Monica’s Point of View
“JOHN!? Uy! Okay ka lang ba? John!!” tawag ko sa kababata ko nang mapansin kong titig na titig siya sa akin. Bigla naman siyang nagising sa katotohanan.
“Ah—a-ano—ahm—okay lang naman,” nauutal pa niyang sagot sa ’kin habang mahinang natatawa siya. Pagkatapos ay napakamot siya ng kanyang ulo.
“Uyyy! Si John, napatulala kay Monica,” kantyaw naman ni Chepai sa kaibigan ko habang kinikilig at nakangiti siya. Nakayapos siya kay Ae na natatawa rin sa nangyayari.
“Naku, John! ’Wag kang obvious, ah. Namumukhaan kang may gusto kay Monica, eh,” panunukso naman ni Ae kaya mas lalo pang nahiya si John sa mga ito.
“Wala, ah. W-Wala akong gusto kay Monica. Nakakamangha lang dahil ang laki ng pagbabago niya ngayon,” sagot naman ni John sa dalawa at sabay bumaling ulit siya sa
