البداية ( الجزء الثاني )

طول عمري محظوظ من و انا صغير كنت محظوظ يعني كل الناس تشتكي من المدير بتاعها في الشغل لكن انا لا كانو يحبوني جدا حتي جيراني القدام بيحبوني و اهلي كمان رغم اني داخل عليهم جديد بس لا بيحبوني علشان كده انا بقول اني محظوظ مش محبوب و هيا تفرق كتير جدا بدايه الفصل وصلت قاعه الفور سيزون و انا وسط الناس ماسك ايد مروه و داخلين القاعه كان عماد واقف يستلم العروسه بس انا رخمت عليه و عملت زي عادل امام في عريس من جهه امنيه و قعدت جت وفاء و قومتني و الناس كلها بتضحك علينا و عماد جري يقعد على الكوشه و هو فرحان زي العيل الصغير قعدت الناس و انا بلف عليهم اسلم و اشوف لو حد نقصه حاجه و امي قعده على تربيزه مع خالتي و تيته و بنات و ستات العيله كلها من عيله رشوان و عيله المحمدي لقيت حد بيخبط على كتفي لفيت شوفت اصول و هيا لابسه فستان مقفل بس مخليها قمر و لونه ازرق غامق شويه مع لون بشرتها الابيض كان تحفه انا : صدق الي قال مفيش احلي من الاصول (مسكت ايدها و رفعتها في فوق) أصول : (فهمت اني عايزها تلف لفت لفه كامله) ايه رايك انا : انا اقول راي فيكي طيب ازاي يعني الجمال ده كله و عايز راي انا أصول : انت كلامك حلو كده على طول انا : لما اشوف حاجه حلوه لازم اقول كلام حلو وقفت اتغزل في اصول شويه و هيا مبتسمه زي الاطفال الصغيره و انا كل ما حد يجي يسلم عليا مدهوش اهتمام علشان يخلع و اقف مع اصول جيه معاد رقصه ابسلو اخدت اصول من اديها ارقص معاها اصول : اختك فرحانه اوي هيا و عماد انا : الاتنين مش حاسين بحاجه خالص انا قلقان اني اليوم يعدي كويس و هما كلاب بيحبه في بعض اصول : ايه بتحسد مسيرك ها تقعد مكانهم انا : لو فكرت اتجوز لزم اكون اخترت كويس اصول : انتا لسه مختارتش وله اختارلك انا (بتبص حواليها) انا : (ضمتها جدا لي حصني) بحبك اصول : (مسمعتش انا بقول ايه من الاغاني) بتقول ايه انا : (حضنتها و رفعتها شويه و لفيت بيها و انا بقول) بحببببببببببك (مكناش حسين اني المزيكا وقفت و الناس كلها سمعتنا شورت لي بتاع الدي جي يجب مايك مسكته في ايد و الايد التانيه ماسك اصول) مساء الخير طبعا كلكم تعرفوني انا ايهاب المحمدي انتو مشرفني في فرح اختي الصغيره الي بعتبرها بنتي و اختي و صلحبتي منورين و الي سمعتوه من شويه كان حقيقي انا بحب البنت دي اصول بنت خالتي و كنت واخد عهد على نفسي اني مفكرش اتجوز او احب غير بعد ما اطمن علي اختي مع راجل يصونها و يعرف قيمتها لانها حته من قلبي انا النهارده اطمنت مع عماد صديق عمري و الي من اول لحظه عرفته فيها و هو بيثبت انه راجل علشان كده لما طلب اختي لي الجواز و دخل البيت من بابه انا مكنش قدامي غير اني اقبل الانه راجل بجد و ها يخاف عليها انا النهارده بتمم ليله اختي و بقول لي اصول بحبك ممكن تتجوزيني (اصول م**وفه) قللها تتجوزي يا جماعه الكل : (في صوت واحد) اتجوزيه اصول : بطل كلام كفايه انا : لا لما توافقي يعني فوق 100واحد عايزينك تتجوزيني و انتي مش بتردي ينفع كده أصول : ماشي ماشي خلاص موافقه ده انتا فضيحه انا : وافقت يا جماعه اخيراً بعد ما طلعت عيني شغل الدي جي الاغاني و قعدنا نرقص و بعد كده طلعت من وسط الناس و انا مساك ايد اصول و رحنا التربيزه عند امي امي : ايه الفضيحة دي انا : فضيحه ليه انا راجل ان احببت اعلنت حبي