خلقني أ**د

الفصل الثاني

#4خلقني_اسود

بقلم:

#fulla_Ali

قال تعالى :( يَا أَيُّهَا النَّاسُ إِنَّا خَلَقْنَاكُم مِّن ذ***رٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚإِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ)13(صدق الله العظيم )

#**رة.. الليله الصباح فتحت البيانات وجاني إشعار طلب مراسله من واحده..فتحتو وكانت كاتبه لي انها برضو بتعاني من الموضوع ده >العنصريهأ**دأسود< وما عارفه موقفهم حيكون شنو...

يعني سبحان الله بس لوهلة حسيت روحي في زمن الجاهلية !!

ربنا يطيب النفوس ...

ودعواتكم ليهم ربنا يجمع بينهم بالحلال ...

نرجع نواصل ما إنقطع من الرواية...

#مواصلة

حنان ومناسك ومناهل حاولو يفكوها منها بس ما قدرو...وعلوية كانت بتتكلم وهي ضاغطة على اسنانها : انا صحبتك دي عندي فيها رأي خلي تمشي تجيبي لينا عبيد وتفكري تناسبينا بيهم !! لالا دي م حصلت وماف زول سبقك عليها !! نجوم السماء اقرب ليك يا فادية عمر و انا احسن لي اخنقك واموتك بي يدي بدل تموتينا وتناسبينا بي امثال ديل !

فاديه كانت مغمضه عيونها و دموعها نازلات..ونهائي ونهائي ما فكرت انها تدافع عن روحها..

بعد شويه صلاح جا خاشي و زحه امو من فاديه وقال ليها بصوت شبه واطي : امي انتي جنيتي ! منظري بقى اسف جدا قدام الناس البرة ديل !

علوية : ههههه ناس !؟؟؟ ديل ناس بي زمتك ! ما شايف لونهم كيف !! ولسه تقول ناس أنا علوية الحسن على سن ورمح أناسب ديل !!!؟

**ارح استغفرو معاي :استغفرالله العظيم واتوب إليه **

صالح استغفر وساق علوية جوه الغرفه حقتها..قعدو زي 5دقائق كده وطلعو..وكانت متغيرة تمامآ..اما صالح اقنعها كيف ؟؟؟ حنعرف ما تستعجلو ..

والشي البحير انها مرقت وكانت بتزغرد..لقت في جزء من اهل العريس لغاية ركبو في العربات مشت نزلتهم..وحنان واقفه ومتنحه وهي بتقول في نفسها : دي مالا يخوانا !!!؟؟؟

????*****

وحلم حلم تمت الخطوبة..فاديه ما قعدت معاهم كتير وقالو ليهم مصدعه من جبيل عشان كده اتآخرو عليهم.بعد ما البيت فضى صالح جا لي اختو..

وشها كان زي الفشفاش من البكا والضغط المرت بيهو..

قال ليها بقيتي كيف ؟؟

طوالي بدت تبكي وقالت ليهو ليي امي بتعمل لي كده يا صالح !! انا احيانآ بشك اني ما بتها !! ليييي يا صالح ليي !!

صالح : هي بس دايره مصلحتك..وماف ام ما بتريد عيالا ...وبعدين لمن تبقي ام حتعرفي انا قاصد شنو ..يلا قومي صلي عشان ربنا يسهلا ليك

طبعآ دي أكتر كلمة بقولوها ليها صالح وخالد و حنان..وديل أكتر ناس هي بتريدهم وعندهم مكانة خاصه عندها

****

في واحده من الشقق في بورت سودان ...قعدت هدى قدام خالد وهي بتشاكل في تصرفات اهل العروس.: اتحججو بي انو البت عيانه !! انت وانا عارفين كويس انو تفكيرهم جهوي وقبلي ! يا ولدي انت وقت أخترت ما لقيت الا البت البيضاء دي !

خالد : انا حبيت روحها...لمن شفتها في الحفله عجبني أدبها يا امي وعجبتني اخلاقها بالرغم من إني ما بعرف عنها حاجه بس حسيت كده وإحساسي ما خاب....أنا ما حبيتها عشان لون بشرتها ولا فكرت في كده زاتو

هدي : انت ما فكرتا لكن امها فكرت ...ما شفته النظرة العاينت لينا بيها يا ولدي !!! نظرة عمري ما حأنساها يا خالد !! سبحان الله الناس بحقرو بي خلقة الله وبدون خجل من عزة ربنا وجلاله

خالد : ربنا بسطفل بيهم..ومش نحن راضييين ومبسوطين بي خلقتنا !!!؟ يبقي ما نتهتم بالبقولوهو الناس ..يا امي انا حبيت فاديه واخترتها ام لي صبا الجايه ...نفسي اناديها ام صبا...

