Lumipas pa nga ang mga araw. Mas lalo pa kaming napapalapit sa isa't isa ni Lynusdrei.
Sabay kaming kumain ng lunch paminsan-minsan. Hindi naman kasi pwedeng araw-araw at baka makahalata na ang iba. Baka magtaka na sila kung bakit tuwing lunch time ay nasa opisina ako ng boss namin. Hindi naman pwedeng ipalusot ko lagi na may file akong ipapakita sa kanya.
Kaya naman ngayon ay si Nikki ang kasabay ko. Matagal na rin kaming hindi nagkakasabay.
Todo titig na naman siya sa akin. Hanggang ngayon kasi ay inuusisa niya pa rin ako sa nakita niya noon sa bar. Hindi na siya kasi nagkaroon ng pagkakataon na usisain ako sa personal dahil na rin naging busy kaming dalawa sa kanya-kanya naming buhay.
Kaya ngayon na nagkaroon siya ng pagkakataon ay pilit niya akong pinapaamin kung ano nga ba ang rea
