Pumunta muna kami ni Sancho sa likod ng bahay at nagpaalam sa nanay na aalis na kami. Hindi binibitawan ni Sancho ang aking mga kamay. Nang sabihin ko sa kaniya na kami na ang magdala ng mga naiwan na gamit ay sinabi niya sa akin na ipakukuha na lang kay Rixon. Alam ko na kaagad ang nasa isip niya.
Hindi nga naman niya mahahawakan ang kamay ko at maipapakita kay Gab iyon kung parehas na may hawak kami na mga gamit.
Ibang klase rin talaga magselos ang isang ito. At kahit na nagbawal ako sa mga di niya dapat na gawin sa 'panliligaw' na ito ay nakagagawa siya ng paraan dahil sa selos niya. Natatawa na lang rin ako, ito at ang higpit ng hawak sa aking kamay, nang malapit na kami sa kubo kung nasaan si Tatay at si Gab ay lumipat sa aking baywang ang kaniyang kamay at kumapit doon.
Nagpaalam
