بقى يبقى تلبسه براحتها سيبها منال ...... مينفعش يا على مينفعش كدا علا ..... ايه يا شروق الاوفر اللى مامتك فى ده احنا كدا هنتأخر شروق ..... بابا انا هتأخر كدا على ..... خلاص يابنتى روحى انا هتصرف مع ماما شروق ..... تمام يابابا يلا سلام على ..... سلام يا غالية خلى بالك من نفسك شروق ..... حاضر يابابا متخفش ( وخرجت شروق وعلا اللى المدرسة ) منال ..... ينفع كدا بقى يا على على ..... معلش بقى يا حبيبتى سيبها على راحتها دلوقتى منال ..... اه لحد امتى يعنى مينفعش كدا على ..... مش احسن من البنت يجيلها عقدة وتكون عايزة تنتحر زى ما بيحصل الايام دى منال ..... بس مش كدا بردوا على ..... معلش بقى يا حبيبتى استحميلها احنا عندنا كام شروق اصلا ادعيلها انتى بس منال ..... ربنا يصلح حالها ( شروق فى المدرسة ) المدير .... متأخرين ليه ياهوانم علا .... احنا اسفين يا استاذ شروق .... استنى انتى متأخرين فين الطابور دلوقتى هيبدا المدير .... لا يا هانم قبل الطابور بخمس دقائق يكون كله موجود عشان هنقفل الباب شروق .... اه بس احنا لقينا الباب مفتوح المدير ..... حظك ما انا كنت رايح اقفله المفروض تطلعى برا دلوقتى بس .... شروق ..... واطلع برا ليه محصلش حاجه لده كله المدير بغضب وصوتا عالى .... لا ده انتى قليلة الأدب خالص ما تحترمى نفس يابت ازاى بتقطعينى انا وبتكلم في ايه شروق ..... انا بوضحلك اننا مش اتأخرنا كتير المدير .... بعد ما اخلص كلامى يبقى انتى تكلمى فاهمة شروق ..... حاضر علا ..... احنا اسفين يا استاذ بس النهاردة اول يوم لينا فى المدرسة دى ومنعرفش القواعد المدير هو ينظر إلى شروق .... اول يوم وبتعملى كدا ده انتى داخلة على ايام سودة شروق ..... يعنى هتعملى ..... علا ..... شروق خلاص ... خلاص يا استاذ صدقنى مش هتتكرر تانى المدير ..... عايز اعرف كانت هتقول ايه ( نظر إلى شروق وقال ) انطقى ولا القطة كلت لسانك دلوقتى شروق .... ولا كلت لسانى ولا حاجة انت مش مدينى فرصة اتكلم وكنت هقولك هتعملى ايه يعنى هترفضنى يلا يكون احسن ( واتجهت إلى باب المدرسة وخارجة منها ) المدير ..... استنى هنا ( وقفت شروق ) ... لا يا هانم مش هرفضك ولا حاجة انتى اظاهر انك واحدة ولا همها حاجة خالص والرفض ليكى ده مش عقاب انتى هتفضلى هنا وهتشوفى ايام سودة منى شروق ..... اممممم ورينى بقى هتعمل ايه وبعدين انت تبقى مين اصلا عشان تكلمنى بطريقة دى المدير .... هتعرفى قريب يلا على طابورك اخلصي ذهبت شروق ومعها علا إلى طابور المدرسة واخدوا أماكنهم علا ..... ايه اللى انتى عملتيه ده افرضى رفضنا بجد دلوقتى شروق .... والله يكون احسن علا ..... هنشوف ايام سودة شروق ..... اللى يحصل يحصل انا محدش يقدر عليا اصلا صمت الجميع وبدأ طابور المدرسة الاستاذ عمر فى الميكروفون يقول ..... السلام عليكم يا طالبات اليوم اول أيام العام الدراسى الجديد وانا اكون الاستاذ عمر استاذ اللغة العربية والدين الان مدير المدرسة الأستاذ سعيد محمد سوف يلقى عليكم خطاب تهنئه بالعام الجديد وان شاء الله تكون سنة سعيدة عليكم وبالتوفيق ان شاء الله وصفق له الجميع وصعد المدير حتى يلقى كلمة علا ..... يالهوى يا شروق ده مدير المدرسة احنا روحنا فى داهية شروق ..... يا هبلة مدير يعنى مش هيدينا حاجة يبقى احنا فى الامان علا ..... اووووووه بقى دماغك العالية وضحكوا هما الاثنين .... بدا المدير يلقى خطابه المدير ..... السلام عليكم ورحمة الله وبركاته وكل عام وانتم بخير بمناسبه العام الدراسى الجديد فى البداية أحب انى ابارك لكل الطالبات اللى نجحوا وبالنسبة للناس اللى للاسف شالت مواد او عادت السنة لازم تشد حيلها السنة دى وتذاكر اكتر واكيد طبعا فى الاول والاخر خالص التهنئة الأوائل وان شاء الله هنعمل حفلة تكريم ليكم عن قريب إن شاء الله طبعا انتوا عارفين أنا كل سنة بقول الخطاب ده لطلابنا الجدد طلاب سنة أولى لأن طلاب المرحلة التانية والثالثة عارفين القواعد بتاعتنا طالبات سنة اولى بقى تركز معاية كدا اولا كل واحدة فيكم تنسى شغل الابتدائي ده انتوا هنا مدرسة بنات يعنى المفروض تكون من غير مشاكل ثانيا (نظر إلى شروق ) البنات بقى اللى اهلهم معرفوش يربوهم انا هنا هربيهم احسن تربية والبنت اللى تغلط هتشوف منى ايام سودة ثالثا .... نظافة المدرسة اهم حاجة عندى رابعا ... الفصل اللى مش عنده مدرس لو سمعت صوتوا طالع هيعرف ايه اللى ييحصلوا مش هيشوف خير خامسا ... لازم تشدوا حيلكم وتذاكروا وربنا يوفقكم جميعا ويعدى الايام دى على خير والسلام عليكم ورحمة الله وبركاته صفق له الجميع علا .... يالهوى يا شروق شكله مدير صعب شروق .... مين اللى صعب ده كلام على الفاضى صدقينى علا .... ياسلام ايه الثقة دى كلها ليه متأكدة كدا شروق .... يا حبيبتى دى خبرة وهتقولى شروق قالت علا ..... خبرة ومن امتى الذكاء ده بقى شروق .... من زمان يا اختى وانتى مش حاسة وضحكوا هما الاثنين شروق .... المهم بقى تعالى معاية الحمام علا .... ليه شروق .... عايزة اعدل نفسي شايفة اتبهدلت ازاى شكلى وحش علا .... وده وقته شروق .... اه وقته ياختى يلا وذهبوا هما الاتنين إلى الحمامات ولاحظهم المدير سعيد وانتظرهم حتى يخرجوا ( وفى الفصل ) الاستاذ عمر دخل الفصل الاستاذ عمر ..... السلام عليكم ورحمة الله وبركاته الطالبات .... وعليكم السلام ورحمة الله وبركاته الاستاذ عمر .... انا الاستاذ عمر هد*كم لغة عربية وان شاء الله نتعرف عليكم أثناء الدراسة يعنى البنت الشاطرة ومستواها حلو هى اللى هتتعرف صح ( احد كان يطرق الباب ) الاستاذ عمر ..... اتفضل عم عبد الله ( عامل فى المدرسة ) .... السلام عليكم الاستاذ عمر .... وعليكم السلام ياعم عبد الله ايه الاخبار عم عبدالله .... الحمد لله بخير يا استاذنا الغياب الاستاذ عمر .... اه هات عم عبدالله .... اتفضل الاستاذ عمر ..... عارفين نفسكم ولا لا الطالبات .... لا عم عبد الله .... أدى القائمة نادى عليهم الاستاذ عمر .... على رأيك وبدأ عمر ينادى على الأسماء وعندما وصل لاسم شروق لم يجاوب عنه أحد كتبها غياب وايضا عندما وصل إلى اسم علا أيضا كتبها غياب وعندما انتهى وقفت أحد الطالبات وقالت .... يا استاذ الاستاذ عمر .... نعم الطالبة ..... كان فى اتنين معانا فى الطابور وبعد كدا راحوا الحمام يبقى هما شروق وعلا دول الاستاذ عمر ..... وايه بيعملوا ده كله دول اتأخروا متأكدة أنهم هما الطالبة .... مش عارفة ليه اتأخروا بس هما اه انا سمعت واحدة بتنادى على التانية