“ANO? Ginagawa iyan ng asawa mo sa iyo?” Kulang na lang ay sumigaw si Khrysstyna habang nakatitig kay Kaye.
“Hoy! Hinaan mo naman iyang boses mo. Nakakahiya sa mga tao,” saway ni Kaye kay Khrysstyna. Tumawag kasi ang kaibigan niya at nagyayang magkita sila sa isang restaurant na malapit sa tinitirhan nito sa Alabang. Pumayag naman siya dahil Sabado ngayon at gusto rin niyang makita at makausap ang kanyang kaibigan.
Kaninang nagkita nga sila ay kinumusta niya agad ang kaibigan. Okay na raw ito at nagsisimula nang mag-move on sa mapait na nangyari sa buhay nito. Nang siya naman ang tanungin nito ay napilitan siyang magkuwento tungkol sa nangyayari sa kanila ni Raizer. Nabanggit nga niya rito iyong sontraceptive pills na ipinapainom sa kanya ng asawa niya. Nang marinig iyon ng kaibigan niy