خالتي : بس مش كده انا : اهو ده الي عندي خالتي انا بحب بنتك و عايز اتجوزها ها موافقه خالتي : (بصت لي اصول و هيا مسكه ايدي و م**وفه جدا و مبتسمه و الفرحه ها تطلع من عنيها) خلاص يا عريس موافقه تيته : واخد البنت و رايح فين انا : اعرفها على اعمامي و راجع متخفيش يا قمر مش هاكل بعقلها حلاوه اصول : متخفيش عليا يا تيته انا محدش يعرف يعمل معايا اي حاجه انا : طيب يا جماعه لو اخرنا دوروه علينا في اي حته ضلمه ضحك الكل و انا اخدت أصول ورحنا لي تربيزه عمي و خالي خالي : ايه الي انتا عملته ده انا : خالو حسن انا هتجوزها فتحي : هههههه ماشي يا عم إيهاب نعمل ليهم زياره في اسكندريه و نطلب ايدها من جدك محمود وله ايه حسن خالي : اللي تشوفه يا حج فتحي احنا نتشرف فتحي : بس حلوه اصول انا : جدا فتحي : طلعت ناصح و فلت من الغفر الي كانت امي جيبم انا : عيب عليك يا عمي انا إيهاب المحمدي لما اقع لزم اكون واقف اصول : مين الغفر دول يا ايهاب بيه انا : (بصيت ليها بابتسامه) طيب اخلع انا و هيا نشوف حوار النكد ده اخدت اصول و قعدت ساعه اقنعها اني مش بحب حد غيرها و الموضوع ده انا كنت رافضه خالص علشانها في مشهد اخر واحد قاعد على كرسي بعجل بسبب جرائته و حربه مع ناس اكبر منه بكتير قاعد و قدامه ابليس نفسه علشان يعرف ايه الفكره الي ها تطلع منه علشان ينتقم و يتعلم الشر منه شخص فلت من الموت لدرجه اني الناس فكره انه مش هيموت قاعد و دماغه شغاله في مليون حاجه من ساعه ما فاق و هو شغل حرب من كل اتجاه حتي و هو عاجز لحد ما ابليس عرف هو بيفكر في ايه و قام سقف ليه و مشي الشخص ده هو البعبع البعبع : (طلع تلفونه و عمل مكلمه) بلغ الكل ان الدوشه و صوتهم العالي صحي البعبع من النوم و مش هيرحم حد شخص : حصل يا كبير في مشهد اخر محمود الحمصاني قاعد في القصر بتاعه و عليه ملامح الغرور و التكبر و التعالي مولع السيجار و بينفخ الدخان جتله مكلمه تلفون و رد عليها شخص : محمود بيه محمود : ها طمني وصلت لي ايه شخص : انا فضلت وراها لحد ما عرفت انها دخلت فندق و هيا سكرانه جدا و راحت على فرح في القاعه علشان تحضره محمود : فرح مين شخص : مروه جمال المحمدي محمود : اخته شخص : ايوه محمود : هيا قاعده فين شخص : طلعت مع واحد و دخلها البار و من ساعتها مطلعتش منه محمود : طيب حضر الرجاله و انا جاي دلوقتي سلام شخص : منتطرك يا كبير قفل مع الشخص ده و الشيطان دخل في دماغه و الغل ملي عينه قام يلبس و نزل اخد عربيته و طلع على الفندق الي فيه الفرح و دخل وسط رجالته الكتير و لقي فتحي المحمدي واقف بره و خلص تلفونه و هو مبتسم فتحي : محمود صديقي العزيز انتا مشرفني ايه يا جماعه هيا الاخبار الحلوه بتيجي بسرعه و وره بعضها كده محمود : ادخل يابني فضي الفرح و عايز ايهاب المحمدي تحت رجلي في ثانيه دخل عليهم شخص و اسمه سامح كان لسه قافل التلفون مع فتحي عرف مكانه ورحله سامح شخص حاد الطباع و ده لي شغله السابق و هو ضابط في الجيش (فرقه 777)و دي فرقه تدخل خاصه لي الجيش و نصيحه بلاش تعمل مشاكل مع الناس دي دول يطربه من صوت ض*ب النار وقف في النص و الاتنين قدامه سامح : محمود بيه حضرتك جاي تبارك لي العروسه و العريس و اخو العروسه حضرتك مش بيفوتك الواجب محمود : (بص لي سامح بستهزاء) ادخل يابني نفز سامح : (ض*ب الراجل في رجله و سحب الطبنجه