Nakatingin lamang ako sa babaeng nagpakilalang ina ni Cai. Nakaupo ito sa aking harapan sa may pang-isahang sofa. Nang magpakilala siya kanina ay totoong nagulat ako. Nabigla at hindi kaagad nakabawi. Ang dami nang pumasok sa aking isipan. Ngayon ay habang inililibot nito ang mga mata sa aking buong apartment ay kabado ako at hindi mapakali, ang aking mga kamay habang nakahawak sa laylayan ng aking suot na damit at walang tigil sa paglamukos.
Nag-offer ako kanina kung nais ba niya ng maiinom ngunit itinaas lang sa aking harapan ang isang kamay habang panay ang tingin sa aking lugar.
Napansin ko pa na nagdalawang isip ito kung uupo. Tiningnan pa kung malinis ang sofa.
Mayaman... s-sa tingin ko ay hindi lang ito mayaman.
"You are an OFW."
Siguro ay higit sampung minuto na ang lumipas
