بأسم الحب

السﻻم عليكم قصه للكاتبه ذكرى المندﻻوي البارت الاول ٠٠٠٠٠٠٠٠ جيهان اتمنى ابويه عايش الهل اليوم ويشوف بته تحجي وعيونه متروسه دموع اﻻم وداد بتي هو هم هسه احسه فرحان ﻻن مات شهيد يحس بينه اذا فرحنه صحيح ماما رفعت راسه للسماء وكالت اتمنى اخلص كليه واتعين وانصر شكو مظلوم حته يكولي رحمه الله والديج ويفرح ابويه اكثر وداد انشاء الله ماما هسه اجه ابو الخط يدك هورن بسرعه بنيتي ومااوصيج معليج بسوالف البنات العوجه امشي انتي بدربج وهمه بدربهم صار ٠٠٠ الجده ام ابوهة ميحتاج توصيها وداد بنتج ذكيه لتخافين عليهة اي والله صدك عمه بس ليش احسها هي الوحيده الي خلصت ودخلت كليه وقبله حسين واكرم وعلي ومحمد مخلصين ؟؟ ﻻن المدلله مالتج وعلى اربع ولد صدك عمه اليوم الفرحه عندي متنوصف الجده سيف ليش مااجه هو يوصله مو كال عندي شغله وهو راح يمر عليه يرجعه بعدين اني خليتله خط على شنو متعبينه شنو متعبينه غصبا ماعليه بت عمه وخطيبته ٠٠ بس ٠٠هو لو يريد جان هو كال من يمه اوصلهة مو احنه نجبره عمه تردين الصدك احسه مجبور على هل الخطبه الحجيه ليش عمه مجبور اكو ولد بهل اليوم ينجبر هي البنيه منكدر نجبرهة وداد اي عمه ابو جبره ﻻن انطه كلمه ﻻبو جيهان الله يرحمه قبل ميموت وكله جيهان متصير لغير ابني سيف٠٠ مشفتي شلون قاطع اهله وبات بره اسبوع ولو ماابوه تمرض مجان اجه وقبل بهل الخطبه الحجيه والله شكولج هي جيهان اكو واحد يعاشرهه وميحبها؟؟ من يصيرون ابيت واحد وبلعشره ذاك الوكت واحد يصير يموت على اﻻخ نسيتي انتي شلون اتزوجتي لو اذكرج وداد والله ياعمه ماضم عليج بنتي تحبه السيف ومن يوم ممات ابوهة صار هو كلشي بحياتها ولو صار شي ﻻسامح الله ورفضها يمكن تموت٠٠٠ روحه بي الحجيه ﻻ سامح الله انتي ليش تفاولين شخﻻج اليوم تحجين بهذا الحجي همه صارلهم 3سنين مخطوبين شصار وهوستي عليهم اذكري الله وداد ونعم بالله بس سيف صار يقلل جياته وكلما نخابره على شي يخصها الجيهان يتحجج بميت حجه جنه متردد وذاك اليوم شفتها تبجي بلحديقه وحدها سألتها مرضت تحجي حجيه لعد شلون خمنتي هو غاثها بنتي واعرفه لعد منو غيره وجانت كامشه التليفون وتباوع بصورهم وتبجي الجده اليوم احاجي انه واشوف ميت الولد شنو اني هم معاجبني وداد عليمن لعد شلون اي غير اعرف٠٠ هاي الحبيبه جيهان بت الغالي *********************************** بلكليه مهيمن واحمد هاااا اجت ؟؟ عروه ﻻ بعد بعد خط ابو رفل يمكن وياهم وهنا وكف الخط ونزلت البنات جيهان نسرين اكولج شو بطني كامت توجعني نسرين هههههه هاي جي اول يوم وج عيني صار بيه مغص يمكن من الريوك ماكله كيمر ههههه ولج ياكيمر هيه هاي وكتها توجعني؟؟ هاي يسموهة فوبيه اول يوم اخ بطني نسرين هاي مو بنات وياج اشبيج خزيتينه تعالي نشرب ليمو بصره من الكافتريا عدهم؟؟ كلشي عدهم مو اني خبره صرت هاي ثاني سنه (نسرين اخت سيف وبت عمها الجيهان) جيهان لو مو انتي مااعرف جان اصار بيه شفتي حته سيف اخوج مكلف روحه وكال اوصلج واني بس اتعذرله يم اهلي شي عنده شغل شي مديره ميقبل وامي احسها تعرف وتغلس علمودي نسرين يجوز صحيح عنده شغل ليش تشيلين ذنبه لدوريله عذر جي اخوج؟؟ هو اصﻻ البارحه اجه للبيت؟؟ نسرين حبي غير شغله وصعب والبلد حالته حاله هو ياهو مصبرني غير حبه تعرفين شكد احبه من اني صغيره واني اشوفه هيبه وحزام ضهري رغم اخوتي ممقصرين وياي بس حب سيف غير نسرين عيني عيني على الحب كون يسمعج اخوي ليش هو مسامع مني بس مدري شبي يجوز اني نزلت روحي وكرامتي صارت ﻻشئ عنده وهذا تالي الي يرخص گلبه يصير ملطشه بيد المحبوب ويلعب بي شاطي باطي ههههع حلوه هاي مال شاطي باطي السﻻم عليكم انتو ياقسم نسرين السبب احمد احنه مرحله ثالثه وحبيت اساعد نسرين ﻻ شكرا جيهان وعيونه غركانه دموع ﻻن اتذكرت سوالف سيف رفعت راسهة وصاركبال عينه عروه غمز الهة جيهان اسم الله استفتحنه نسرين شكو شوفي نسرين ايييي هذا عروه مصيبه الله ديري بالج منه شنو يعني مفتهمت۰۰ بس ماادري وين شايفته هو والي وياه اوكفي خلي اذكررررر عروه اتقدم شلونج اكيد اتذكرتيني تدرين مﻻبس محلنه عليج يخبلن طالعه فد شي اها۰۰ هسه تذكرتك انته ابو المحل بشارع فلسطين اييي هوه بعينه (مكيف) ابتسم وشرايد کلب وجها فشلان ليش الي يريد يسلم اله رايد شي وسلمت وبعد نسرين على كيفج جيهان جيهان طاكه روحها من اتذكرت سوالف سيف طلعته ابعروه جيهان متشوفي مره صاحبه مره هو عروه اسف اني اعتذر بس ردت اسلم وشكرا على ردج الجميل ۰۰۰۰۰۰ وراح مهيمن (مستهزء) هاي شبيها وياك هه عروه لك تسكت ﻻ امرد وجهك بيدي روحي طالعه امشي نطلع هاي شنو هسه جينه عروه طنكر كتلك ضجت (سحب جكاره من الباكيت يريد يشرب عيونه صارن حمر هاي اول مره بنيه تفشله بهاي الطريقه ) احمد. ها ابو اﻻسود سبع لو ضبع متوخر من يمي انته اﻻخ احمد اندار على مهيمن٠٠٠٠يسأل٠٠ اشبيه؟؟؟ غمز مهيمن اسكت مو وكته متشوفه عروه تجون لو اروح وحدي اييي جاييين نسرين اشدعوه عليج هيجي ويه الولد مكالج شي اوي ٠٠٠خلي يولي اني ناقصته ولج هذا يسمونه الساحر شعجب منسحرتي بعيونه اوو نسيت ﻻبسه حرز اسمه سيف يبطل كل سحر هههههه خرب ابليسج هيجي تحبي جيهان اسكتي لتهيجين عليه المواجع خليني اليوم فرحانه بلي حققته ٠٠٠٠٠ عروه وهو يضرب اﻻستيرن اذا مااندمج مااكون اسمي عروه ومو ابن ابويه احمد يمعود هي شكالتلك شخط السياره٠٠وكفها انزل مهيمن عروه اشبيك انزل انت هم وياه هاااا صدك تحجي لعد اشاقه انزلوا اثنينكم نزلوا وهمه يهزون بيدهم احمد هذا صدك خبل هي شكالتله وهيجي كام يفور مهيمن فشلته كدام الطﻻب بس البنيه حلوه تخبل ومبين راح اطلع القضه والمضه بصاحبنه احمد يمعود هو عروه اكو وحده تعصلك عليه يجيبه يجيبه وهل اذكرك احمد. تتراهن مهيمن على شنو تنطيني رقم احﻻم صار بس لدكول اني انطيتكياه خفت؟؟ لك هاي يمها كل اسباب الراحه تنسيك حليب امك بس متقبل اله للعرف شوقتني اتعرف عليها مثل اذربيجان اتمنى ازورها اشكد بخيل ولك اني صاحبك يول انت ليش متريد تفتهم ٠٠احلام هاي تعرفت عليها عن طريق عروه وبناتها يخبلن ٠٠٠ وللصبح هاااا عرفت لتوضح اكثر لعد هيجي انت ﻻزك بيها على كم وحده تعرفت عن طريقها؟؟ اهووو ٠٠ هيجي رصيدك قوي عروه الووو احﻻم هله بلساحر اريدج بشغله اامرر يكميل امرك ماشي نسرين تعرفيها ؟؟ يانسرين مرحله ثانيه نسرين ال،،،،،،، اشبيها اريد اوصللهة ﻻ هاي ظهرها قوي تخوف عوفها يول اني مااريدها ومالي شغل بيها ٠٠ بس اريد عن طريقها اوصل الجماعه عرف هااا فهمتك ليش خو كبل اني اجيبلك الي تريدها عليك بس تنطيني اسمها باجر اطك صوره الها احﻻم تدلل من عيوني بس لتجيب اسمي بلطاري يتبع اليوم الثاني احمد مهيمن انت شفت رويده ﻻ مشفته شو صبحت عليه وكالت الكاك بلكفتريا وماكو تلكاها راحت للمحاضره ولك يامحاضره نسيت هاي اول ايام الهم بعدهم يجوز راحت العروه خلي اخابره ولك شتخابره انت ناوي تفضحنه هم صدك نسيت والله لو يدري بيك مصاحب اخته ﻻيعلكك على حبل المشنقه اششش اجه اسكت السﻻم عليكم وعليكم السﻻم شكو خير وجوهكم مو راحه احمد هه ﻻ ماكو شي كولي اسويت على شنو مهيمن اشر بعينه اسكت مو وكته احمد ﻻ هيج عروه وين رايحين جنكم ناويين ادزوغون اليوم مهيمن ﻻ احمد عنده شغل بلمحل وراد اجي وياه عروه هاااا احمد شنو هاي عركه مهيمن وين عروه عيونه صارن حمر نزع جاكيته وشمره على احمد وراح يركض لزم الولد ودك بو**يات الحد ما ادمه نسرين لج جيهان باعي هذا الساحر اليوم عليمن استفتح جيهان اهوووو هم جبتي طاري ولج غ*يه هو غصبا ما علينه نباوع عركات الولد تخبل جيهان دومج اتموتين على العركات وسمعوا صياح العروه ابن الكلب هدور على اختي احمد عوفه الي خلي اربي مهيمن عروه مقصر عروه ﻻزمينه الشباب يردون بس يفك وهو ابد فاتت من يمه جيهان اشكد اكره الشباب الي بس يحبون يتعاركون حتى يبرزون عضﻻتهم طخ عينه بعينهة خنزر عليهة ونفض ايده وكال ودوا كدامي للمدير جيهان بعد ماابتعدت فكت حلكه نسرين شو هذا ضربه ودزه للمدير والحرس واكفين يباعون شنو السالفه نسرين حقج متعرفيه عروه هنا طالب وهم يشتغل بأمن الكليه هااا هيجي نسرين ولج صارلي شكد بس اريد يباوعلي بس يلمحني ولمه اجه البارحه يسلم انتي كشيتي جيهان شنو ذبانه واكشه من هذااا اكول دفاعج عنه البارحه يله الخاطرج اذا سلم هلمره ماارده فدواتج امواه ه ه جيهان هعهعععع ثاريج مو هينه اخت سيف لج مو تكلين اﻻخويه سيف تره يموتني هه مخبله حته ايذبحنه اثنينه *********************************** عروه انتي شنو طفله وافتر وراج متعرفين اتهدين بمكان جنج مشايفه من اول يوم جنج نحله هئ هئ اني شعليه هو اجه يمي كالي احب اتعرف ومرديت والله وانت جيت وشفته شمسويه اني شعليه عروه خرب حظي اشكد فاهيه بعد هو ميتقربلج عرف انتي منو وانتي ديري بالج ﻻ والله ا**رج ات**ر ترى هنا مو مثل المدرسه اذا بس ابتسمتي يعتبروا غير شي مواني فهمتج لو اعرف بس هذا راسج شبي جان ارتاحيت يله فوتي كدامي رويده اخت عروه اول سنه الهة وتحب احمد من ايام المدرسه ومن جان يجي ويلتقي ابيتهم شافهة مره وانعجب بيه وكام يتصلون بس بلموبايل بدون ميعرف عروه وهي انسانه لطيفه وحلوه ونازكه بكلشي بس احمد شخص نفس صاحبه لعوب احمد خربت الطلعه من وره هل الفاهيه بت الفاهي مهيمن اني معليه بيك اني والحب راح نطلع شعليك هي منى مثل رويده هاي اخوهة وراهة وين متروح ادكول ظلهة الله يكون بعونك حتهى متكدر تطلع