كيرفي( مكتمله)

10

#كيرفي

بارت ١٠

سبحان الله عدد ما كان وعدد ما يكون عدد الحركات وعدد السكون

مصطفي وسجده مشغولين بتجهيز شقتهم وكمان عاطف وشروق .. .

سجده : مصطفي انا هرجع البيت

مصطفي: هوصلك يا حبيبي

سجده : انت لسه عندك شغل .

مصطفي: هوصلك وارجع تاني الشركه.

سجده : احسن برضو. تعال اتغدا معانا.

مصطفي: لا مش جعان

سجده : انت فطرت . ولحد دلوقتي مكلتش

مصطفي: انا نسيت

سجده : انا مش نسيت. يلا

مصطفي باس ايديها : حبيبي خايف عليا

سجده : طبعا مش جوزي

مصطفي ضحك: بحب اسمعها منك.

سجده : هتسمعها علي طول. بس انت مش تزهق

مصطفي: ازهق منك. انتي اللي هتزهقي مني

سجده : مستحيل.

مصطفي: قلبي يارب

نزلو وركبو العربيه وصلها علي البيت .. وطلع معاها كانت مامتها قاعده بتصلي خلصت صلاه وقاكت سلمت علي مصطفي اللي باس ايديها وجبينها . و قعدو مع بعد اتغدو.

وبعدها مصطفي نزل عشان يرجع الشركه يشوف الشغل ..

ام سجده وسجده نزلو مع بعض. يشترو حاجات ليها .

عد الشهرين ومصطفي جهز الشقه .. وسجده نقلت حاجتها فيها وكانت طايره من الفرحه ومصطفي كان سعيد جدا وفرحان انه خلاص هيكون مع حبيبته في بيت واحد ومفيش حاجه هتفرقهم .

يوم الفرح.. ام سجده كانت معاها في الكوافير وشروق . ومبتطلتش عياط. سجده بنتها الوحيده هتسيبها خلاص وتتجوز بس اللي مفرحها انها هتتجوز مصطفي

سجده بدموع: يا ماما كفايه بقي. انا مش عايزه اتجوز

شروق: ده مصطفي ينتحر لو سمعك

ام سجده مسحت دموعها : هتوحشيني اوي . كنت متعوده علي وجودك معايا. بعد كده هقعد لوحدي

شروق:انا مش هسيبك هاجي اقعد معاكي

سجده : اول اما نرجع من السفر. هجيلك.

ام سجده : وهتسيبي بيتك

سجده : خلاص تعالي انتي اقعدي معانا

ام سجده : حبيبتي متشغليش بالك. انا هتصرف اهم حاجه خلي بالك من نفسك. ومن مصطفي هو بيحبك اوي

سجده: ربنا يخليكي ليا يا امي. انتي عندي اغلي من نفسي

حضنتها امها وهي قلبها بيتقطع علي فراق بنتها. وبعد ام لبست ومع الميكاب كانت شبهه البدر المنور. في فستانها الابيض. عينيها دمعت من الفرحه وحضنتها وهي مش مصدقه ان بنتها الصغيره تكبر بسرعه كده وتكون عروسه.

. وصل مصطفي ودخل لسجده واول اما شفها الابتسامه ظهرت علي وشه والفرحه باينه في عينه.

مصطفي : بسم الله ما شاء الله. قمر

سجده : شكرا . انت كمان شكلك قمر بالبدله

ام سجده حضنته بحب ووصيته علي سجده وهو باس جبينها.

مصطفي : سجده دي في عيني وقلبي.

خدها وخرج علي العربيه .. شروق ركبت جنب عاطف اللي كان سايق.

مصطفي : بابا

خالد : نعم

مصطفي: ماما خلي بالك منها وركبها معاك وبعد الفرح توصلها البيت

خالد : متقلقش في عيني

مصطفي بصله وضحك .وابوه غمزله

مصطفي حضنه : اه ياش*ي

خالد : ولد لم نفسك. انا ابوك

مصطفي: انت عسل. وانا اقول انا طالع لمين. هذا الشبل من زاك الاسد

خالد ضحك بصوت وقهقه. : انا مشكله. يلا اركب مع عروستك

مصطفي: براحه علي نفسك يا حاج. انا ماشي اهو.

ركب العربيه مصطفي وانطلق مع عروسته علي القاعه

وخالد فتح الباب لام سجده اسمها سوسن تمام

خالد : اتفضلي يا مدام

سوسن : شكرا. يا بشمهندس

خالد : قولي خالد احنا خلاص بقيما قرايب

سوسن ب**وف : ميصحش

خالد : يصح يا هانم اتفضلي

ركبت سوسن مع خالد في العربيه وكانت ساكته

خالد : هي سجده بنتك الوحيده

ام سجده (سوسن): اه بنتي الوحيده . ابو سجده مات وهي كانت عندها ٢٠ سنه .

خالد : انا عندي بنت غير مصطفي. بس هي مهجره مع حوزها لامريكا. مش بتسال عليا وله علي اخوها . حتس محضرتش فرحه . مع اني كلمتها وقولتلها. بس هي قالتلي مش هتنزل

ام سجده : دي سنه الحياه .

