Monica’s Point of View
MGA ILANG minuto ang nakakalipas ay napagtanto ko na dinala ako ni Kent sa isang playground dito sa WoodLand Homes. Nagtataka pa ako kung bakit niya ako dinala rito. Puwede naman kaming mag-usap doon sa kinatatayuan namin kanina o kaya doon na lang sa mansyon nila.
Bakit dito pa?
Sobrang tahimik ng playground na iyon. Napapaligiran ng mga iba’t ibang mapaglalaruan ng mga bata katulad ng see-saw, slide, swing na gawa sa bakal, at kung ano-ano pa. Meron din doong malaking gazebo sa pinakagitna ng playground at sa unahan niyon ay ang malawak na basketball court na may mga malalaking poste ng ilaw na nakalibot.
Hindi naman masyadong madilim dito dahil may mga ilaw pa namang nakasindi. Medyo lumalamig na rin ang hangin dahil nagbabanta ito na uulan.
Nang mapahinto ka
