John’s Point Of View
“EH, IKAW ba, John? Kung mangyayari na magkakagusto ka sa akin, hindi ka ba magpapakatorpe katulad no’ng babae na nasa pelikula?”
Kaagad na naramdaman ko ang paninigas ng katawan ko dahil sa tanong ni Monica sa akin. Nagsunud-sunod pa ang paglunok ko dahil wala akong maisip na sagot sa kanya.
“M-Matutulog na ako. Maaga pa ako sa construction bukas,” nasabi ko na lang sa kanya dahil ayokong sagutin ang tanong niyang iyon sa akin. Mabilis akong napatayo sa pagkakaupo ko sa bubong at saka dali-daling pumasok sa loob ng bahay, doon sa bintana.
Hindi ko na pinakinggan pa ang huling sigaw niya sa akin dahil gusto kong makatakas sa tensyon na nararamdaman ko.
At nang gabing iyon, halos hindi ako makatulog. Nananatiling mulat ang mata kong nakatutok sa kisame ng bahay ni