خالد : فعلا. بس مش ذنبنا بعد اما ضيعنا شبابنا عليهم ينسونا حتي بسؤال .

ام سجده اتن*دت لانها خايفه من كده خايفه ان بنتها تنساها بعد اما تتجوز وتنشغل بحياتها .

خالد :متخفيش

سوسن بصتله ده عرف يقرا افكارها

خالد : مصطفي غمره ما هيبعد سجده عنك . ابني وانا عارفه . انا معاكي متخفيش مش هسيبك .

سوسن : ها

خالد : بصي انتي جوزك ميت واكيد حاسه بوحده . وانا كمان مراتي ميته . فلو ممكن نقرب من بعد بصراخه انا عايز اتجوزك

سوسن وشها احمر واتوترت : ايه يا بشمهندس ده. انا ست كبيره وبنتي بتتجوز . عيب كده

خالد : المشكله في العيب. مين اللي حدد العيب وليه عيب . احنا هنتجوز عشان منكنش لوحدنا . الوحده وحش. عارفه انا لو مراتي عايشه . مكنت فكرت ان ولادي بعدو عني وله لا . كنت هخدتها واتفسحنا وعشنا اللي باقي من عمرنا . بس من وقت موتها. وانا حاسس اني بتخنق ووحيد . اول اما شفتك. حاسيت انك كمان بتعيشي في وحده زي . الجواز مش حرام. .

سوسن : بس

خالد : مش عايز رد حاليا . فكري. وانا مش هياس وهحاول معاكي تاني .

وصلو للقاعه مع عربيات العريس والعروسه . مصطفي نزل الاول ونزل سجده . ودخلو القاعه والزفه كانت جميله واسطوريه. دخلو وسط الموسيقي. والفرح كان جميل .

ام سجده كانت فرحانه اوي وعيطت من جمال بنتها وجمال الفرح . ام مصطفي فكان طاير من السعاده مقعدش طول الفرح.. وخلي الدي جي يشغل ااغنيه شيرين علي بالي

ورقص علي سلو هو وسجده ...

وبعدين رفعها ولف بيها وهو كانت بتضحك من قلبها .

مصطفي : انا بعشقك يا سجده .. حبك سلطان علي قلبي

سجده دموعها نزلت : وانا بموت فيك. بحبك يا اغلي من عمري . يا فرحه ايامي . كلها.

الفرح كان جميل والكل بيرقص وفرحان.

مصطفي شاور لابوه : بابا كفايه كده بقي. انا عايز اروح

خالد ضحك : لسه نص ساعه

مصطفي: يا بابا احنا هنفجر قنبله . خلاص كفايه فرحتكم وسجده رقصتلكم . هاخد البت واروح بقي كفايه عليكم

خالد ضحك : انت اتجننت يا ولد

مصطفي: قدمت السبت عشان تلاقي الحد.

خالد: هقدم حاضر اما نشوف اخرتها معاك .

خالد راح لسوسن : مصطفي عايز يروح

سوسن ضحكت : ماشي.

راحت لمصطفي بعد اما شغلو اغنيه يا سهر الليالي.

سوسن : مصطفي . سجده امانه معاك . خلي بالك منها وعمالها براحه

مصطفي ضحك : وربنا ما تخافي عليها. هعملها بطببه ورقه وهدلعها وكل حاجه

سوسن ضحكت : ربنا يسعدكم.

سوسن لسجده: خلي بالك من مصطفي ومن نفسك وانا هكلمك كل يوم

سجده بدموع : انتي كمان خلي بالك من نفسك

حضنو بعض وودعوهم .. ومصطفي خدها علي الشقه.

مصطفي : برجلك اليمين

سجده ضحكت ودخلت برجلها اليمين .. .

مصطفي : احم . بصي

سجده رجعت لورا . مصطفي : في ايه .

سجده : مفيش اصل شكلك مقلق

مصطفي : خالص ده انا كيوت

سجده : كيوت. ماشي

مصطفي : انتي هتدخلي تتوضي ونصلي مع بعض ..بسيطه

سجده: ماشي بسيطه

سجده لسه هتتحرك مسك ايديها وقرب فتحلها السوسته وهي اتوترت .

مصطفي : ادخلي يا قلبي

دخلت سجده غيرت واتوضت ولبست الاسدال.

طلعت لمصطفي ابتسم وفرش المصليه وصلي بيها وبعدين حط ايده علي راسها وقال الدعا .

مصطفي : جعانه

سجده : لا

مصطفي : حلو اوي. يلا نام

سجده : هنام

مصطفي : اه .. وله اقولك

سجده : قول

مصطفي : نرقص سلو شويه مش جايلي نوم

سجده سكتت. قامت قلعت الاسدال وعدلت شعرها.

مصطفي : بتاعتي .

سجده ضحكت وهو مسك ايديها وقرب منها ورقصو مع بعض وهو باسها .

{وملناش دعوه بالباقي }