Akala ko ay magiging madilim ang buong lugar, medyo kinabahan ako sa pupuntahan namin kasi nga gabi na. Pero dahil lang pala iyon pwesto namin kanina. Sa mga naglalakihang mga puno na natatakpan ang liwanag na nanggagaling sa buwan. Napatingin ako sa paligid, nae-enjoy ko ang mga nadaraanan namin, hindi naman kasi ganoon kabilis ang takbo ng kabayo ni Sancho, pakiramdam ko nga ay hindi naman ito ang normal. Siguro dahil nakasakay ako at kasama niya.
"Is this your first time riding a horse, Lizianna?"
Napansin niya ba?
"Uh, oo, e."
Ang higpit kasi ng kapit ng isang kamay ko sa kaniyang braso na nakahawak sa tali ng kaniyang kabayo.
"You are not going to fall, hawak naman kita."
Tumikhim ako at tumango. Hawak nga niya ako at medyo nakasandig ako sa kaniyang harap.
"Medyo nalulula l
