“Baka inaantok ka na?” tanong ni Kenzi habang umiinom ng beer.
“Medyo pero kaya ko pa naman.” Sagot ko.
Nandito kami sa tabing dagat, umiinom ng beer. Pinag-uusapan namin kung ano ang mangyayari ngayon. Ngayong kasal na kami na pilit lang. Parehas na lang kaming natatawa sa sitwasyon namin ngayon. Hindi dahil masaya kami. Kundi dahil kapag masyado naming pinag-isipan, pareho kaming mababaliw.
Malamig ang hangin mula sa dagat. Tahimik ang paligid maliban sa tunog ng alon at sa mahinang tugtog mula sa resort na ilang metro ang layo sa amin.
Napabuntong-hininga ako. Hindi ko pa rin matanggap na kasal na ako kay Kenzi. Hindi ko pa rin matanggap at kahit ilang beses kong ulitin sa isip ko, parang hindi pa rin totoo.
“Ang lalim ng iniisip mo,” sabi niya habang iniikot ang bote ng beer sa ka