هدى قعدت تبكييي وقالت ربنا يرحمها اختك..ربنا يسهل ليك ويتم ليكم ع خير يا ولدي...

خالد : آميييين يا رب

????****

فاديه اتحبست..والفترة دي امها مقاطعاها..كم مرة فكرت تلغي العرس بس كمان ما عايزه ت**ر خاطر خالد..وما عايزه موضوع العنصريه دا ينتشر ..حبت انو تخرق القوانين وتعمل الشي الما عملو زول قبلها..

بتولع الحفرة براها ..وبتقعد براها بدون مساعدة زول ...احيانآ ام حنان بتجي تساعدها و حنان 24ساعه معاها ...اما خالتها حبيبتها تاني ما شافت وشها لا هي لا بناتها من يوم الخطوبة..

غايتو حاله..لكن صبرت واحتسبت..

وقت العرس ما عملو اي حفله..وتاني يوم العزومة كانت عبارة عن رجال بس ..وشوية من ناس الحي..اما اهل امها وابوها ما شافت ولا شافع منهم..وبرضو صبرت واحتسبت..

لغاية جا اليوم اليسوقوها فيهو..دخلت لأمها غرفتها وكانت متزينة وقمر..حتى امها بي صعوبيتها دي قالت ربنا يحفظك من العين

الكلمة دي فرحتها كتييير ..جات و قعدت في الارض قدامها وقالت : أمي...طول عمري ما حصل رفضت ليك طلب..ولا فكرت ولا حأفكر أرفض ليك طلب..صح إنتي وافقتي على العرس ده بس لو إنتي ما راضيه حألغيهو واسي يطلقني يا امي !!

علوية سكتتت مسسسسافه ودموعها نزلو وقالت ليها امشي..ربنا يسعدك ويهنيك يا بتي ويبعد عنك شر العوارض والحسد ..

فاديه فرحت كتيير بدعوة أمها... ..آخيرا رضت عنها واتكلمت معاها..

طلعت من البيت وهي ماسكه يد زوجها و معاها امها وصالح أخوها..وحنان الكانت شايله سعيد ودموعها عشرة عشرة..

ودعتهم وركبت جمب حبيب عمرها البقى راجلها وسندها..اتوجهو للخرطوم تمو فيها اسبوع ومن هناك سافرو اسبانيا

#صلو_علي_محمد

#To_be_Continued

#5خلقني_اسود

بقلم:

#fulla_Ali

( يَا أَيُّهَا النَّاسُ إِنَّا خَلَقْنَاكُم مِّن ذ***رٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚإِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ)13(

وبعد 9شهور و 10 يوم في إحدي مستشفيات مدريد ..خرج الدكتور وفي وجهه بشارة ..تكلم بالأسبانيه وهو يطبطب على كتف خالد قائلآ : congratulación, Una niña moon ..La esposa cuando separa marc filial

)تهانينا، فتاة كالقمر..ستكون زوجة عندما تكبر لأبني مارك)

خالد : Hhhhh..sin embargo,eran ligto marriage dowry is Gal muy

)هههه..لكن كن جاهزا ،لأن مهر زواجها غال جدا )

الدكتور : Wow!! ..pido gue guieren ..she deserve it !

)واو! ..أطلب ما شئت فهي تستحق ذالك! )

وطبطب علي كتف خالد مجددا ومضي قدما..

يا الله....ديل أجانب !! لا يمتون للأسلام بصله !! ديل اجانب !! ما بعرفو حاجه عن اخلاق الرسول وما بعرفو شي عن الدين !!لكن بعرفو حاجه اسمها انسانيه..وبحترمو الانسان من حيث انو انسان..بغض النظر عن لونه..جنسه ...شكلو...رحماك يا رباه !!! رحماأك يا رباه

اللهم لا تسلط علينا من لا يرحمنا ولا يخافك !!

خالد دخل الغرفه وكانت فاديه راقده وبتفتح عيونها بصعوبة...

