Napapikit ako ng mariin, hindi ko alam ang aking sasabihin lalo pa at alam kong si Sancho na nasa kabilang linya ay nagseselos na. Sa tono ng boses, sa mga salita na binitawan. Siguradong-sigurado ako.
"Mamaya pa daw uuwi sila Aling Lisa, nagkakasiyahan pa rin ang tatay mo at sila tatay kaya sinabi sa akin na ihatid na kita pauwi."
Mas lumapit pa si Gab at ako ay napaatras pero tiyak na narinig pa rin ni Sancho ang mga sinabi nito dahil tahimik dito sa labas, walang mga nag-dadaan na mga sasakyan at kaming dalawa rin lang.
"Lizianna--"
Pinatay ko kaagad ang tawag bago ko pa muling marinig ang susunod na sasabihin ni Sancho. Hindi ko alam kung bakit ako kabado, siguro ay alam kong pag-uwi sa bahay kailangan kong magpaliwanag sa kaniya.
"Kaya ko naman umuwi mag-isa, diyan lang naman kam
