Cierra Maureen's POV
Napabuga ako ng hangin at tsaka sumubo sa pagkain na nasa harapan ko ngayon.
"Papa, may ipagpapaalam po sana ako," nakangiting sambit ko.
Higit kalahating oras ko rin pinag-practice-an ang sasabihin ko ngayon kay papa. Malapit na kasing mag Sabado pero hindi pa rin ako nakakapagpaalam.
"Saan naman?" tanong ni papa na nakaupo sa kabisera ng lamesa namin.
Hindi ko pa nasasabi ang ipagpapaalam ko pero kinakabahan na agad ako. Hindi naman ako pwedeng umatras sa lakad namin ni Francoise dahil inaalala ko siya. Nahihiya ako kapag umatras ako. Nagsabi-sabi pa naman ako sa kanya na Sabado.
"Isidro, ayusin mo nga ang pagtatanong sa anak natin," singit ni mama.
Napatingin ako kay mama na nasa harapan ko at nakaupo. Mabuti na lang talaga palaging nariyan si mama kapag alam