ويه غيرهة ليشوفك الحب وخر مني ترى وصلت ههعععع *********************************** سيف حبيبتي شاسوي اﻻبوي معاند لو بت عمك لو ماكو قافل حنان. وهسه ياحبي الى متى اني ابقى مو البارحه جوي خطابه وهم رفضتهم الخاطرك حتى اهلي بدو يشكون بيه هسه يلالله عاد هو كم واحد قابل ميه ورافضتهم على مودي ليش انت هيج حبي شترديني اقتله اﻻبويه ﻻ ليش ابوك روح الجيهان وكللهة الحقيقه هه انتي مخبله نفس الشي جيهان تحبني من الصغر متعلقه بيه خصوصا من مات عمي واذا عرفت الحقيقه يمكن تجن وابويه ينجلط ﻻن يحبه كلش ومو بس هو البيت كله شدعوه انت سديت كل الطرق عليه وهسه شلون حلهة اني يمكن راح اقبل بلي جاي ﻻن ماكو اي عذر عندي بعد وابويه واخوتي بدو يشكون غير اقتلج اهووو هم رجعنه حبي سيوفي ماكو حل غير ادكوللهة خلي اشوف اليوم اروح الجدتي دازه عليه واذا فتحت الموضوع اكوللهة صحيح سيوفي امري ال الله وخليه وراي تخرب وشيصير خلي يصير ********************************** عروه السﻻم عليكم نسرين وهي تبتسم وعليكم السﻻم عروه اني جيت اتاسف علي صار البارحه ولو مكان ﻻزم بس جانت نيتي صافيه وصديقتج متعرفني زين وهاي اول سنه الهة والظاهر ماخذه فكره مو خوش على شباب الجامعه جيهان رفعت راسه وباوعت بوجه وكالت هاي اول سنه صحيح لكن اكدر اميز الصالح من الطالح هه شنو قصدج (وقيض ايده اليمنى بقوه يمنع روحه يضربه راجدي) نسرين جيهاااننن بهمس عروه ﻻعوفيه انسه نسرين جيتج بشغله لترديني نسرين انفتحت اساريرهة والقلوب كامت تركص كدامه خير اتفضل دغته جيهان خير انشاءالله مثل ماشفتي العركه ويه هذا الي ماادري شاسمي وهاي الي تعاركت علموده اختي رويده نسرين هاااا صحيح اختك جيهان باوعتله بطرف عينه عروه اريدكم اتصاحبوهة هاي اول سنه وانتو ارتاحيتلكم امبين عليكم خوش بنات واني بصراحه مااكدر افتر وراهة وكل شويه مسويلي عركه وهي كلش فطيره نسرين مو تدلل جيهان دغته وكرصته. نسرين اخخخخ عروه اذا ضوجتكم مﻻزم اني اسحب كﻻمي وكانه كلشي مطلبت منكم نسرين ﻻﻻﻻﻻاااءء شلون يصير بلع** احنه فرحنه وكلي عليهه واني اروح احاجيه ميصير اﻻ خاطرك طيب تحجي اشكرج عروه ويه روحه اجيبج اجيبج وين ترحين مني اله ابجيح دم وانزل خشمج العالي وادوسه برجلي واسويج ف*جه للكل *********************************** الجده يمه ام جيهان فتحي الباب مدري منو يدكه شلونج خاله هله بسيوفي انت شلونك امك ابوك بخير خاله انتوا شلونكم جدتي شلونه زينه الحمد لله هل تسأل عليك تعال يمه سيوفي شلونج جده وباس راسهة اني بخير مادام انتوا بخير تعال اكعد خلي اشبع من طولك ابوك امك اختك نسرين شلونه زينين يسلمون عليج من وين جاي من الدوام هاا رحت على بت عمك للكليه ﻻ والله بعدني هسه راح اروح كلت امرلج ابوي يكول طالبتني مخصوص خير خير ابني متغدي اي بلمطعم ليش يمه اكل بره يمرض شسوي هو هذا حال العزابي وشخالك الي هسه عزابي وعروستك موجوده يابعد جده والله ياجده ماطول فتحتي هل الموضوع خلي اكلج سالفه شنهي يابعد روحي جده اني احب وحده صارلي سنتين وارد اتقدملهة الجده بهمس يمههه شنو هل الحجي لتسمعك ام جيهان سيف كافييي بعد الخاطر الله تعبت كم مره اكوللكم جيهان مثل اختي نسرين مااكدر اعتبرهة غير شي افهموني ام جيهان سمعت هل الحجي واحنه هم بتنه ترى مو بايره ونشمره عليك اذا رايد تخطب غيرهة الله يسعدك وروح بفالك الجده وداد شنهي خل نتفاهم عمه اني مااكدر انطي بنتي الواحد ميريدهة كوه اجبره سيف اني رايح الجده.