بتاعته من جنبه و مكنش في ناس كتير في الاستقبال و قرب على محمود في ودنه) الدوشه دي خلت البعبع صحي من النوم امبارح نصيحه ادخل بارك لي العروسان و خد واجبك وامشي محمود : (وشه بقي اصفر جدا من الخبر و بلع ريقه) هو هو الباشا فاق بالسلامه سامح : (ببرود) الباشا فاق و خالي بالك هو ميعرفش محاوله الاغتيال الي حاولت تعملها فتحي : ( ضحك لما سمع كلام سامح) هههههههه انتا شكلك ها تموت سامح : لا الباشا فاق و عنده حب لي الرحمه ادخل بارك يا محمود بيه محمود: (بلع ريقه) أوامر الباشا و الي تبعه تتنفز دخل محمود مع سامح و عمي فتحي و انا قاعد جنب بوابه القاعه وقفت وانا مستغرب لقيت عمي بيهز راسه بايوه انا : (سلمت عليه بالايد) محمود بيه منورني يا باشا اتفضل محمود : (من تحت الضرس) الف مب**ك يا إيهاب عبال ليلتك انا : لو فضلت عايش ها عزمك محمود : (قلب وشه و نفسه يحط طلقه في دماغي بس ايده مربوطه و على رقبته السيف) سامح : الف مب**ك يا ايهاب بيه انا : الله يبارك فيك اتفضل يا محمود بارك لي العرسان اخدته و رحنا الكوشه انا : عماد احب اعرفك على محمود الحمصاني عماد : محمود الحمصاني تمام شرف*نا يا محمود بيه محمود : الف مب**ك يا عريس الف مب**ك يا عروسه خلي بالك منه هو و اخوكي مروه : (بتكبر) اخلي بالي منهم ليه محدش يقدر يلمسهم انا : ( ضحكت) ههه اتفضل يا محمود اتفضل اخدت محمود و قعدت على تربيزه الرجاله انا : طبعا يا محمود انتا قاعد على تربيزه متحلمش تقعد وسطهم محمود : (ولع السيجار بتاعه) احلم مين يابني كل الي انتا شايفهم دول عبيد يتمنه اني ارد عليهم السلام او امشي جنبهم انا : (بغرور) بس مفيش واحد من العبيد دول من عيله المحمدي و ده الي كاسر نفسك انتا نفسك نكون ليك عبيد بي عيله المحمدي مش عبيد عند حد محمود : مغرور زي عمك و غرورك ده ها يجيبك الارض انا: بالع** انا التواضع بتاعي هو الي جابني الارض لكن غروري ده هو الي خلاني اخد منك شغل كتير و بعد ما كنت رقم اتنين في السوق بقيت رقم صفر محمود انتا جاي وسط عزوتي و تقول علينا عبيد فوق انتا ممكن متطلعش من هنا انتا و الخرفان الي معاك نصيحه امشي طول ما انتا قادر تمشي محمود : (جز على سنانه و بص لقي سامح قاعد و عينه عليه ببرود خالص) ماشي يا ايهاب الايام ها تجمع بنا انا : طول عمر الايام جمعانا انا و انتا على طريق بعض محمود : يبقي ها نتقابل كتير جدا انا : ده شيء اضمنه ليك شرفت يا محمود قام محمود يمشي و انا كلمت الليله على خير طلع عماد و مروه الجناح بتاعهم في الفندق عماد : مب**ك يا عروسه تحبي تدخلي لوحدك وله ادخل معاكي مروه : لا طبعا انتا داخل معايا بس مش دلوقتي لما اغير هدومي الاول عماد : براحتك اتفضلي في مشهد اخر منة اخت عماد في شقه مع كرم خطيبها في علاقه بينهم و هيا رضيت بالامر الواقع على امل انه يتجوزها منة : حبيبي كنت عايزه اقدم معاد الفرح كرم : نقدم معاد الفرح ليه و نتجوز ليه اساساً منة : ليه ايه كرم انتا نسيت كرم : (ببرود) نسيت ايه بس منة : كرم انا مش بنت و ده على ايدك انتا كرم :طيب احنا نفرق ايه عن المتجوزين اخوكي بيعمل كده دلوقتي و هو متجوز و انا و انتي بنعمل كده و احنا مش متجوزين عادي منة : (خلصت لبس الفستان) انا هاعمل نفسي مسمعتش الكلام ده و بعد شهر عسل اخويا تيجي علشان نحدد معاد الفرح الي ها يكون بعده باسبوع