Cierra Maureen's POV
"Hey Cierra!"
Napatingin ako sa gilid ko ng may maupo sa silyang katabi ko na palaging bakante. Napatingin ako sa harapan namin at nakahinga ng maluwag ng wala pa naman pala ang professor ko.
"Anong ginagawa mo rito, Minton? Wala ka bang klase?" tanong ko sa kanya.
Napatingin ako sa mga kaklase ko na nakatingin sa amin. Agad silang bumalik sa mga kani-kanilang ginagawa ng makita nilang tinignan ko sila.
"Gusto lang kitang kumustahin. Hindi ka kasi sumasagot sa mga tawag ko. Anong nangyari sa inyo ng professor mo? Bakit naiwan kayo?"
Alam kong hindi lang siya ang may gustong magtanong ng bagay na 'yon at marami sila. Alam ko naman at napapansin ko sa mga kaklase ko pero hindi sila makapagtanong sa akin dahil mga takot sila sa akin. Inaantay ko pa nga na kumustahin
