Ang sabi ni Riss kanina sa sasakyan ay may bahay daw sila dito ng kaniyang pamilya sa Italy. Bahay bakasyunan. Sa aking isipan, hindi talaga basta-basta ang pamilya nila. Mayaman.
"Are you cold?"
Siguro ay napansin niya ang paghimas ko sa aking mga braso simula nang makababa kami sa kaniyang sasakyan. Ito at papasok na kami sa loob ng kanilang bahay at masasabi ko na hindi biro ang ginastos sa pagpapatayo nito.
Mula sa ilaw sa mahabang daan hanggang sa mismong bahay. Talagang pinag-isipan ng mabuti at ginastosan ng malaki ang buong lugar na ito.
Ang lawak, ang ganda. Parang... parang hindi sila mga ordinaryong tao kung estado sa buhay ang pag-uusapan.
"Okay lang ako," sagot ko sa kaniya. Pero mukhang hindi siya kumbinsido dahil hinubad niya ang jacket na suot niya at isinablay iyon sa