بشروق دى واصلا مفيش غيرهم الاستاذ عمر ..... طيب خلاص نمسحهم اهو .... وأدى مسحتهم اتفضل يا عم عبدالله عم عبدالله .... تمام يا استاذنا (و خرج من الفصل ) الاستاذ عمر .... ليه اتأخروا كدا دول كمان ونعود إلى. علا وشروق شروق .... كدا حلوة يابت علا .... قمر وحياتك شروق .... طيب وشعرى معدول وكويس علا .... اه كويس وحلو شروق .... تمام يلا بينا علا .... يلا وخرجوا هما الاثنين ووجدوا المدير سعيد ينتظرهم بالخارج المدير سعيد .... اهلا اهلا ايه بتعملوا جوة شروق ..... والله ده حمام هنكون بنعمل ايه يعنى المدير سعيد ...... عارفة لو مش لميتى لسانك ده هقطعهولك فاهمة شروق ..... انا برد عليك علا .... احنا اسفين يا استاذ المدير سعيد .... انتوا استاذنتوا من الاستاذ اللى عليكم شروق .... منعرفش مين علينا المدير سعيد ..... ااه وطلعته علطلول كدا اظاهر انكم مش سمعتوا كويس انا قولت ايه فى الطابور قولت أن شغل الابتدائي ده تنسوه خالص هنا فى قواعد ولازم تمشوا عليها فاهمين علا ..... فاهمين يا استاذ اخر مرة والله المدير سعيد .... تعالوا ورايا ومشيوا وراه ووصله إلى الفصل المدير سعيد .... السلام عليكم يا استاذ عمر الاستاذ عمر .... وعليكم السلام يا مدير ايه الاخبار المدير سعيد ..... الحمد لله ماشى الحال المهم شوف الطالبتين دول خرجوا من غير استأذان الاستاذ عمر .... اه فعلا انا كنت هكتبهم غياب من شوية المدير سعيد .... لا اكتبهم غياب وخليهم يحضروا الاستاذ عمر .... بس عم عبدالله مشي بدرى المدير سعيد .... بسيطة نجيبه تانى الاستاذ عمر ..... خلاص يا مدير حق عليا عشان أول مرة دى بس المدير سعيد ..... دول عيال اهلهم معرفوش يربوهم كويس الاستاذ عمر .... معلش يا استاذ سعيد امسحها فيا انا المرة دى المدير سعيد .... بس عشان الاستاذ عمر هسامح لكن المرة الجاية رفض ٣ ايام علطول انتوا جايين تلعبوا عنها علا .... احنا اسفين يا استاذ مش هتتكرر تانى (خرج المدير من الفصل ) الاستاذ عمر .... ليه كدا من اول يوم ده انا كنت هكتبكم غياب بس زميلتكم اتكلمت وقالت قاعدين تحت اول مرة واخر مرة سامعين علا ..... سامعين يا استاذ الاستاذ عمر .... يلا مكانكم ذهبت شروق ومعها علا إلى أماكنهم ومرت ٤ حصص من واتت وقت الفسحة شروق ذهبت إلى الطالبة التى أخبرت الاستاذ عمر أنهم موجدين تحت شروق ..... ازيك يا قمر الطالبة .... اهلا بيكى شروق ..... مش هنسالك المعروف ده طبعا الطالبة .... عادى احنا بقينا فى فصل واحد وزملاء شروق .... اكيد طبعا بقولك الطالبة .... أيوة شروق ..... ايه رايك تنضمى لشلتنا الطالبة ..... شلتكم شروق ...... اه شلتنا بصى هى مفهاش غير انا وعلا بس هتكبر قريب إن شاء الله الطالبة .... تمام موافقة شروق ..... اسمك ايه بقى الطالبة ..... أية علا ..... اهلا بيكى فى شلتنا يلا بقى نروح نشترى شروق ..... يلا أية ..... هنشترى ايه علا ..... هنشوف الموجود ( وهم فى طريقهم إلى محل ) شروق ..... أيه انتى فين بيتكم أية ..... تحت المدرسة علطول علا ..... يبختك ياعم شروق ..... طيب كويس والله عشان نعدى عليكى لما نيجى ومش تمشي لوحدك أية .... تمام اتفقنا هستناكم كل يوم وانتهى اليوم الدراسي الاول فى مدرسة الإعدادية .... يتبع .....