خالد : صبا جات يا ام صبا

فاديه ابتسمت وما اتكلمت..بعد شوية الممرضه جات شايلاها ...فاديه دموعها نزلو في خدودها وباست بتها ..

خالد اتأثر بالموقف كتييير ..قال ليها : مبروك علينا المولودة..وجعلها الله مباركة ومن بنات الوطن البارات

فادية خجلت ودنقرت راسها وقالت ببطء : ربنا يبارك فيك

وهنا ي داب رجعنا لي بداية القصه ..وفينا نقول

#باك

انا صبا...صبا خالد بله...امي فاديه عمر

إتولدت وعشت خمسه سنه في اسبانيا..بين كنف امي ذات البشرة البيضاء وابوي الأخدراني

انا شلت ملامح امي وجزء من لونها ...ولون ابوي الاخدر الهادئ فكنت سمممراء ...

نسبة جمالي ما بقدر اقولا ...انتو البتحكمو عليها..لكن ممكن نقول 70% والحمد لله..

وانا عمري خمسه سنه نزلنا السودان..ابوي اصلآ من ألابيض الحوب..وامي من بورتسودان الحنينه..بس نحن نزلنا في الخرطوم حيث بيت عائلتنا الصغيرة المكونة من صبا ( اللهي حضرة جنابي) واختي صابرين اصغر مني بسنتين

وضعنا المادي فوق الممتاز بكتييير ..ابوي من أثرياء مدينة الأبيض زي ما أنتو عارفين...وإضافة لكده مهندس وحسب الشركة المتعاقد معاها بودوهو من محل لي محل ..ودونا اسبانيا من لمن نبع حناني عروس..واتولدت هناك وبعدي بي سنتين ولدو صابرينا اختي

وياهو الآن جينا وانا عمري خمسه سنه للسودان

نحن ممكن تقولو عندنا بئر من ترياق السعاده في بيتنا...بس ما معروف البئر دي حتجيب ترياق السعاده دا لمتين..وهل حتجف في يوم من الايام ولا لأ!!!

قصتنا ي داب ابتدت....وياما حتشوفو فيها كتيييييييير

????

بعد جيتنا بي شهر كده امي من الصباح كانت بتنضف في البيت ومبسوطة ..

سألتها في شنو ؟؟ قالت لي حبوبتك علوية جايانا ...

طبعآ فرحت فرح ما عادي..لساني كان معوج لانو بدا يتخرب باللغه الاسبانيه..قلت ليها : حبوبتو علوي

ضحكت وقالت لي سجمك...

الله وكيلكم سجمك دي ما عرفت معناها شنو لكن ضحكتني و جريت وانا بردد فيها : سجمك ..سجمك....وقت شفت صابرين اختي كانت بتاكل معكرونة وكانت حتى ما لابسه هدوم..وكلها اتملت بسكر المعكرونة ..قلت ليها سجمك هههه

طبعآ صابرينا ( بنقول ليها صابرينا ) بيضاء ...شالت لون امي وملامح امي ..عيونها حلوات زي حقات ابوي ..يعني عثثثل ماشاء الله تبارك الله..

والحمد لله بالرغم من صغر سني ما حصل مره غرت منها ..

شلتها ومشيت شطفتها في الحمام..

امي جات وشافتنا مبلولين ضحكت وحمممتنا انا وصابرينا

ولبستنا ملابسنا بعد مسحتنا..طبعآ انا شعري النوع المنكوش داكا وفيهو شوية خشونة..ما زي صابرينا..شعرها كان ناعم واملس

المساء بابا جا ...سمعت صوت العربية حقتو وجيت جاريه ...

شفت معاهو مرا تشبه امي ولونها ابيض ..ومعاها ولد برضو ابيض وحلاتو وشعرو سممممح احلى من شعري..كان شكلو اكبر مني كده

ابوي فتح لي يدينو وجيتو جاريه قام شالني بعد سلم علي وباسني قال لي سلمي علي حبوبتك ..والله العظيم يا جماعه النظره الكشرت لي بيها ما حأنساها طول عمري...نظره كده ما مفهومه زاتو شنو ...

كره..حقد ...حقاره ..ما عارفه اللهم حاجه كده تكش الجسم..انا كنكشت في ابوي وابيت اتكلم ولا اعاين ليها

وقتها سمعتها قالت بمزاح : هو الفاضي ليك منو يا الشينه الخدرة

حسب عمري وحسب نشآتي انا م فهمت الشينه الخدرة دي شنو..لكن لقدام الكلمتين ديل بقو أكتر حاجه بسمعها ف البيت

????

