Maliwanag na ang paligid nang sikuhin ako ni Isla May upang gisingin ako, ngunit hindi ko maigalaw ang ulo ko dahil nakasandal ang ulo ni Soren doon. Nakatulog pala ako sa balikat niya at ganoon din siya. Marahan ko siyang siniko at pareho kaming umayos ng upo na tila ba ligaw at hindi alam ang nangyayari.
"You've been sleeping for eight hours, sleepyheads! A few more hours at makakarating na tayo," ani Isla May nang makita ang mapupungay naming mga mata ni Soren.
"Ha, it's been that long?" komento ko sa paos kong boses at sinubukang sumilip sa labas ng karwahe. Nasaang bayan na kaya kami? Saka ko naalala na hindi kami pupwedeng bumaba nang hindi kami nakakarating sa Blaire Academy.
Dahil magtatanghali na, nakaramdam ako ng alinsangan lalo na at masikip lang din ang karwahe na sinasakya
