Ilang araw na ang nakalilipas ngunit hindi pa rin mag sink-in sa utak ni Cleo ang naganap sa mismong foundation day ng Brillante Cares Village. Sa ikalawang pagkakataon ay naitakda na namang muli ang kan'yang pakikipag-isang dibdib sa isang Lee. Ang loob niyang unti-unti na sanang napapalapit sa lolo niya ay tila ba nagkaroon na naman ng pader upang libanin na niya ang bakod na matagal na nakapagitan sa kanila.
Hindi isang biro ang pagpapakasal lalo na kung ito ay pilit at hindi bukal sa loob ng sino mang magpapatali sa sagradong sakramento na iyon. Pero sa lolo niya, para bang ang lahat ay napakasimple lamang at tila isa lamang pakikipagkamay matapos ang isang matagumpay na deal.
Lihim na nagrerebelde ang kalooban niya. Hindi siya isang tauhan sa isang kuwento na maaaring pagdesisyonan