من جيت حبوبة لينا البيت تمت حكاية بتاعت شهر كده..امي كانت حامل الفترة دي ...وياهو استفراغ ( عفاكم الله ) وعدم أكل..اكتر زمنها كانت بتنوم فيهو

وفترة بتنوم دي انا كنت بعاني فيها كتيييير

حبوبتي وقت تعمل الفطور كانت بتفرز لي أكلي(بركة الأدتني أكل زاتوو ? ..وبتقول لي صابرين وخالو سعيد انو لو انا أكلت معاهم حأغير ليهم لونهم..

لاحظو.. عمري 5 سنه وانا بيعاملوني كمنبوذة !

انا كنت بمش غرفتي وبقعد بببكي...كنت مستغربة ليشنو بتقول لي الكلام دا !!

وبي سببها بقيت أكره لوني...حتي لمن امي تجي تحممني ما كنت بطلع من البانيو بسرعه..و وقت تسألني بقول ليها ببراءة : حمميني أكتر عشان لوني يبقي زي لون صابرينا

امي عيونها بدموعو بس مااا كنت بشتغل بيها..وبشيل الليفه براي وبقعد بدعك في جسمي !!!!!

***سبحان الله ..الحمد لله...لا اله الا الله ..الله اكبر ..

**

مره طلعنا مع ابوي انا وصابرينا وسعيد ...سألت ابوي ليششنو انا لوني زي لونك ؟؟ وليشنو لوننا انا وانت ما زي لون امي وحبوبة وصابرين وسعيد ؟؟

بتذكر وقتها حك فرامل ..وعاين لي بأستغراب لأنو ما حصل مره انا فكرت التفكير دا..

المساء سمعتو بتناقش مع امي في الموضوع..وبي انو حبوبتي بقت تأثر على عقلي وكلام كتيييير..انتهى بي انو ابوي طلع وساق عربيتو ومشى وامي قعدت تبكي

?????

#خلقني_اسود

#صلو_علي_محمد

#To_be_Continued

#6خلقني_اسود

بقلم:

#Fulla_Ali

( يَا أَيُّهَا النَّاسُ إِنَّا خَلَقْنَاكُم مِّن ذ***رٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚإِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ)13(

حبوبة بقت شبه دائمه معانا ف البيت..والدليل انو سعيد بقي يمش المدرسه..

انا سجلوني الروضه قريت فيها تلاته سنه وحولني مدرسة..سعيد فايتني بتلاته سنه دراسة وتلاته سنه عمر..بقى صحبي شديد واي محل بنمش سوا..

ودا الشي الما حبتو حبوبة نهائي

صابرين خريجه يا داب ..وعندنا صابر..اخونا الصغيروني الآن عمرو سنتين ..

حياتنا عامله زي بص الجريف..مرات تمش مرات تقيف والله اعلم

????

بعد خمسه سنه من المعاناة

حبوبتي ما اتغيرت نهائي..وفهمها ضد اللون الاسود ما اتغير زاتو ...

احلى شي انو تعامل صابرينا وسعيد معاي ما اتغير..وبقينا التلاته اكتر من اخوان ودا الشي الخلا تفكيري ايجابي اتجاه اختلاف الواننا ..

اما صابر اخوي قمحي فاتتح ..لونو حلو شديد وهو كمان شال وجاهة ابوي وجمال امي..ربنا يحفظو...

وانا كل ما الايام تضيف في عمري سنه كنت بكبر وانا مقتنعه بلوني..وكنت دايمآ بفكر اعمل حاجه تغير من مفهوم العنصريه في عقول الشعب الحبيب..

ممكن تقولو عليها احلام طفله ههههه لكن على الاقل عندي احلام..ولا شنو؟؟

????

مره زي حوالي الساعه 11:34 مساء كده ..صابرينا صحتني اقدمها الحمام..

طلعنا مشينا وانتظرتها..وبعد خلصت رجعنا غرفتنا..

بعد طفينا النور صابرينا قالت لي اجيب ليها موية..

طلعت اجيب لي الغلباوية دي وانا راجعه شفت حاجه غريبة..

حبوبتي كانت بتمش ع اطراف اصابعها ...وكانت بتتاوق لي ناس امي بفتحة الشباك حق الغرفه !!

