NAALIMPUNGATANG napabangon si Claudette sa kama dahil sa malakas na pag-ring ng kanyang selpon. Hindi iyon ang unang beses na nagising siya sa tunog ng selpon sa umagang iyon pero hindi na niya maipagsawalang-bahala pa ang nakaririnding tunog.
Mulat ang kanyang mga mata na napatingin siya sa side table kung nasaan nakapatong ang hindi pa rin matapos katutunog na selpon na nasa kabilang side pa ng kama.
Pero kaagad na napahinto si Claudette at muling hindi pinansin ang maingay na selpon at sa halip ay napatingin sa maliwanag na floor to ceiling sliding door kung saan ang mga kurtinang dapat sana’y sasalag sa liwanag ng araw ay bukas na bukas.
“What time is it?” bulalas niyang tanong at nagmamadaling inabot ang selpon.
Pagkatingin niya sa oras mula sa hawak na selpon ay malakas si Claude
