Ramdam ko sa higpit ng kapit ni Sancho sa aking baywang ang selos niya. Ang sama rin ng tingin niya kay Gab. Kahit nang subukan ko na kuhanin ang kaniyang atensyon ay hindi niya ito inaalisan ng tingin.
"Who is he, Lizianna?"
At pati ang tono ng kaniyang boses ay hindi pa rin nagbabago tulad kanina na kausap ko siya sa tawag! kinabahan akong lalo, hindi naman ako nagtaksil o ano sa kaniya pero sa nakikita kong mood niya ay hindi pa man kami naiiwan na dalawa para makapag-usap pakiramdam ko gigisahin niya akong lalo.
"A-Ahm, si Gab, siya iyong anak ni Aling Glo. Kababata ko rin."
Napalingon ako kay Gab, tinitigan ko siya. Sa aking tingin ay sinasabi ko na sige na umuwi na siya pero nagulat ako nang napangiti ito at umiling. Humakbang pa palapit sa amin.
Ano ba ang ginagawa niya? Hin