انا وبالرغم من صغري الا اني استهجنت الموضوع واعتبرتو تدخل غير مشروع ...ما حسيت الا بيد مسكت يدي وانا من الخوف رميت الكبايه وصرخته..لقيتها دي صابرينا جات تفتشني وقت اتأخرت .

حبوبة انتبهت لينا وناس امي كمان جو طالعين

ما تتوقعو قدر شنو انا كرهتها اليوم داك...خصوصي لمن ادتني كف وقالت : كانت بتتاوق ليكم الخدره الخادم

هنا ابوي ما سكت ليها..وقال ليها دي بتي وتربيتي ...يستحيل تعمل حركة زي دي...والبتقولي عليهم خدم بشترو 1000امثالك

حبوبتي حمرت لينا ودخلت غرفتها ...

???

لمن اكتب واكتب قدام العمايل دي اسم حبوبتي بخجل كتيير..بخجل من انو اقرب الاقربين لي يعاملني كده ...معقوله ¡¡ بدل القي منها كلمة : حبيبتي القى كلمة الخادم..الخدره..العبده

!!!؟

اي صح انا خادم...بس بخدم امي وبسهر على راحتها

وصح انا سمرا..لأنو شلت خدار ابوي الهادئ

وانا صح عبده..لأني بعبد ربنا وبنحني ليهو ما لي زول تاني..

لكن يا احباب قلبي الحياة دي مدرسة..وزي مافي المدرسة المواد بتكون مختلفه لازم المصائب تجينا مختلفه

مادة مصائب الاغتصاب

مادة مصائب السجن بظلم

مادة مصائب القتل

مادة مصائب الفقر

مادة مصائب الحب

ومادة مصائب المرض

مادة مصائب العقوق...وييييييك...مواد كتيرة

ونحن لازم نقراها ونمتحن فيها وننجح كمان عشان نمش الفصل التاني..لغاية نتخرج عند الموت بتقدير ممتاز و يوظفونا في اعلى الجنان ..

#صلو_علي_محمد

#To_be_Continued

#7خلقني_اسود

بقلم :

#fulla_Ali

وما كان لوني قبل ذلك أ**دا** ولكن لهيب الشوق أحرق جسماني..

*عنترة

وقت وصلت سنه خامسه وكان سعيد خالي ممتحن شهادة اساس ..

ولأنو درجاتو شوية ما كانت كويسه حبوبة بقت عصبيه شديد..وبتفضي زهجها فينا..

حتى ابوي ما سلم منها ..ما كانت محترمه وجودو ..وبتصل لدرجة انو لمن يسلم ليها ما بترد السلام..وابوي بستحمل دا كلو عشان خاطر امي ..

امي ما كان عندها غير البكا..هي عارفه تصرفات حبوبة كانت نابعه من عنصريتها الشديده..والسبب الأساسي الخلاها تقعد معانا انو امي في الآونة الأخيرة كانت بتشكي من ضهرها لأنو حاجه ما كانت بتقدر ترفعها وبتتحرك بالعافيه..

بقلم:

#fulla_Ali

مره زي حوالي الساعه 10:34م كده...امي ولعت حفرة الدخان ..و مسافة تمش تجيب زيت من غرفتها حبوبتي جات كبت جك موية كامل ف النار وطفتها

امي وقت جات قالت ليها ليي عملت كده !!! ..حبوبة ردت ليها بي انو دي امور لعب وم بتنفع معاها ""!! اتخيلو بسسس !!! زينة المرأة لزوجها بقت لعب !!!

وبرضو امي سكتت...وم نضمت ولا حرف ..لأنو مفتكرة انو هي لو شاكلت حبوبة معناها كده بتكون عصت ربنا ودخلت في عقوق الوالدين..

طبعآ انا زاتي كنت مفتكرة كده بس لمن درستونا عرفته انو طاعة الزوج اهم بكتيير من طاعة الام وانو الواحده بتدخل بيها الجنه ..طبعآ الطاعه هنا لازم تكون بالمعروف

????

احلى ايام واسوء ايام لمن حبوبتي هدى ام ابوي جاتنا زيارة ...جات هي وعمتي سوسن وزهرة

سوسن كانت متزوجه وعندها بتين تؤم مروة وصفاء ..اعمارهم كانت سنه كده

وزهرة كان لسع صبيه..حلاته وسمراء تشبه ابوي..انا حبيتهم شديد وهم كمان حبونا..

