HINDI pa rin mapaniwalaan ni Corrine na kaharap niya sa kasalukuyan si JC. Hindi niya maalis ang mga mata sa mukha nito. She felt good—really, really good. Iyon ang unang pagkakataon na naging ganoon kagaan ang kanyang pakiramdam kahit na napag-usapan nila ang tungkol kay Mathias, kahit na ipinapaalala rin nito sa kanya si Mathias.
Siguro dahil sa lahat ng mga nagsabi na naiintindihan ng mga ito ang pinagdaanan niya, si JC ang totoong nakakaintindi ng nararamdaman at pinagdadaanan niya. Hindi lang nito sinasabi dahil iyon ang kailangan niyang marinig. Alam lang nito ang pakiramdam. Pinagdaanan din nito ang kanyang pinagdaanan.
Kinumusta ni JC ang kanyang lolo at kanilang relasyon. Ilang sandali muna ang pinalipas ni Corrine bago sumagot. “Interesting.”
Bahagyang nangunot ang noo nito sa
