Kent’s Point of View
SABAY na lumabas kaming lahat sa pinagkainan naming high-class restaurant. Habang patuloy na nag-uusap sina Daddy at Mr. Ong, kasama ang mga asawa nila ay nananatiling nasa likuran lang kami ni Cindy.
Nang magkausap kami kanina sa CR ay napagpasyahan namin na ipagpatuloy na lang ang pag-uusap pagkatapos ng dinner namin ngayon.
Gusto ko siyang makausap tungkol sa hinihingi niyang tulong sa akin. Kahit na alam ko na ang pino-point out niya ay gusto ko pa ring malinawan kung bakit ganoon ang gusto niyang mangyari.
“Dad,” tawag ko sa ama ko kaya napatigil siya sa pakikipag-usap kay Mr. Ong. Sabay pa silang napalingon sa akin, na kahit si Cindy ay nagawa ring lingunin ako kahit na nasa tabi ko na siya.
“What?” tanong sa akin ni Daddy.
Tumikhim muna ako bago ako nagsal