ماشي باي سابته و نزلت ركبت عربيتها و رجعت البيت تاني دخلت تتسحب علشان امها و صلت لي الاوضه بتاعتها من غير صوت # # # # # # # # # # # # # # # # # # # المشهد الريسي تاني يوم صحيت من النوم و قعدت على السرير بستوعب انا فين لحد ما افتكرت انه ده البيت بتاعنا و دي عاده فيا لازم استوعب انا فين الاول قبل ما اقوم و ندمت على مروه تعمل قهوه بس محدش رد عليا ندمت تاني و تالت لحد ما قومت و انا في دماغي ها نتخانق علشان نايمه على ودنها نزلت تحت امي كانت قاعده انا: فين الحيوانه دي امي : حيوانه مين انا: الزفته بنتك مين غيرها امي : هههههههه خلاص يا حبيبي اختك اتجوزت انتا محضرتش الفرح امبارح وله ايه هههههه انا : (اخدت دقيقتين لحد ما افتكرت) اه صحيح دي اتجوزت امبارح امي : كويس انك افتكرت انسي جو الدلع ده ها تصحي تلقي هدومك مكويه او القهوه جاهزه خلاص ايام الدلع دي راحت خلاص انا : (بصيت ليها شويه) طيب و انا عايز قهوه دلوقتي امي : اسبوع كده و اجيب شغاله انا : لا انا مش بحب الشغالين و مش بثق فيهم مضمنش امي : طيب وانا اعمل ايه انا : خلاص كلمي تيته غنيمه تبعت واحده بس من البلد غير كده لا امي : ماشي يله اطلع خد دش و غير علشان نروح لي اختك الصباحيه انا : ماشي ماشي طلعت الاوضه اخدت دش و غيرت هدومي و نزلت تحت كانت وفاء مع منة و امي و خالتي و اصول خالتي : صباح الخير انا : صباح النور يا ام القمر اصول : (وشها احمر من ال**وف) خالتي : (بصت لي اصول و لقيتها م**وفه ابتسمت) عامل ايه انا : انا كويس لما شوفت القمر و امها على الصبح خالتي : ما تتلم يا واد انتا انا : خلاص يا معلم ينفع كده يا فوفا اصحي من النوم اقعد انادم على مروه مش موجوده و انا نفسي في فنجان قهوه ده انتي ابنك خد الدلع بتاعي كله انا ها موت على فنجان قهوة اصول : سلامتك من الموت يا إيهاب دقيقه و القهوه تكون جهزت انا : (اصول معديه من جنبي) تسلم يا بطل الابطال (رحت قعدت جنب خالتي) بقولك ايه يا خالتو حددي معاد علشان اجي اخطب البطل خالتي : بطل ههههه ماشي يا عم ايهاب اشوف خالك و عم اصول (الي هو خالي برضه بس ابن عم امي) و اهمهم جدك محمود و نحدد معاد اصول : (من المطبخ) السكر فين يا خالتو انا : اجي اجيبهولك امي : اقعد يا روح امك اقوم انا اجيبه قامت امي تجيب السكر و رجعت و بعدها اصول بالقهوه شربتها و نزلنا رحنا الفندق و طلعنا الجناح فوق و فتحتلنا مروه اخدتها بالحضن و قعدنا انا : فين المنيل على عينه مروه : بس رخامه و شتيمه فيه احنا كبرنا كلنا وفاء : (خدتها في حضنها) حبيبتي يا مرات ابني بس فعلا فين السبع ازاي يسيبك تفتحي الباب كده عماد : (طلع و كان لبس البيجامه الحرير) بوب انا : ايه الي انتا لابسه ده عماد : ايه يابني انا : لبس بيجامه حرير ايه ده (كلمته بصوت واطي) عرفت تعمل حاجه بالبيجاما دي وله فضحتنا (بصيت جنبي لقيت كل الستات عايزه تعرف انا بقول ايه) كل واحد يبص في ورقته ماما خدي الستات و ادخله جوه عايزه في حاجه مهمه طبعا امي و خالتي و وفاء فهمه انه معرفش و انا قاصد اوصل الاحساس ده ليهم اخر واحده عدت جنبه كانت امه و هيا بصه ليه ب**ره نفس عماد : (بص ليا) هما فهمه ايه انا : هههههههه متقلقش اقعد يا عريس اقعد عماد : (قعدت جنبي و هو متوتر خايف لحسن مروه تعمل فيه مقلب و تقول انه معرفش اصله دخل وسط عيله