Huminga nang malalim si Ava nang makababa ng sasakyan ni Killian. Hinatid pa talaga siya nito hanggang sa warehouse kung saan kukunin ang mga materyales para dalhin sa construction site.
Bago i-check ang quality ng iba pang materyales, una niyang nilapitan ang nakatambak na hollow blocks na handa nang ikarga sa truck.
Hinanap ng kaniyang mga mata si Ashley na pinauna na niyang pumunta roon. Kumaway naman ito sa kaniya nang mauna siya nitong makita.
“Ma’am, maayos daw po ang quality ng mga concrete hollow blocks. Pwede na pong i-deliver sa site anytime,” ani Ashley nang makalapit sa kaniya. Sa likuran nito ay ang nakangiting manager ng warehouse ng kukunin nilang supplier ng materyales.
Ngunit umiling siya. “No. We still need to test the strength of these building blocks.”
Hindi nakali
