خلقني أ**د

#1خلقني_اسود بقلم : #Fulla_Ali قال تعالي :( يَا أَيُّهَا النَّاسُ إِنَّا خَلَقْنَاكُم مِّن ذ***رٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚإِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ)13( )صدق الله العظيم خالد : مبروك علينا المولوده ..وجعلها الله مباركة ومن بنات الوطن البارات فاديه خجلت ودنقرت راسها...وقالت ببطء : ربنا يبارك فيك #فلاش_باك علوية كانت في المطبخ خاته حلتها في النار...جا سعيد الصغير وكان عمرو يا داب 3 اعوام ... وقت شافتو نادت فاديه بأعلى صوت : يا بت !! انا ما مسكتك الولد دا !!!! اسي لو هبش الحله واتشششه ما حتجيبي لي كلام في الحي ! فاديه جات جارية وشالتو وما ردت لأمها ولا حرف فاديه..بت جميله عشرينيه ...شرقيه ومن زوي البشرة البيضاء وبدون ذكر اسم قبيله . عايشه مع امها واخوانها الاتنين ...صالح اكبر منها ومتزوج و الصغيروني سعيد ... ابوها اتوفى قبل سنه كده بسبب مرض في الرئه ...وما تشوفو شر في عزيز ***** المساء حنان صحبت فاديه جاتها عشان يمشو مناسبة جيرانهم في الحي ... لبست و طلعت..وسبحان الله قمره حتي بدون مكياج ..ربنا وهبها جمال رباني يغنيها عن كل انواع المكياج + نور التقوى البضوي وشها..والعفاف الكاسيها ..وبس ربنا يحفظها.. ???? في حي من احياء مدينة البورت الرائعه ..وفي إحدى صالات الأعراس الفخمه تعالت اصوات الموسيقي التي كادت ان تحجب صوت الفنان..وبالكاد يستطيع الشخص ان يميز ماهي الاغنية التي يؤديها الفنان *** مع دخول فاديه و حنان الصاله معظم الأمة اللفي الحفله كانو بعاينو فيها...والبنات مغيوظات منها لانها و بالرغم من انها ما عامله الالوان اللفي وشوشهم دي وبرضو طفتهم وبقت نجمة الحفله...والمصور عاجباهو وبس ماشي وجاي فيها..لغاية اضايقت وقالت لي حنان يمشو البيت المهم باركو للعرسان و طلعن..حنان : ما شفتي الشفتو يا فدويتي فاديه عاينت ليها بأستنكار و قالت : بررري ..شفتي شنو ي ختي حنان غمزت بعينها وقالت :الشاب ال**ار الأخدراني داك ما شال عينو منننننك .. فاديه : امممممم ويعني ؟؟ حنان : امممم في عينك..اصلآ انتي لا بتجدعي لا بتج..... قاطعها صوت عربيه جاي عليهم ونورها الجاهر...فاديه جرت حنان وصرخت وبي سبب النور ما شافت شي .. وقعو وحضنو بعض و فاديه دي بس تبكيييي ا ا انا ا ا اسف !! م م قاصد والله اخوفكم حنان فتحت عيونها وكانت عاوزه تشاكلو بس سكتت وقت شافتو... اما فاديه هاجت فيهو طوالي : انت مالك ! مشكلتك شنو !!!؟ اعمى ما بتشوف مثلآ !!!!! قال ليها اسف اسف والله مااا قاصد ? فاديه : اسف دي حتسوي لينا شنو لو كان دهستنا !!! حتقولا لأهلنا بعد يدفنونا صح ! حنان : خلاص خلاص حصل خير .....و واصلت : واااي يا فاديه عايني لي يدك بتنزف !!! فاديه ما حست بالضربه الانضربتها..وعاينت بخوف وشافت الدم....طوالي اتخلعت و غابت عن الوعي ??? علوية كانت بتلولي في سعيد و وشها ملان الوان..وبتتصل في تلفون بتها ورد مافي ...في نفس اللحظة جا صالح ... اها يا امي ما جات ؟؟؟ علوية : تجيها الطاوية حبالا يا رب ...تجي بي وين اختك الصايعه.!!الليله بقتلها وبشرب من دمها وبمسح الباقي في باب الشارع عشان تبقى عظه وعبره للبنات. صالح : غايتو يا امي ربنا يهديك.. طيب حأطلع اشوفها وبد*ك خبر مع طلعت صالح لاقاهم جمب الباب فاديه جات ومعاها حنان ويدها مربوطة . صالح كان حنون علي فاديه ..عشان كده قال ليها بلهفه : في شنو ! ويدك مالا !! حنان : خليها ترتاح...عملنا حادث صغير ونحن جايين داير يتكلم حنان قاطعتو : عليك الله يا صالح اخوي ما تسألها ويا ريت خالتو علويه زاتها ما تسألها لمن تروق... صالح خلاهم دخلو وحنان رقدتها في السرير وغطتها قالت ليها بجيك الصباح..فاديه هزت راسها وغمضت عيونها.... حنان طلعت و قعدت مع علوية وصالح وحكت ليهم بالحصل علوية : م اصلن انتن ما بتعاينن ..لكننن تاني حفله ماف فاهمه ولا لا !! وعاينت لي حنان بأشمئزاز ودخلت غرفتها .. صالح فهم نظرة امو..ودا كلو لأنو حنان خدوريه ... حنان زاتها فهمتها لكن قالت بمرح وكأنها عاوزه تشتت انتباه صالح : اها الساعه 11:34م ...حتقدمني بيتنا ولة يفتح الله !!؟ صالح ابتسم وقال : هو زاتو الحيجيك شنو ؟؟؟ ماشاء الله الشيطان كن شافك بستغفر تلاته مرات حتى حيجري حنان : صالح انا قبل كده كاتله روح ...و في اتنين عندهم عاهة مستديمه بسبب ضربي..ونادر اخوي بعرج وامش اسألو الحجر الجاهو في رجلو من منو صالح : يا شييييخه!! حنان : والله جد و استغفر الله صالح : طيب يلا يلا ارح قدامي عشان تهاني مرت اخوك زمنها اشتعلت وحتفضي زهجها كلو فيني حنان ضحكت وشالت شنطتها وطلعو. وا #صلو_علي_محمد #To_be_Continued #2خلقني_اسود بقلم: #fulla_Ali قال تعالى :( يَا أَيُّهَا النَّاسُ إِنَّا خَلَقْنَاكُم مِّن ذ***رٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚإِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ)13(صدق الله العظيم ...) الصباح زي حوالي الساعه 8:34صباحآ كده ...فاديه صحت طبعا أستغربت ليشنو ما صحتها لي اسي..يعني غريبه وما غريب الا الشيطان قامت بحيوية وطلعت مشت الحمام..و وقت طلعت فتشتها في المطبخ ما لقتها ..وفي الصاله كمان ماف..مشت غرفتها برضو ماف..وكغير اي بت صحت لقت امها ماف فاديه فرحت...طبعآ حتستغربو بس حتعرفو لقدام... عملت ليها كباية شاي لبن بنعناع ودخلت غرفتها.. عاينت لي يدها المضروبة واتذكرت احداث امس وحنعمل فلاش باك للفلاش باك زاتها هههعععع #فلاش_باك حنان : فاديه !! مالك يا بت !! وقعدت تكفت فيها عشان تفوق بس ع قول فله :البت تكنس والشجر يحت هههععع.. الشاب قال ليها : ساعديني نوديها المستشفي ...ساعدتو ورفعوها ودوها المستشفي هناك فاقت بعد ادوها الدرب..والدكتور جا سلم عليها ورفع ليها يدها عشان يتأكد ف **ر ولة لا..واتضح انو دي رضوخ ساي وجرح صغير لفو ليها يدها بعد عقمو الجرح وخرجوهم سرعه سرعه الشاب أصر انو يوصلهم بس رفضو..وقام أجر ليهم ت**ي وتبعهم لغاية وصلو ورجع #باك لقت نفسها بتتبسم وتتكشم زي العروس اللفي الكوشه بالله..