تعال اوليدي ﻻ هيج االحجي مايصير ام جيهان عوفييي عمه براحته سيف وهو يباوع اﻻم جيهان في امان الله الجده. تعااااللل سيف سلميلي على الولد الجده يايا وطلع ام جيهان شفتي عمه مصدك ينهزم وهاي المكروده بانيه امال عليه من هسه وترديني اسكت يحب غير وحده ويريد يتزوجه وهاي المسكينه شراح يفهمهة الجده انتي مخليتيني احاجي شتحاجي هو راسا طاجياهة ويكلج مااريدهة اهوووة هسه شلون بهاي المسكينه من تسمع *********************************** نسرين ابو رفل اليوم منجي وياك اخويه سيف يوصلنا هااا صار لعد في امان الله االله وياك جيهان نسرين شلوني حجابي عدل خو ماخاله مكياج طوخ قميصي ضيك احجي شبيح اهووو هم بدينه اني الج عروه تردون اوصلكم بسيارتي جيهان ﻻ شكرا بنتره نسرين هاي اختك عروه اي نعم رويده نسرين واشر على جيهان. نسرين بت عمي جيهان رويده اهﻻ وسهﻻ بيكم نسرين اخويه سيف راح يجينه اشكرك لعد راح انتضر الحد ما يجي تعرفون بنات والوضع خطر نسرين اشكرك اهااا اجه سيف دك هورن جيهان راحت تركض بدون مترخص عروه حس عليه خصوصا من هلت اساريره وراحت تضحك وتسلم وكعدت ليكدام عروه ويه روحه هيجي السالفه نسرين اني اترخص سيف منو هذا جيهان اخو صاحبتنه شيريد عباله وحدنه وراد يوصلنه نسرين شلونك سيف سيف زين جيهان الفرحه متسيعهة سيف كلما تشوفه تحس بهل اﻻحساس هو ابوهة وحبيبهة وكلشي الهة بهل الدنيا البارت الثالث بأسم الحب ٠٠٠٠٠٠٠ سيف وهو يسوق منتبه للطريق وميحس بعيون تتفحصه جيهان مريت على جدتي سيف اي مريت ليش تسألين جيهان بابتسامه اي مو هي كلتلي سيف راح يتغده يمنه يعني تنزل تتغده بعد متوصلني ؟؟ سيف بنتره ﻻ(ويه روحه يالله شهل اللزكه ) تعال انزل الله يخليك امي طابخه برياني اليوم تعرفك تحبه نسرين هههه امج لووو اندارت عليها جيهان بهمس اسكتي انتي معليج سيف جيهان اكو موضوع اريد احاجيج بي بعد ماوصل نسرين للبيت نسرين اييي عيني صار بيناتكم مواضيع الظاهر جدتي حلتها التفت عليها سيف وخزرهه نسرين ٠٠٠٠٠٠ جيهان جنت فرحانه والفرحه مسايعتني واخيرا حيكولي الي بگلبه تچاهي سيف شخط السياره نزلي نسرين وكولي اﻻمي اني شويه راح اتاخر على الغده صار باي جيهان بايييي وطلع بلسياره المكان هادئ قليل ميمر بي احد وكف ٠٠٠٠واندار عليها صمت ٠٠٠شويه صافن على الطريق الكدامه كأنما يستجمع افكاره وكال باعي جيهان جيهان ردت عليه بنعم وعيونها البريئه تحجي عن مدى حبها المدفون لكن فاضحتها عيونها البريئه سيف اني الي راح اكوله صدكيني الصالحج ٠٠٠ زواجي وياج مستحيل يصير ﻻن اني بصراحه ماضم عليج وماريد تبنين امال ٠٠ماتحمل اشوفها بعيونج جيهان ٠٠٠انيي احب وحده صارلي سنتين٠٠٠ واتعهدنه اثنينه على الزواج ٠٠٠٠٠من يومين فتحت موضوع زواجي منها