مجانين لحد ما سمع صوت الزعاريت) انا : امسك دول تذكرتين لي جزر البهاما علشان شهر العسل هديه الجواز عماد : ماشي يا عم إيهاب سؤال دلوقتي اقولك يا ايهاب وله عمي ايهاب بعد ما اتجوزت اختك يعني و انتا اخوها الكبير و في مقام ابوها التاني انا : بس يا حماده طلعه الستات من جوه وفاء : اشوف فيك يوم يا ابن جمال المحمدي امي : يله يا إيهاب نستنه تحت لحد ما ينزله نزلنا تحت استنينه على حمام السباحه خالتي : (جالها تليفون و قامت ترد بعيد و رجعت) بقولك ايه يا ايهاب ما نأجل معاد الزياره ده شويه انا : نأجل ليه و قد ايه خالتي : ممكن كمان شهرين ثلاثه اشبع من بنتي انا : بصي يا خالتي معاكي شهر بعد كده هخدها و نكتب ورقين عرفي خالتي : انا مش بهزر انا : وله انا خالتي الفرح ها يكون بعد الخطوبه بثلاث اشهر يعني اشبعي منها لكن تأجيل المعاد و بعد كده نأجل علشان الفرح كده كتير مش هاصبر و اتجوزها عرفي خالتي : ماشي يا ابو دماغ ناشفه نزلت مروه و عماد قعدنا شويه وبعد كده دخل ضابط و معاه قوات خاصه ضابط : انتا إيهاب المحمدي انا : ايوه انا خير ضابط : طيب قوم انا : خير يا باشا في ايه ضابط : كل خير اتفضل انا :طيب ممكن اشوف ازن النيابه ضابط : (عطاني ورقه) انا : (فتحتها و لقيت القرار طالع من نيابه امن الوطني) طيب انا قايم امي : في ايه يا ايهاب انا : اقعدي يا امي و محدش يجي ورايا خالص خالص فاهمين اتفضل يا باشا لبسني الكلبش و ركبنا البو** و الغريب اني كان في صحافه بتصور اتحركنا على قسم شرطه المنيل و دخلوني الحجز الي كنت فيه لوحدي خالص و بعد شويه طلعوني لي معاون المباحث الي كان انا : مصطفي باشا الحمصاني خير مصطفي : (قاعد و حاطت رجله على المكتب) ق*فص ياروح امك انا : لا انا عايز اقف انا هنا ليه مصطفي : لا انتا هنا لي كتير يعني مثلاً في اتهام ليك انك متورط في محاوله اغتيال النائب العام و تفجيرات مديريه امن القاهره انا : طيب امر الضبط و الاحضار طالع من نيابه الامن العام و كمان دي قضايا امن عام يعني مينفعش تحقق معايا في المباحث مصطفي : انتا ها تعلمني شغلي يا ##### انا : #### تاني بتغلط طيب الي هو انا هيعرف يزعلك كويس جدا جدا لسه ها يقوم يديني بالقلم الباب اترزع و دخل وزير الداخلية الي هو عمي راضي (اتعين بعد ضغط من شخص مهم جدا انتو عرفينه كويس) و معاه مساعد وزير الداخلية لي المباحث و كمان مدير الامن و المأمور و رايس المباحث و رايس جهاز امن الوطني و رايس جهاز الامن العام و دسته محامين انا : (قعدت على الكرسي قدام المكتب و حطيت رجل على رجل و ولعت سيجاره) كده تقدر تبداء التحقيق و الكفتين متساوين (بصيت على اللفيف ده كله) او كفتي اتقل المأمور : (فتح الكلبش) احنا اسفين يا ايهاب بيه دي غلطه انا : و قرار النيابه ده طالع من الامن الوطني رايس جهاز الامن الوطني: دي غلطه يا إيهاب بيه و جت من المقدم مصطفي متقلقش اتحلت انا : (كلمت مصطفي) فهمت يا روح امك ان البدله بتاعتك ملهاش تأثير عليا عمي : اتمني اني راجل الاعمال ايهاب المحمدي لما يطلع و يتكلم مع الصحافه يقول اني تم التحقيق معاه بمنتهي الزوق انا : هو ده الي حصل يا معالي الوزير طلعت بره و حصل هجوم من الصحافه قولت انه تم التحقيق منتهي الزوق و عرفتهم انه سوء تفاهم طلعت بره و لقيت عماد ركبت معاه و اتحركت على الفندق طمنتهم انه سوء