والصحاها من سرحانها صوت تلفوننها ( كان نوعو الثريا هههعععع ناس زمان كيفتمام) لقتو رقم غريب..موبيتيل كان..ردت بصوتها الراقي الواطي : الوو سكت مسسسسأفه وقال : الو وقت سمعتو صوت راجل قفلت طوالي ..ما اتعودت نهائي انها تتكلم مع راجل في التلفون..حتى الجامعه القرتها علاقتها مع ذوي الشوارب كانت ماف ..عشان كده ولا أترددت و قفلت الخط... تاني ضرب بس ما ردت..وقلبها كان بدق جات رساله من الرقم بتقول : بس 34ثانيه...ما بزيد ولا ثانيه وعد .. استغربت ليشنو 34ثانيه بالضبط !!؟؟ وقت ضرب تاني استنت شوية وردت ) قالت : منوو معاي ؟؟ قال ليها معاك خالد قالت ليهو بس انا م بعرفك.. قال ليها : انا الزول الأمس الدقشكم...معليش أخدت رقمك من صحبتك...انتي طمنيني يدك بقت كيف ؟؟؟ قالت ليهو : الحمد لله كويسه قال ليها : الحمد لله ..يلا الزمن الوعدتك بيهو خلص ..وقبل م ترد قفل الخط عاينت في المكالمه لقتها 34 ثانيه "!!!!!! سبحان الله..يا ربي هو نوعو كده فريد وصادق ولة بس طمع منو ؟؟؟ كانت عايزه ترجع ليهو بس قالت سيبي المساخه يا بت هووي الباب دقه و وقت مشت فتحتو لقتها حنان..البت استلمتها وبأعلى صوت في حنجرتها : يا محظوظة يا بت المحظوظة..وخفضت صوتها وقلعت عيونها لزوم كتمت فيها وكده آشرت ليها : م تكون اممممك قاعده !!!! فاديه ضحكت كداا وقالت ليها جبانه..ما اسي عامله فيها تور الله الأنطح قالت ليها ودا شنو كمان تور الله الأنطح دا ؟؟؟ فاديه : ولا شي يا ب***ة الانعام..ارح ادخلي هتلر مافيشه حنان : هعععععع عجب.. ***** 34دقيقه مرت وحنان ما عندها غير سيرة خالد..وانو كان خايف علي فاديه و و كلام كتيييير قالتو حنان الثرثريه فاديه ما اشتغلت بالموضوع..او ممكن نقول بالأصح كده انها حاولت ما تشتغل بالموضوع ..بصراحه كده الشاب كان عجيب..طويل كده واخدراني . ..ودقنو حالقو زي دقن أحمد آمين في زمننا هذا والله اعلم.. وعندو عيون ورموش ولا حقات حنان صحبت فاديه زاتو ياخ بالجد كده وجيه...في اللحظة دي جات هتلر وكانت شايله سعيد ...وسعيد وقت شاف حنان صرخ وجرا ليها وهو بقول : آنان دات (حنان جات قال ههععع) ؟!! **آنان ولة كوفي عنان ههعععع احمممم** شالتو في حين انو علوية لوت بوذها ودخلت المطبخ..حنان ولا اشتغلت بيها وقعدت تلعب في سعيد ****** مر اسبوع من الحادث وفي يوم الجمعه..بعد الصلاة زي الساعه 2:34 م جاتها رساله من الرقم الما بغباها ..شالت التلفون وجرت غرفتها...علوية لوت بوذها ومشت وراها عشان تتصنت..قالت احتمال مكالمه ولة حاجه عشان كده بتها مشت غرفتها ..بس للآسف ما سمعت شي..و وقفت وقفت كدااأا لغاية شمت ريحة حلتها حرقت حتى مشت والغ*ينة كاتلاها ** ها قد اقبلت الجمعه..وطاف بخاطري دعاء للأحبه اللهم يا خالق آدم من تراب وجاعل الجنة لمن صلى وتاب ارزق احبتي جنتك وارحمهم تحت التراب ** قرتها 34مرة...وبس كانت مركزه في كلمة للأحبه دي... ** ما عرفت ترسل ليهو شنو عشان كده خطفت اقرب توب وفللي لي حنان.. طبعآ الآخيرة دي ام الأفكار عشان كده ظبتت ليها رساله سممممحه ورسلتها ليهو.. بعد رسلتها وبعد 34 ثانيه اتصل ...