"Ingat kayo anak!" Nakangiting sabi ni daddy habang kumakaway sa amin ni Andriel. Kumaway rin ako sa kanya at tsaka nagpatuloy sa paglalakad.
Magkatabi kami ni Andriel habang naglalakad. Tahimik lang.
Napatingin ako sa suot niyang damit. Masyadong malaki ang polo. Wala kasi siyang masusuot na damit kanina so pinahiram na lang sya ni daddy. Tapos may dinagdag pa si dad. Sabi niya masasanay rin daw siyang pahiramin si Andriel dahil isang araw ay titira kami sa iisang bubong.
Naguluhan ako sa sinabi niya. Seryoso ba talaga si dad na naka-fixed marriage na kaming dalawa ni Andriel? At tsaka anong titira sa isang bubong? Fudge! Hindi ko ata kaya yun!
Napansin ni Andriel na hindi ako mapakali. "Bakit ka namumula?" mapang-asar na tanong niya sa akin.
Napatingin ako sa kanya at lalong namula.
