PO2 Mark Mercado...
Kinabahan man ay mabilis niya itong sinagot.
"Hello tsip!" Agaran niyang giit rito. Hindi na siya nagdalawang isip pa na batiin ito dahil pursigido na siyang malaman kung ano ang ibabalita nito.
"May nakuha kaming cellphone dito sa San Diego bridge. Hindi ako nagkakamali at sa nobya mo ito!" Gumaan ng kaunti ang kalooban niya sa mga oras na iyon. Naghintay pa siya sa susunod nitong sasabihin. Gusto niyang malaman kung nakita na ba si Vivien.
"May hinala po kami boss na tumalon po siya sa tulay ayon narin sa mga nakakita sa nangyari!" Doon ay parang pinagsakluban siya ng langit at lupa. Nanginginig siya. Hindi niya matanggap.
"Sinasabi niyo bang nagpakamatay siya?!" Sa tinding galit ay nasigawan niya ito. Hindi niya ininda na pulis ang kausap niya.
"Opo bossing!"