ما ردت و صوت النغمه ما اتسمع بي سبب محاججتها مع حنان الكانت بتقول ليها رددي !!! ** تاني دقه حتى رفعت وقالت بصوتها الهادئ : الو قال ليها صوتك دا يوم حيقتلني..ما فهمتو وما حبت تفهمو بس سكتت هنا طوالي عرف انها بريئه وابتسم لغاية بانت أضراسو المرة دي اتكلم معاها 34 دقيقه..و اتعرف عليها واتعرفت عليهو..اسألتو ليها كانت بأدب وردودها ليهو كانت بأحترام وحسب السؤال بعد قفلت منو لقت حنان متمحنه بتعاين ليها فاديه ': هوووي مالك ! حنان : لالا ما اتعرفت علييييك لكن !! هدوء ورقه وزوق وأدب ! انتي متأكده انك فاديه عمر ؟؟ فاديه: لالا فاديه المغربي حنان ضحكت وقالت ليها اشربي اشربي فاديه :اشرب شنو يا كافي البلا .!!! حنان أشرت ليها علي الشاي اللفي التربيزه...وقت شافتو لغاية خجلت..لأنو كيف عملوهو ومتين جابوهو ما متذكرة ولا حتى كانت منتبهة .. ***** في الأبيض..في واحده من بيوت الأثرياء...هدى جات شايله صينية الشاي ودقت الباب..جاها صوت ولدها ادخلي.. دخلت لقتو بصفر سسسساي وبتبسم ويتكشم زي الجابو شيلتو.. قالت ليهو : ازغرد ؟؟؟ قام ضحك لغاية ضرسو الأخير... قالت ربنا يحفظك لي امك..كن زعلان حلأتك وكن بتضحك حلاتك وكن بتتهابل حلاتك وكن بتشاكل حلاتك قال ليها : اها كده انتي خجلتي ولدك عديييييل كده ضحكت وقالت ليهو اها انت من وقت جيت من عرس متوكل صحبك اللفي بورتسودان وانت ما على بعضك قال ليها وانتي طول عمرك بتفهمي ولدك دا ودارساهو حته حته قالت ليهو يلا احكي .. خالد قعد وحكى لأمو الكانت بتشرب في الشاي ومبسوطة وما لاحظت لي انها كملت كبايتها وبدت في التانيه كمان .هههه غايتو جنس شي بعد انتهى من كلامو امو قالت ليهو : بالحيل نخطبها ليك خالد : لالالا خطوبة لا..وانتي شايفه خطوبتي الاولى ما نفعت معاي هدى : طيب ..انا ما عندي مشكله بس عايزه شهرين عشان اجهز ليك العرس الما خمج..عشان كل الأبيض تتكلم بي عرس ود بله خالد : يا يمه..انا لسه ما كلمت البت اني دايرها هدى : لالا وهي تطول لمن ترفضك !!انت مجنون ولة ما بتشوف في المرايا ! ضحك وقهقه وقال : كدي انتي امشي جيبي لي الشاي.. قامت عاينت للصينيه وضحكت..: ربنا يستر بس ي خالد ولدي..امك فات عليها الفوات شالت الصينيه ومرقت...خالد كان مبسسسوط بس نص انبساطه.. هو ما كان قلقان من موافقة فاديه كان قلقان من حاجه تانيه..بس هي شنو ؟؟؟؟؟ الله اعلم لغاية ما نعرفها نحن وللزمن داك يجي انتو #صلو_علي_محمد #To_be_Continued #3خلقني_اسود بقلم : #fulla_Ali قال تعالي : ( يَا أَيُّهَا النَّاسُ إِنَّا خَلَقْنَاكُم مِّن ذ***رٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚإِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ)13( ) صدق الله العظيم** مرت الايام..وعلاقات فاديه بي خالد كل يوم بتزداد أكتر..لغاية ما في يوم خالد قال ليها انو تكلم امها واخوها عشان اهلو جاين يطلبوها ليهو يلا في اللحظة دي حست بخوف وفرح و خذلان و حيرة وتردد..