تفاهم و اتحل اخدت امي و خالتي و اصول في عربيتي و طلعنا على الفيلا قبل ما نوصل كنت مكلم آنا مندوبه السفاره الفرنسيه في مصر انا : بنجور آنا آنا : بنجور ايهاب انا : انتي لسه في باريس آنا : ايوه هارجع النهارده انا : طيب انا عايز اقعد معاكي اول ما توصلي آنا : ماشي تحب امته انا : لو راجعه النهارده يبقي نتغده مع بعض بكره آنا : تمام يا ايهاب اشوفك بكره انا : طيب توصلي بالسلامه سلام آنا : سلام قفلت مع آنا و لقيت اصول كانت ركبه وريا في الكرسي وشها قدامي أصول : كنت بتكلم مين انا : دي مندوبه السفاره آنا اصول : و عايز تقا**ها ليه انا : شغل اصول : طيب انا جيا معاك انا : لا طبعا تيجي فين امي : و فيها ايه يابني خدها معاك فسحها انا : افسح مين فين انا رايح شغل مش رايح دريم برك اصول : ده الي عندي يا اجي معاك يا مش ها تروح اصلاً انا: (وصلنا) ماما خالتي انزله (قفلت الباب من ناحيه اصول) انا عايزك امي : (قبل ما تقفل الباب) براحه شويه نزلت امي و خالتي انا : ها يا ستي عايزه ايه اصول : انتا عارف انا عايزه ايه يا اجي معاك يا مفيش مروح انا : يعني انتي عايزه تمشي كلامك عليا صح انسي يا ماما مفيش الكلام ده انا محدش يمشي كلامه عليا اصول احنا لسه على البر اصول : يعني ايه على البر انا : يعني انا و انتي لا متجوزين وله مخطوبين اصول : ايهاب حاسب على كلامك علشان لو فهمته كده ها نخسر بعض انا : انتي الي عايزه تخسريني انتي لو كنت طلبتي بدلع كان ممكن اوافق لكن اسلوب الامر ده مش معايا انا انا محدش يمشي كلامه عليا اصول : يعني الي في دماغك ها تنفزه انا : طبعا دي مش محتاجه كلام وله نقاش نزلت اصول و هيا متنرفزه و كلمني مدحت ابن يسري صاحب عمي فتحي مدحت اتعدل بعد ما لبس خزوق تحت رعايه الحج فتحي المحمدي و ابوه خله مسك فرع المعرض في القاهره انا : الو يا مدحت عامل ايه مدحت : عامل خط و ماشي عليه هههههه انا : ابو تقلدمكم عايز ايه مش فايق مدحت: خلاص يا عم انا اسف انتا فين انا : في البيت ليه مدحت : طيب عدي عليا في المعرض انتا اتغديت انا : لا مدحت : طيب تعاله نتغده مع بعض انا : طيب جاي مدحت : مستني سلام انا : سلام قفلت معاه و رحت المعرض عنده اتغدينا سوا و قعدنا رصينا حجرين شيشه و هو مكنش عايزني لي سواد عيوني عايز يبيع عربيه في المعرض مكنتش فاهم ليه ساعتها بس بعدين فهمت كانت نوع بوجتي لونها اسود مضينا ال*قد و اخد العربيه و رجعت البيت بس على بليل مش عايز اشوف اصول علشان لو كنت شوفتها كان ممكن نعمل مشكله اكبر دخلت انام و تاني يوم صحيت على ايد غريبه بتلعب في دقني و شعر راسي فوقت كانت اصول انا كنت نايم في نص السرير و هيا جنبي انا : انتي ازاي تدخلي الاوضه عندي اصول : و فيها ايه دي اوضه حبيبي و انا دخلتها انا : مين اداكي الحق ده اصول : قلبك يوم ما اختار اني اكون حبيبته انا : ماما فين اصول : ماما نزلت الاستور و امي سافرت الفجر انا : طيب قومي اطلعي بره علشان ميصحش تقعدي معايا في اوضه واحده عيب يله اصول : (قامت بدلع) طيب قوم بسرعه على ما احضر الفطار طلعت اصول و انا قومت و انا مستغرب منها المجنونه دي احنا زعلنا امبارح جيه النهارده وله كان في حاجه اخدت دش و لبست و نزلت تحت اصول : الفطار جاهز انا : (ركزت في لبسها لقتها لبسه شورت جنز و عليه بضي حماله) ايه الي انتي لبسه ده اصول : ماله انا : ماله ايه حد يلبس كده اصول : انتا قولت بلاش البس ده و انا احترمت قرارك بس انا لبسه كده قدامك انا : لا برده اصول : انتا حبيبي يعني عادي انا : لا مش عادي انا مينفعش اشوفك بالبس ده اصول : خلاص يا سيدي اقعد افطر و اوعدك انه مش ها يتكرر (في دماغها : عرفت ازاي اصالحك) انا : ماشي يا اصول قعدنا نفطر و هيا مهتمه بيا جدا بتأكلني بنفسها لحد ما خلصنا الفطار و فتحت التلفزيون و قعدت جت اصول و معاها القهوه بتعتي ادتهالي و قعدت جنبي بس مش جنبي عادي لا ده في حضني انا استغربت منها قولت عادي عايزه تصالحني مركزتش خالص لحد ما جت الساعه اربعه العصر قومت اصول : رايح فين انا : انتي عارفه انا رايح فين اصول : (ربعت ايديها زي الاطفال) ماشي انا : بلاش غيره ده شغل سبتها و طلعت فوق غيرت هدومي و لبس بدله لقيت اصول فوق دماغي فتحت الدولاب و طلعت كرافات اصول : ده هتبقي احلي عليك (ربطتها ليا و هيا قريبه جدا مني و وشها في وشي) انا : طيب ما تيجي نبوس بدل الواقفه دي أصول : (شورت على خدها) انا : (بوستها من خدها بس قريب جدا من شفايفها) سلام نزلت و انا طالع من الفيلا كانت واقفه على الباب تودعني مش عارف حسيت اني انا و هيا متجوزين الصراحه نسيت المشكله الي حصلا بنا ممكن الناس تشوف انه عبط بس لا احنا الرجاله عقلنا صغير زي الستات بالظبط عقلهم صغير بس هو اصغر منا بكتير ركبت العربيه و رحت المطعم و قعدت جت آنا انا : (سلمت عليها و قعدت) وصلتي امته آنا : الفجر خير يا ايهاب طلبتني انا : انتي عارفه انا مين كويس انا ايهاب جمال المحمدي و عارفه يعني ايه اسمي كويس آنا : لو اسمك مش كبير مش ها تعرف تاخد عقد واحد لي السفاره بتاعتي عارفه كده كويس بس كل ده ليه انا : تعرفي محمود الحمصاني آنا : محمود الحمصاني رجل اعمال كبير و كان ليه شغل معانا قبلك انا : لا بلاش الجو ده انا عارف انه لسه شغل معاكم آنا : ازاي انتا الي بتاخد ال*قد انا : برضه عامله مش فاهمه طيب اوضحها اكتر محمود الحمصاني بياخد حقيبة دبلوماسيه كل شهر و انتي الوسيط بتاعه مع السفاره آنا : (ضحكت) ههههههه انتا شارب ايه على الصبح مفيش الكلام ده محدش يقدر ياخد الحقيبه الدبلوماسيه خالص انا : (مبتسم بس بأسلوب مستفز) آنا انتي مش بتكلمي عيل صغير انا عارف انه بيخدها امته و بيدفع كام كمان بس الي معرفهوش الطرد فيه ايه و هو ده الي عايز اعرفه آنا : (بتفكر شويه و بصت حوليها) بص يا ايهاب انتا مش عارف انتا بتلعب بايه دي لعبه موت انا : لو معرفتش انا ممكن اموت و لو عرفت ممكن اموت برضه و ممكن اموت و انا قاعد دلوقتي انا مش خايف من الموت آنا :وانا معنديش اجابه لي سؤالك انا : عند مين و اروح اجيبها بنفسي آنا : الي عنده الاجابه متقدرش تاخد منه حاجه هو مش عايز يديهالك زي الطفل الاناني انا : طفل اناني اوكي حدد معاد معاه و انا اقنعه آنا : صعب انا : انا خبره في التعامل مع الاطفال الانانيا آنا : بما انك عايز تدخل سكه الموت ماشي بس لو اتحدد المعاد احب اقولك اني كل نفس بتتنفسه محسوب عليك و لو اتنفست تحت الارض ها يعرف و ساعتها انتا ها تكون ملك ليه يعني زي العروسه في ايده انا : عايز اقابله آنا : يعني عايز تبقي عروسه في ايده ماشي يا ايهاب احدد المعاد و ارد عليك بعدين باي طلعت آنا من المطعم و وصلت الشقه بتعتها الي وخداها تبع السفاره