طبعآ دي اول مرة نلاقوهم وم عارفه السبب الخلاهم ما يجونا من بدري شنو..

...

وبما انو حبوبتي وبناتها خدورين ..اكيد انتو حتكونو عرفتو نوع المعامله كيف ...وياارب اغفر لي حبوبتي لأنو بصيرتها اتعمت بالعنصريه ...يارب

????

وبغض النظر عن المطاعنات بالكلام حبوبتي حمتنا ناكل معاهم في صينيه واحده...اتخيلو بس !!!

عماتي ما رضوها بس حبوبه هدى سكتتهم وسكتو..

لغاية ما جا اليوم الشششششوم وحبوبه غلطت في عمتو زهرة ...

وشوفو الغلط كان كيف :

الصباح عمتو سوسن كانت بتكنس الحوش..حوشنا كان عباره عن ضفائر حقت طوب..

وحبوبة هدى كانت بتطبخ في المطبخ...

و عمتو زهرة نضفت الغرف ومسحتهم ونضفت الهول وبدت تمسح فيهو ..

يلا انتي يا حبوبة علويه تعالي ادخلي بنعالك الكلها طين و وسخي الأرض ...ودا الشي الما رضتو عمتو زهرة

قامت طوالي قالت ليها يا خالتي كده ع....

وحات الله ولا تمت كلمة عيب دي زاتها ..حبوبة علوية (ورورت ) ليها بالسبابه وهي بتقول : حسسسك عينك تقولي لي خالتي يخلخل ضروسك !

حبوبه هدى و عمتو سوسن وامي جو جارين بعد سمعو الاصوأت علت ...

حبوبة هدى قالت ليها انتي غلطتي..وشغلك دا شغل حقارة..من يوم جينا انا لاحظت ليك بتتعمدي تهينني وتهيني بناتي بس قلت اد*ك فرصه..لكن تاني طفح الكيل!

حبوبة علويه ضحكت كداااا..وعاينت ليها وقالت : انتو مجرد عبيييد ونحن اسيادكم..ودا شغلكم .. تنضفو وتطبخو وتغسلو فاهمه ولا لا !!!!؟

امي قعدت تبكي وهي بتترجا حبوبتي تسكت..بس كأنو دموع امي كانو وقود ليها ليها عشان تتكلم ..و واصلت : لو ما راس بتي القوي بي انها عايزه تعرس ولدك كان اسي انتو رسميآ خدم عندنا..بس برضو كده ما بطال ..لانكم لو ناسبتونا او لا حتفضلو خدم وعبيد طول عمركم!

**يارب اغفر ليها يارب **

خفت كتير وقت شفت دمعت حبوبه هدى ودموع زهرة..الوحيده الردت ليها عمتو سوسن..قالت ليها : حيجي يوم وتندمي فيهو علي البتسوي في بتك والبتقوليو..لكن بتمني ما يكون فات الآوان..ارح يا امي كفايه اهانه..وتاني بيت خالد اخوي رجلنا ما حتعتبو ما دام العقرب دي هنا

و لو داير يشوفنا عارف طريق بيتنا كويس..

وبالرغم من كرههم لي حبوبتي الا انو عمتو سوسن قالت لأمي برقه :لو احتجتي لينا رقم التلفون معاك...وبيتنا مفتوح ليك ولي العيال في اي وقت..جهزو شنطهم وطلعو خلو حبوبة واقفه ورافعه نخرتها للسماء!! ..وامي بتبكي وصابرينا قعدت في واحد من الأركان..انا كنت ماسكه صابر اخوي وبسس بحاول اطفئ نار الحقد الجواي

#صلو_علي_محمد

#To_be_Continued

بقلم:

#fulla_Ali

أن يكون الإنسان حرا لا يعني مجرد تحرره من الأغلال التي تقيده بل أن يعيش بطريقة تحترم وتعزز حرية الآخرين . أما جسم الإنسان فيتكيف مع أية ظروف قاسية, اما المعتقدات الراسخة فهي سبيلنا للبقاء في ظروف الحرمان . العقل الجيد والقلب الجيد خليط سحري للنجاح . الشجاع ليس هو الشخص الذي لا يشعر بالخوف .. بل هو الشخص الذي ينتصر على مخاوفه . إني أتجول بين عالمين، أحدهما ميت والآخر عاجز أن يولد، وليس هناك مكآن حتى الآن أريح عليه رأسي . عند خروجي من السجن أدركت أنه إن لم أترك كراهيتي خلفي فإنني سأظل سجينا . طرق مواجهة العنصرية عليك أن تبتعد عن جميع الأشخاص الذين يقوم

