Di niya maigalaw ang kanyang katawan habang nakatanaw lang sa lalaki. Gusto niyang umiyak habang nakatingin dito, pero nagpigil siya. Lalo at naalala niya ang ginawa nito dalawang linggo na ang nakaraan. Ang gabing iyon na nagdulot ng matinding sakit at pait sa kanyang puso at kanyang pagkatao.
Sariwang sariwa pa ang sakit na dulot nun sa kanya, lalo pang umaantak habang tumatagal na wala man lang siyang balitang maayos na tungkol dito. Kaya di niya basta basta na mapapatawad ang lalaki kahit na alam naman niyang may matinding rason ito. Alam niyang para rin sa kanyang kabutihan ang ginawa nito.
Napahaplos siya sa kanyang sinapupunan ito ang panahon na hinihintay niya. Ang kanilang paghaharap muli, kinakabahan man siya ay pilit niya iyong iwinawaksi. Bago pinatigas ang kanyang anyo, ayaw
