Kinabukasan ay nahuli na ako ng gising. Alas otso na ng umaga. Sa sobrang pagod ko rin kagabi ay hindi ko na napansin ang pag-alarm ng cellphone ko. O, baka pinatay ni Cai? dahan-dahan ako na bumangon at bumaba sa kama. Nang lumabas ako ng aking silid ay nakita ko si Cai na walang pang-itaas at nagluluto sa aking maliit na kusina.
Mukhang hindi niya ako napansin?
Naglakad ako palapit sa kaniya at niyakap siya mula sa likod. Napapitlag siya at nabitawan ang kutsara na hawak.
"Hmmmorning, baby..." I whispered.
"You surprised me, Lizianna."
Humarap siya sa akin nang nakangiti. Hinawakan niya ako sa aking magkabilang balikat at bumaba ang kaniyang mukha para bigyan ako ng malalim na halik. Napatingkayad ako at kumapit sa kaniyang batok. Nang humiwalay si Cai ay hinabol ko pa ang kaniyang
