Ang gaan ng pakiramdam ko pagkamulat ng aking mga mata. Napatingin ako sa paligid. Mag-isa na lang ako sa silid namin ni Cai. Naiintindihan ko naman dahil tiyak na nasa kusina siya ngayon at baka nagluluto pa rin ng aming pakain.
Dahan-dahan akong napabangon habang may ngiti sa aking mga labi. Katulad ng dati, gigising ako ng may damit na. Ang nakasuot sa akin ngayon ay ang kaniyang puting t-shirt at aking pajama. Magkasama naman rin kasi sa drawer ang mga gamit namin kaya siguro kung ano na lang rin ang nakita niya ay iyon ang isinuot sa akin.
"Hindi pa kaya siya tapos magluto?"
Napatingin ako sa orasan sa may itaas ko. Pasado alas dos na ng hapon. Lagpas na nga sa pananghalian. Anong oras kaya siya nagsimula? tapos na nga kaya?
Tiyak rin na tatanungin ako ng malala ng mga tita. Iyon
