"اقدارنا، اعمارنا، لانعلم كيف تصبح ومتي ستمر، ولكن مدام الأمر بيد الله؛ فإطمئن"
تصنمت ملك مكانها؛ عندما نقلت نظرها ورأت الشخص الذي يقف بجوار فريده، كأن احد سكب عليه دلو ماء بارد .
وتحدثت بإضطراب وصدمه:
_انت؟!
جاسر بصدمه واستغراب:
_انتي؟!
ثم اردف الاثنين معاً:
_انت/انتي إيه اللي جابك هنا؟!
ملك:
_انت ايه اللي جابك هنا، ده بيتنا .
جاسر بإستغراب:
_ده بيت يامن صاحبي و..
فريده بمقاطعه:
_خلاص اهدوا ياجماعه، في ايه لكل ده، ثم وجهت حديثها الي جاسر:
_اتفضل، ياجاسر جوا .
جاسر برفض:
_مرة تاني ان شاء الله، عن اذنك .
والقي نظره علي ملك وغادر سريعاً .
دخلت فريده الي المنزل بعد ان قامت بإغلاق الباب، وهي مستغربه هذه النظرات العدائيه بين الاثنين، وتوجهت الي ملك وجلست علي الاريكه بجانبها وقالت بهدوء:
_ممكن بئا تفهميني ايه اللي حصل ده؟
ملك:
_علي ايه؟!
فريده:
_ملك ماتستهبليش، وازاي ماتع
