Maria Lizianna
"Ate, may bisita ka."
Oh? andito na siya agad?
Hindi ko tiningnan si Nico nang magsalita siya dahil ang aking atensyon ay nasa pag-aayos ng mga pagkain. Nagsasalin na ako sa tupperware ng mga ulam at kanin na dadalhin namin ni Sancho para sa paglilibot mamaya.
"Ang bilis naman niyang makabalik?" tanong ko at kumuha ng lalagyan ng mga pagkain na inihanda ko. Nang aabutin ko na iyon ay si Nico na ang kumuha. Masyadong manipis naman ang paperbag na ito. Baka lumusot ang mga lalagyanan.
"Sino ate?"
Pagkaabot niya sa akin ng lalagyanan ay bumalik ako sa aking pwesto kanina. Inilagay ko ang mga pagkain at inayos. Siniguro na nakalapat lahat ng takip.
"Si Sancho, wala pang isang oras nariyan na? hindi pa naman ako naliligo."
Balak ko kasi na kapag tapos na lang magluto, ma
