Pagmulat ng mga mata ni Corrine, sandali siyang naguluhan kung bakit iba ang amoy at pakiramdam sa loob ng kanyang silid. Kaagad namang nagbalik sa alaala niya na wala siya sa apartment. Nasa ospital siya. Amoy ng antiseptic ang kanyang naaamoy. Iginala niya ang mga mata sa paligid, hinahanap si JC.
Halos hindi na namalayan ni Corrine kung anong oras at kung paano siya nakatulog. Ang sigurado lang niya, nasa silid si JC kagabi. Nagkukuwentuhan sila hanggang sa tangayin siya ng antok.
Tahimik ang buong silid, walang JC. Hindi niya napigilan ang pag-ahon ng dismaya sa kanyang dibdib pero kaagad din niya iyong inalis. Hindi naman niya talaga inaasahan na uubusin ng binata ang lahat ng oras sa kanyang silid. May mga kailangan itong gawin.
Pag-upo ni Corrine ay saka niya napansin ang isang