لا يوجد إنسان ولد يكره إنسانا آخر بسبب لون بشرته أو أصله أو دينه .. الناس تعلمت الكراهية وإذا كان بالإمكان تعليمهم الكراهية إذاً بإمكاننا تعليمهم الحب .. خاصة أن الحب أقرب لقلب الإنسان من الكراهية . تبدو الاشياء دائما وكأنها مستحيلة إلى أن نقوم بها . قُد من الخلف واترك الآخرين يعتقدون أنّهم في المقدّمة . لا احد يولد وهو يكره انسانا آخر بسبب لون الجلد او الأصل او الدين . التعليم هو أقوى سلاح يمكنك استخدامه لتغيير العالم . الناس يتعلمون الكراهية ، واذا كانوا قادرين على تعلم الكراهية ، ينبغي السعي لتعليمهم الحب ، لأن الحب أقرب الى قلب الأنسان من الكراهية . ما يقدّر في الحياة ليس أننا عشناها، بل ما أحدثناه من فرق في حياة الآخرين والذي يحدد مغزى الحياة التي نعيشها . العظمة في هذه الحياة ليست في التعثر ولكن في القيام بعد كل مرة نتعثر فيها . إن الحرية لا تقبل التجزئة لأن القيود التي تكبل شخصاً واحداً في بلادي إنما هي قيود تكبل أبناء وطني أجمعين

لا يوجد إنسان ولد يكره إنسانا آخر بسبب لون بشرته أو أصله أو دينه . الناس تعلمت الكراهية وإذا كان بالإمكان تعليمهم الكراهية إذاً بإمكاننا تعليمهم الحب . تبدو الاشياء دائما وكأنها مستحيلة إلى أن نقوم بها قُد من الخلف واترك الآخرين يعتقدون أنّهم في المقدّمة . لا احد يولد وهو يكره انسانا آخر بسبب لون الجلد او الأصل او الدين . التعليم هو أقوى سلاح يمكنك استخدامه لتغيير العالم .

العنصرية هي الاعتقاد بان اختلاف العنصر يؤدي الى اختلاف السلوك والقدرات الإنسانية. لا يهم ما إذا كان أبيض أو أ**د أو أصفر أو هندي. يكفي أن يكون رجلا، لا يمكن أن يكون أي شيء أسوأ. ان أمريكا في حاجة الى فهم الإسلام لأنه الدين الوحيد الذي يملك حل مشاكل العنصرية فيها أخذت أفكر فيما تفعله العنصرية فينا.. وكيف تشوه الأوطان في أعيننا بلا ذنب ترتكبه الأوطان

أفعل الأشياء التي تحب فعلها حقا، أبحث دائمًا عن رغبتك الحقيقية، تصنع الاختلاف والتميز. الطريقة الوحيدة لعمل أشياء عظيمة هي أن تحب ما تفعله. السلام لا يعني غياب الصراعات، فالاختلاف سيستمر دائما في الوجود.. السلام يعني أن نحل هذه الاختلافات بوسائل سلمية عن طريق الحوار، التعليم، المعرفة، والطرق الإنسانية. في اختلاف الأصدقاء شماتة الأعداء، وفي اختلاف الإخوة فرصة المتربصين، وفي اختلاف أصحاب الحق فرصة للمبطلين

إن الاختلاف في الشيء الخاص لا يمس روح الأخوة في الأمر العام. لم يخلق الله الأصابع العشر متشابهة. الاختلاف في الرأي ينبغي ألا يؤدي إلى العداء، وإلا لكنت أنا وزوجتي من ألد الأعداء. أيها المتعصبون المتشددون في الدين: اعلموا أن الاختلاف في الآراء هو طبيعة البشر في هذه الحياة؟! إننا نحثكم على التفكير في ذلك بوعي.. ندعوكم إلى الإيمان به. الصمت أفضل من النقاش مع شخص تدرك جيداً أنه سيتخذ من الاختلاف معك حرباً، لا محاولة فهم. ليس من العجيب أن يختلف الناس في ميولهم وأذواقهم ولكن بالأحرى العجب أن يتخاصموا من أجل هذا الاختلاف