Venice pov
Medyo di komportable ang kanyang kalagayan dahil masikip, maingay at may mga surot surot pa ang kanyang kama na kinahihigaan. Sa isip niya ay unang araw palang naman niya doon. Masasanay din siya kalaunan, lalo at alam niyang magtatagal siya sa lugar na iyon.
"Maayos ba ang naging tulog mo bhe?" Tanong ng bagong paligong si Ging na kakagaling lang sa Labas ng silid. Mas nauna siyang maligo kanina, di niya kinaya ang pangangati. Maybe dahil sa mukhang di naman pa malinis ang kanyang kutson.
Problema niya ay di pa siya makakapamili ng mga gamit niya dahil nagtitipid siya. Mas mahalaga ang kanyang kumakalam na tiyan kaysa sa pangangati ng katawan sa beddings. Lalabhan niya nalang mamaya ang mga iyon para malinis linis naman.
"Nanibago lang ako, kaya di ako gaanong makatulog."