وابويه رافض علمودج ٠٠٠ لحظات صمت ٠٠٠ سيف بعد ما لاحظ تعابير وجها الي تغير و صار اصفر لزم ايديها وحاول يهديها ايديها الناعمه الي اختفت تحت جناح ايديه السمر الخشنات كمل بصوت مبحوح سيف جيهان اني اعتبرج مثل اختي نسرين ماعندي اي مشاعر تجاهج ٠٠٠ وصدكي اذا انجبرنه وصار هل الزواج راح يفشل من اوله يعني مال حب غير اﻻخوي مستحيل ماعندي اقدملج زواجنا حيكون فاشل ٠٠وحتنظلمين وياي جيهان٠٠ گلبي مو الج تفهميني ؟؟ نظر العيونه منتضر جوابها جيهان بدت حبات الليلو تتساقط وايديها بدت ترجف وهي تحاول تتحرر من ايديه دفعته بص*ره متهستره وكالتله تعاتب وحبك الي من الصغر؟؟ وقصائد الحب الي تكتبهن اليه؟؟ من تراهقنه هاي كلها جانت جذب ؟ ضربته بكل قوه وكانت ضرباتها خفيفه بلنسبه الضخامه وهيئة جسمه السيف صاحت وهيه تشهك ليش هي بشنو احسن مني؟؟ حبتك بكد مااني حبيتك ؟؟ مو اني اعتبرتك ابويه واخويه وحبيبي وكلشي بلنسبه الي ليشششش؟؟،،خليتني ادخل باوهام وابني اامال٠٠ باوع بعيونها همست مووو انييي وردة الجوري الي جنت اتسميني حاول يبعد عيونه لتلتقي وتصدم بعيونها بعيد على جهة الشارع ورد حب مراهق واندفعت زايد مجنت افتهم جيهان يعني شنو مراهق واني جنت طفله وتكذب عليه؟؟ حبيت تلعب وتلتهي ٠٠وبعدين طز بيه٠٠٠ خلي تولي جيهان كيلو بيش موو؟؟ مفكرت اني شراح يصير بيه مو بشر مالي احساس ولا مشاعر ؟؟ حسبي الله ونعم الوكيل بيك ياسيف ياابن عمي لا وعليش هههه ضحكت بهستيريه روححح مااكول غير روح الله يهنيك ويسعدك ويه الي تحبها وعسى هلمرة تكون صادق بحبك وتكون اﻻخيره كافي بعد اللعب ابمشاعر بنات العالم (باستهزاء) سيف تعصب من كلامها حس بقمه قذارته تجاها صاح جيهاننن مسحت دموعها بيديها بغضب وكالت نزلني خليني داوصلج صاحت موجهة اصبعها تجاهة معليك بيه بعد افتهمت ؟ سيف نزلي اصبعج ﻻ ا**رهه ولججج هاي حجايتج ماريد اسمعها الي صار بينه خليه على حده ٠٠اني بعدني ابن عمج ومربيج وكلمه معليك بيه ماحب اسمعها افتهمتي ؟؟ كلام زايد ناقص ماريد ٠٠ حرك السياره وجيهان ساكته كارهة وجودها وياه وصلها الحد الباب جاي تطلع جرها من ايديها خزرته مهتم همس شوفي وسمعيني زين ٠٠٠ ابويه اذا سألج كولي انتي الي رافضتني خوشش خزرته بعيون مليانه دموع مستحيل هو هذا الي جانت تحبه ردت بشبه ضحكه مو تدلل ابن عمي راح اكوله اني احب غير واحد واموت عليه ومتفقين اني وياه٠٠٠ وحيجي يخطبني منك وسيف هو مثل اخويه حسين ماعندي اي مشاعر تجاهه سيف بغضب لججح شنو هل الاكلان خ٠٠ عيونج طالعه وسبتي من دخلتي الكليه ولج لا عبالج ناسيج ذاك سبف الاول ا**رج ت**ر ٠٠٠ ادبسزز من اول يوم داومتي بي طلعت عينج لاتباعيلي هيجي نزلي عينج لا اف**ها الج خوشش جيهان بنتره وخر عني انت مالك حق عليه بعد عندي اخوه همه المسؤوليين عليه سيف ٠٠٠٠عيونه صارن دم وبرزت دمارات وجه عصر ايديها بقوه باعي عليه ولجججوو اسمعيني زين اني الي حق ا**رج وادفنج بدون مايرفلي جفن ؟؟ لتكولين سيف فك ايده مني ومحد يحاسبني وبكيفي العب شاطي باطي ﻻ والي **ر باب خيبر ﻻاقتلج واشرب من دمج مو تتمادين ابقه ابن عمج ومسؤول عليج حالج حال نسرين وهذا دوامج ٠٠٠ بعد اني اوديج واجيبج ٠٠تنفس بقوه فر بيده وباوع ليكدام يكمل طريقه وكال هيهي توها فا**ه من البيضه و تحجي بكلام بكد راسها ياله نزلي٠٠٠٠( بنتره) جيهان ٠٠٠طكت روحي منه شهكت وبجيت بعد ما طلعت وسديت بوجها بيديه الباب بكل قوه ورحت اركض صاح . اني الج اصبريلي الكفج بس ارجع ٠٠٠٠٠٠ وداد يمه اسم الله شبيج شبيها عيونج حمر هااا افتهمت شفتي ؟؟حجه وياج ؟؟ هزت راسه بجت ماما اني ليش هيجي حظي الي احبه واتعلق بي يروح مني وداد ماما هذا مو حظج هذا وكتنه صاير هيجي خلي يولي هو ميستاهلج خلي ياخذ غيرج وتشعوط گلبه۰۰۰لتبچین یمه۰۰ طبه مرض ماله بلطيب نصيب الجده شبيج يابعد عمري وطوايفه ليش تبجين يابت الغالي خلي يولي هو الخسران يجيج احسن منه باجر جيهان۰۰۰كالت بروحها هاي انتوا شدتحجون هي هيج بسهوله گلبي ينساه اني احبه من الصغر وحبه مرسوم بشرايين گلبي رجعت تبجي بكل حركه وداد تعالي خل افهم شكلج مردت عافتهم وراحت تركض الغرفته وسدت الباب عليها ووظلت تبجي ويومها مطلعت حبست روحها بغرفتها اﻻم بحسره شبيدي عليج الجده اخخخ ياسيف انت يطلع منك كل هل البﻻوي واني الي اتفاخر بيك كدام العشيره جيهان صافنه كبال مرايتها شناقصني ياربي ليش حبها وعافني شنو الي شافه بيها مابيه ؟؟ حبيته اكثر من روحي وفيتله من الصغر وعيت على الدنيا شفت دنيتي بعيونه٠٠٠ طلعت راسايله شمرتهن بلكاع وكعدت كابلتهن تتسائل هي هاي مو كلماتك لو كلمات غيرك ؟؟ شغيرك عليه ؟؟ احلى مني يمكن اشيك مني يمكن بس مال تحبك اكثر مني مستحيل صاحت وكعدت بلكاع وداد يمه ابنيتي راحت مني عمه تعاليلي بنيتي راح تموت الله ﻻ ينطيك ياسيف ********************************** بيت سيف نسرين وهي تفتح الباب ترى ابويه منتضرك بلهول وصاير نار على شنو هم نفس السالفه ؟؟ اي جدتي خابرت وكالت جيهان اخوتها اموديها للمستشفى متخربطه واني شكو هه شنو شكو غير من وراك خزر بيها اهووو اني شعليه العليه كلتلك دك موبايله رد الوو ٠٠٠٠ها حنان بعدين اخابرج اﻻجواء عدنه متكهربه يعني ابوك عرف اي روحي هسه بعدين اخابرج اي حبيبي بس دير بالك ترضخ اﻻوامر ابوك انجبي لج وليي نسرين هاي منهيه اكيد حبيبه الگلب الي علمودهة عفت جيهان توخرين مني ﻻ امردچ بيدي روحي شوفي بعده بلهول ليش مناوي تحاجي اول وتالي ﻻزم تحجي وياه هسه مو وكتها من يهدى احاجي ديريد يصعد شافه ابو وصاح تعال وين تريد تنهزم سيف هاا يابه شلونك؟؟ وين انهزم ناوي ادخل للبيت تعال تعال خلي نشوف شتريد حضرتك اﻻم اصبلك غده؟؟ التفتت عليه وهمستله دير بالك ميتحمل سوالفك اﻻب انتي معليج اطلعي صار ابو سيف اي استاذ سيف سمعت بيك تريد تتزوج اي نعم بدون مندري؟؟ ﻻ شلون غير انتوا ترحون تخطبوهة واني قابل اتفاجئ سيف اتفاجئت ايقابل كم سيف عندي ردتلك اﻻصلح بس الظاهر انته متريد وهاي منين اصلها فصلها سيف بدهشه هي اسمها حنان بت ،،،،ومن عشيره ،،،،،، وعمرها هااا عمرهة 27سنه يعني اكبر منك بسنتين اي بس احنه انحب بعض وهذا الشي ميفرق عندي بسسس اني قابل ٠٠٠٠ بشرط تكمل خطبتك على بت عمك سيف مصدوم شنو يعني اخطبهن اثنينهن ماكو هيجي شي وين صايره تحجي صدك ؟؟ اي وماعندي غير هذا شرطي للقبول *********************************** عروه الووو احﻻم اي حلومه جبتلك اخبارهة للبنيه عفيه عليج كولي . هيه البنيه الوحيده على اربع ولد ومخطوبه اﻻبن عمها ضابط واسمه سيف واخته نسرين يمكن تعرفها زين طالبه يمكم وبيتهم اب،،،،،،،، وابوهة مستشهد بانفجار صارله عشر سنين عروه يعني الي اجه اباب الكليه البارحه جان هو خطيبها اي وهي تحبه يعني ايس هه شناوي على خير انشاء الله دير بالك هاي مو مثل اي وحده ترى مسنوده وخطيبها شرس ٠٠٠ وابن عشاير ،،،،،، واذا ٠٠٠٠كلنا ولد عشاير اني معليه طلعني من هل السالفه لتخافين حبي جاو جاوات ********************************** جيهان ٠٠٠٠ نايمه بغرفتها بعد ما اخذت مهدئ اخوتها كلمن راح البيته بس محمد اصغر اخوتها جان يكلب بلموبايل بلهول دك الباب محمد اهﻻ سيوفي هله جيهان شلونه ذيج بغرفته وداد حاولت تمنعه خوفا على بتها صاحته بصوت عالي ٠٠٠سيف اذا ناوي تلوع گلبها لا تروحلها وﻻ تحاجيهة وارجع للبيت احسن الجده وداد عوفيه خلي يدخل تلكيتي من الباب جا شنهي هو هيجي الحجي ﻻ عمه بنتي واريدهة مجايزه منها شترديني اسكت الحد ماتموت وتروح من ايدي ؟؟ محمد ماما خلي يدخل عيب شنو هل الحجي اشرتله بيدها غصب ٠٠٠ ادخل دخل سيف الجده تعال اكعد هنا يمي وحاجيني يابعد گلبي قبلت بشرط ابوك سيف اني قابل بس ابويه رايد اتزوجها قبل حنان زين حنان اذا درت تقبل ؟؟،، اكيد راح ترفض انت تحبها الحنان ؟؟ باوع الجدته ساكت ٠٠ زين وحبك الجيهان وين صار هز راسه وعيونه للكاع ماادري جده شنو الي ماادري اخاف تجي فد يوم تكلب على حنان وتحب غيرها شلون ما اشوفك متعرف شنو معنى العشك يابعد جدتك سيف هه٠٠ مو الهل درجه بس هي خلتني احب سوالفها واتمنى اكون على طول وياهة ٠٠٠٠ارتاحلها ماادري شاكولك لعد وبت عمك المسكينه سكت بعدها رد انيي هنا طبت جيهان بعد ما دفعت الباب بقوه من سمعتهم يحجون ﻻ جده لدكولين هيجي الي ميريدني مااريده وﻻ يغصب روحه عليه خلي يشوف دربه واني انشاء الله هم اشوف دربي هي هاي الدنيا متبقى على واحد التفتت عليه وعيونه ذبﻻنه وكوه ﻻزمه روحه اﻻ شويه توكع شوف ﻻ عبالك ميته عليك مو جيهان الي تن**ر من اول هويه ٠٠شوف دربك ابن عمي والله وياك روح كول العمي بنت اخوك مترضه تعيش بذله وراسك يشم الهوه مو جيهان الي تقبل تعيش عيشه الذل ويه واحد ميحبها سيف بكل هدوء٠٠٠ هذا اخر حجي عندج؟؟ جيهان هه٠٠٠ اي اخر حجي وفي امان الله سيف سيف وهو متفاجئ بكلامها جان يتوقع تتوسل وحتموت بس يعوفها ويتزوج غيرها كال بس اني متفق ويه ابويه مو بكيفج جيهان مو بكيفك اني اكولها مو انت٠٠٠ ٠٠٠ اني الي ارفض ٠٠٠لو بس انت على وجه اﻻرض هم مااريدك روح ابن عمي طريقك اخضر توكل سيف بغضب ولج انتي طالعه عيونح وداد سيففف الجده شو انتو متستحون ماالكم حرمه للجبير وداد. العفو منج عمه سيف اني اترخص ومثل ماكال ابوي يصير محمد سيف تعال الجده. سيوفي جيهان خلي يروح جده ليش تلحين عليه٠٠ هو الحب جبر سيف خزرها وطلع يتبع .... *********************************