Napakunot ang aking noo. Ang kaniyang sinabi ay hindi ko masyadong narinig dahil nakuha na ang aking atensyon ng pagbusina ng bus sa amin. Napatingin doon si Cai.
"Oh, halika na!" sabi ko sa kaniya at hinila ang kamay niya.
Pagkapasok namin sa loob ng bus ay ako ang nauna na umupo. Siya naman ay nakatayo pa rin at nakatingin sa loob ng bus. Tinapik ko ang aking tabi at tumingin naman siya sa akin. Tumalima naman si Cai at naupo na sa tabi ko.
"Sa ospital na tayo dumiretso, ha?"
Hindi siya sumagot sa akin pero tumango naman. Nagtaka na ako sa inaakto niya kaya hinawakan ko ang kaniyang braso para kunin ang atensyon niya. Baka dahil sa pagkakatama ng ulo niya kanina? may... may naaalala na kaya siya?
"Cai..."
Napabuntong hininga ako nang hindi siya lumingon sa akin sa tawag ko. Kahit n
