NAGALIT ang mga magulang ni Corrine nang malaman ang nangyari. Pagkatapos ay nag-alala at natakot ang mga ito. Sa palagay niya, makailang beses na tinawagan ng mama at papa niya si JC para siguruhin na magiging maayos siya. Hinayaan na niyang mag-alala at mainis sa kanya ang mga magulang dahil naisip niyang trabaho ng mga ito iyon kahit na gaano pa siya tumanda. gayunpaman, hindi siya pumayag nang ipilit ng mga itong bumalik siya sa paninirahan sa kanilang bahay. She liked living on her own.
Sobra ding nainis kay Corrine ang matatalik na kaibigan na sina Emma at Billy. Isang buong araw siyang hindi pinansin at kinibo ni Emma. Nang lambingin niya ang kaibigan ay naiiyak na niyakap siya nito.
“Hindi mo na ako mahal,” angal nito.
Natawa nang malakas si Corrine. Alam niyang sa anak nito nal