اي حست بي ديل كلهم وفي وقت واحد وم تسألوني كيف... سكتت...خالد عرف هي سكتت ليشنو بس كان عايز يتأكد ..او بالأصح كده عاوز يعرف هل هي فعلآ حبتو بالرغم من اختلافهم اللوني وله بس ساي كانت بتلعب بمشاعرو... عشان كده قال ليها بحزم : فاديه! في شنو ؟؟؟؟ انتبهت وكانها نست انو هو معاها في الخط وانو راجي منها جواب..قالت ليهو بي خجل : حاضر..تشرفونا في اي وقت هنا خالد اطمئن..وقال ليها ربنا يسهلا علينا يا ملاكي ****???? قفلت منو الخط وقلبها انقبض..قالت في نفسها : انا عملت شنو !!!! انتي عارفه يا فاديه انو امك نهائي ونهائي ما حتوافق.. تاني قالت : ربنا يسهلا زي ما قال خالد..ونامت على كده ... ***** الصباح صحت علي صوت سعيد المزعج..كان بلعب بي عربيتو جوه غرفتها ..نادتو طوالي و وقت شافها جا جاري وكان بصرخ : داديه! ضحكت كداا وقالت ليهو جنك كواريك يا سعود ...وبي نطقك الغريب دا يوم حتكتلني من الضحك.. امها جات خاشه وقالت ليها : قومي ساعديني بدل نومك ال24ساعه ده .في غسيل في الغساله طلعيهو فاديه : كويس..امي علويه : آها فاديه : في ناس جاين علوية : ؟؟؟؟ فاديه خجلت من امها لكن قالت هي ما دام حتكلما حتكلما ما احسن تكلما من اسي ...المهم حكت ليها .. علوية طبعآ شاكلتها تماااام عشان كان رفضت ود اختها وكده ..بس تاني قالت خليهم يجو وكلمي اخوك فاديه : حلفتتتتك يا امي كلميهو انتي قالت ليها كأنها م سمعت القالتو : طلعي الغسيل و ظهري المحتاجات لظهرة ..وطلعت خلتها..يعني تفهم من كلامها دا شنو !!!!! انو هي التكلم صالح يعني هي التكلمو .. المساء صالح جا..طبعآ هو ببيت معاهم وبمش لي مرتو الصباح ومن هناك على الشغل .. بيت اهل مرتو ما بعيد منهم ..عندو منها تلاته والاخير يا داب ولدتو وقاعده في بيت امها فترة النفاس طبعآ امها لي منى ( مرت صالح ) حلفت ما تنفس بتها في بيتها لأنها ساكنه مع علوية نسيبتها.. وعشان صالح يتفادى المشاكل سمح ليها تلد في بيت امها وريح راسو من الجوطة الكتيرة.. المهم...وقت جا فاديه حكت ليهو بي موضوع العريس... وقت انتهت من كلامها صالح قال سؤال ما اتوقعتو نهائي صالح : قبيلتو شنو ؟؟؟؟ فاديه بحلقت في اخوها وبس كانت بتعاين ليهو بأستنكار وكأنها بتقول ليهو حتي انت يا صالح بتسأل عن القبيله ¡¡ صالح عدل كلامو وقال ليها انتي عارفه انا ما عندي مشكله مع القبائل ..بس انتي عارفه حضرة الست امك فاديه عيونها رقرقو ..وقالت ليهو قبيلتو......... صالح م قدر يرد ليها..عشان كده كل القالو ': ربنا يسهل وطلع خلاها ما بين دموع وما بين حيرة وما بين خوف... خافت تفقد خالد لأنها بالجد حبتو...وهو كان اول راجل يدخل حياتها بعد ابوها و اخوها نامت ودموعها في عبونها..اليوم داك خالد ما اتكلم معاها وما اتصل الا 5:34ص..عشان يصحيها الصلاة قالت ليهو كلمت اهلي وهم منتظرينكم قال ليها : ورائيهم شنو في موضوع القبيله حقتنا ؟؟؟ فاديه اتلعثمت لكن قالت ليهو بحزم : قبيله !؟؟ هو لسع في ناس بتسأل عن موضوع القبيله دا !!!؟ خالد ضحك وقال ليها : انتي قاعده جوه بيتكم وما جايبه خبببببر للدنيا..على العموم حأتصل عليك بعدين يلا صلي ودعواتك ربنا يسهل لينا.. فاديه : حاضر..قفلت منو وابتسمت لا إراديا ..خالد خير مثال للزوج الصالح **واخوها صالح خير مثال للآخ الخالد هههععع ما فهمتو مش؟؟؟ ** ***** جا الميعاد وجا اليوم المنتظر...اهل خالد وصلو وكان اليوم خميس..وصلو الصباح وجو بي طياره خاصه و نزلو في شقه في واحد من احياء البورت الراقيه .. وتاني يوم كان الجمعه..علولو كانت مشغوله بعمل الخبائز هي واختها فاطمه و بي هناك حنان وبنات فاطمه الاتنين شغالين خلطات في وش فاديه ولأنو اللحظات الحلوة ما بتدوم شوفو الحصل فاديه بعد خلصو ليها مناسك ومناهل مسحو في وشوشهم ما عدا حنان... فاديه قالت ليها الا تمسح هي كمان لأنو الخلطه كتيرة..مناسك قالت بسخرية : حتى كن مسحت لونها ما حيتغير .. مناهل : هههههه اي اي عشان كده ما تتعب روحها حنان : اصلآ منو القال ليكن انا عايزه لوني يتغير !؟! ما دام لوني اداني ليهو الله انا ما عندي اعتراض اعيش بيهو لغاية اموت.. ثم تانيآ...بي شناتي دي ولوني الاسود دا مخطوبة وعرسي قرب...اخير من ناس كده بايركس مناسك ومناهل وشهم جاب 10(لون من بينهم السماوي وما تسألوني من الباقين وطوالي طلعو ..حنان الضحك شرطها..اي صح ما زعلت..ومفترض اي حد نبزوهو بسواد بشرتو ما يزعل حنان انتبهت لفاديه الكانت بتبكي..قالت ليها : وحلاتشششي الحنينه البتبكي عشان صحبتها فاديه حمرت ليها وقالت : مالي قال اخسر فيك دموع يا ب***ة الانعام !!؟ حنان ضربتها في كتفها وقالت حاقده! اها يا السمحه بتبكي ليي ؟؟؟ فاديه : انا متأكده امي حترفض اهل خالد...والله يا حنان انا حأموت لو عملتها !! حنان سكتتت مسسسافه وقالت : ما تشيلي هم..ربنا حيسهلا.. ???? بعد المغرب فاديه كانت واقفه جمب المرايا معاها حنان وبنات خالاتها..ماشاء الله تبارك الله قمر دورين بعد شويه سمعن صوت زغاريد بره الشارع تعلن قدوم اهل العريس .. مناسك : ههههه بزغردو كده التقول أدوهم ... مناهل : ارح كدي نشوف الحاصل... مناهل واختها جررو بره يتشمشرو ...و بي جاي فاديه ماسكه يد حنان وترجف ود*ك بتصبر فيها مناسك جات ماده بوذها وقالت : كلهم خدم !!! ما تحلمي خالتو علوية توافق مناهل جات برضو صارة وشها مناهل : ههههيي أسي ده الرفضتي اخوي مراد بسببو !!! بعد شوية امها جات داخله وطوالي وقعت فيها خنق ... #صلو_علي_محمد #الماشين_موكب7يناير الليله...حصناكم بالحي الذي لايموت...الله يغطيكم وينصركم ويعميهم عنكم #To_be_Continued أنا أمقت العنصرية، لأنني أعتبرها شيئا الهمجية، سواء جاءت من رجل أ**د أو رجل أبيض. أبدا، أبدا أبدا لن تشهد هذه الأرض الجميلة مرة أخرى اضطهاد البعض للآخرين. تنتهي العنصرية عندما نتوقف عن الحديث عنها. السنجاب الذي يموت أمام منزلك قد يكون أكثر أهمية في نظرك من الناس الذين يموتون الآن في أفريقيا. الدولة التي لا يمكنها البقاء إلا من خلال قوانين عنصرية لا تستحق البقاء. ما هو أكثر شيء أكرهه؟ الغباء.. بالذات بأبشع صورته: العنصرية والخرافات نتجاوزها، فلا يمكن التعامل معها فقط مع الأشخاص الملونين. No more seeing people of colour as less than human. We can no longer look away. لا مزيد عبر رؤية الناس الملونين أقل عبر البشر. لم يعد بإمكاننا النظر بعيدًا. No one is born hating another person because of the colour of his skin، or his background، or his religion. People must learn to hate، and if they can learn to hate، they can be taught to love. لا يولد أحد يكره إنساناً آخر بسبب لون بشرته أو خلفيته أو دينه. يجب حتى يدراسة الناس الكراهية، وإذا تمكنوا عبر دراسة الكراهية، يمكن تعليمهم الحب. I was raised to believe that excellence is the best deterrent to racism or sexism. And that’s how I operate my life. لقد نشأت لأعتقد حتى التميز هو أفضل رادع للعنصرية أو التحيز الجنسي. هكذا أدير حياتي. No human race is superior; no religious faith is inferior. All collective judgments are wrong. Only racists make them. لا يوجد جنس بشري متفوق. لا يوجد دين ديني أدنى. جميع الأحكام الجماعية خاطئة. فقط العنصريون هم الذين يصنعونها. Race doesn’t really exist for you because it has never been a barrier. Black folks don’t have that choice. العرق ليس موجودًا حقًا لك لأنه لم يكن يومًا حاجزًا. الناس السود ليس لديهم هذا الخيار العنصرية هي الاعتقاد بان اختلاف العنصر يؤدي الى اختلاف السلوك والقدرات الإنسانية. لا يهم ما إذا كان أبيض أو أ**د أو أصفر أو هندي. يكفي أن يكون رجلا، لا يمكن أن يكون أي شيء أسوأ. ان أمريكا في حاجة الى فهم الإسلام لأنه الدين الوحيد الذي يملك حل مشاكل العنصرية فيها أخذت أفكر فيما تفعله العنصرية فينا.. وكيف تشوه الأوطان في أعيننا بلا ذنب ترتكبه الأوطان أفعل الأشياء التي تحب فعلها حقا، أبحث دائمًا عن رغبتك الحقيقية، تصنع الاختلاف والتميز. الطريقة الوحيدة لعمل أشياء عظيمة هي أن تحب ما تفعله. السلام لا يعني غياب الصراعات، فالاختلاف سيستمر دائما في الوجود.. السلام يعني أن نحل هذه الاختلافات بوسائل سلمية عن طريق الحوار، التعليم، المعرفة، والطرق الإنسانية. في اختلاف الأصدقاء شماتة الأعداء، وفي اختلاف الإخوة فرصة المتربصين، وفي اختلاف أصحاب الحق فرصة للمبطلين إن الاختلاف في الشيء الخاص لا يمس روح الأخوة في الأمر العام. لم يخلق الله الأصابع العشر متشابهة. الاختلاف في الرأي ينبغي ألا يؤدي إلى العداء، وإلا لكنت أنا وزوجتي من ألد الأعداء. أيها المتعصبون المتشددون في الدين: اعلموا أن الاختلاف في الآراء هو طبيعة البشر في هذه الحياة؟! إننا نحثكم على التفكير في ذلك بوعي.. ندعوكم إلى الإيمان به. الصمت أفضل من النقاش مع شخص تدرك جيداً أنه سيتخذ من الاختلاف معك حرباً، لا محاولة فهم. ليس من العجيب أن يختلف الناس في ميولهم وأذواقهم ولكن بالأحرى العجب أن يتخاصموا من أجل هذا الاختلاف