"SABI niya saglit lang siya ha.."
Kumakabog ang dibdib na umupo si Maggie sa papag. Kaninang bandang alas-tres kasi ay umalis si Levi para puntahan ang bukid. Hindi na siya sinama nito dahil madilim na ang langit at mukhang babagsak na ang malakas na ulan. Kumain na siya lahat lahat ay hindi pa din dumarating ang binata. Lalo pa ngayon na malakas ang ulan sa labas ay mas lalo siyang kinakabahan na baka kung ano ng nangyari dito.
'Ano ba naman Maggie isip mo..'
Huminga siya ng malalim para mawala ang nararamdaman saka siya lumabas sa kwarto. Napatitig siya sa kawayang sofa na hinihigaan ng binata, nakatupi pa sa dulo non ang unan at kumot nito. Malinis din ang mesa, napahaplos siya sa braso habang nakatingin sa pinto.
Kanina ay nakapasok ang text ni Teresa sakanya. Nag-aalal