و فتحت خزنه سريه طلعت منهت تليفون قمر صناعي آنا : الو شخص : الو آنا خير آنا : إيهاب المحمدي عايز يقابل الباشا شخص : بجد آنا : ايوه انا لسه سيباه و حاولت اخوفه بس هو م**م شخص : الباشا ها يفرح جدا من الخبر ده هو مستني ايهاب المحمدي من زمان آنا : اشمعنا ايهاب المحمدي و هو بيحمي ايهاب ليه شخص : ايهاب المحمدي ده إضافة مهمه جدا ل مجموعه الباشا و عايزه في صفه آنا : ماشي قول لي الباشا اعرف منه المعاد و رد عليا شخص : ارد عليكي بس ها ياخد وقت شويه الباشا مش فاضي دلوقتي آنا : (سمعت صوت راجل بيصرخ جنبه) طيب اكلمك بعدين شخص : ماشي سلام آنا : سلام # # # # # # # # # # # # # # # # # # # # # # # # # # # في مشهد اخر محمود الحمصاني قاعد في القصر بتاعه في دخلت ابنه جاله تلفون محمود : اهلا يا سيادة اللواء..... تمام..... لا خلاص انا هاقعد معاه و اتكلم معاه ....... عيب دي عندي خلاص.... اتفضل سلام (قفل معاه و بص لي ابنه) ايه الي انتا عملته ده مصطفي : بابا انتا لزم تشوف حد يشيل راضي المحمدي من الوزاره محمود : (بستهزاء) اشيل راضي من الوزاره ده انتا طيب قوي مصطفي : ليه انتا محمود باشا الحمصاني ليك علاقاتك محمود : شايف ابوك رغم كل الجبروت و القوه و السلطه الي عندي دي كلها برده الحكم مش بايدي انا باخد أوامر من عيل صغير و لو شفته اعملها على روحي مصطفي : ازاي يا بابا ازاي انا هافضل افعص في إيهاب لحد ما اخلص منه محمود : تخلص منه ههههههه ع**ط انتا متعرفش تلمس منه شعره مصطفي : طيب انا اهو قدامك قولي اتحرك ازي محمود : في الاول طلق روان انتا عارف دي لسه واصله دلوقتي و الرجاله جبوها من حمام بار درجه سابعه بتشد كوكايين مصطفي : لا مش ها طلقها انا بحبها محمود : طيب اسمع يابني في ناس القانون وله البدله الميري بيجيب معاها نتيجه خالص و ايهاب منهم مصطفي : طيب انا عايز ابقي زيه و بعدين مين العيل الصغير الي بتاخد امرك منه محمود : (ابتسم) طيب انتا عرف باسل ال**دي........ ها ايه رايك مصطفي : (فاتح بوقه من الاندهاش من شغل ابوه) كل ده بيحصل محمود : و اكتر من كده كمان ها تمشي بأسلوبي وله اسلوبك مصطفي : اسلوبي ده لي الناس الضعيفه المشهد الريسي قاعد في المطعم جالي السكرتير بتاعي و معاه ورق عايز امضا خلصته و مشيت رجعت البيت تاني و اصول لسه قاعده امي : وصلت بالسلامه يا حبيبي انا : لا لسه في السكه امي :طيب احضر الغدا تاكل لحد ما توصل انا : جري ايه يا ماما كل ما تشوفني تقولي اكل هو انا جي من مجاعات الصومال أصول : هههههه معلش امك استحملها و بعدين يا طنط ايهاب اكل بره انا : لا اتكلمنا في شغل بس اصول : (قامت بسرعه) اجيبلك الاكل قامت اصول و حطت ليا اكل و رحت السفره لقتها عامله شربه سي فود و جمبري و رز خلطه (صياديا يعني) انا: ايه العظمه دي كلها يا ام ايهاب اصول : انا الي عامله الغدا على فكره انا : طيب اقوم اجيب الانتي نال اصول : ليه. انا : علشان بطني ها تقلب دلوقتي اصول : (ض*بتني بدلع) رخم انا : رايحه فين أصول : اريحه اجيب الانتي نال انا : لا اقعدي كولي معايا اصول : بس انا اكلت انا : افتحي نفسي قعدت اصول تاكل معايا بعد الاكل لبست علشان تمشي اخدتها اوصلها و هيا طلعت فوق الشقه و هيا قدام الباب اصول : انتا قاعد كده ليه شافت شكله و رجعت خطوتين لي ورا بص هو حط ايده على بوقها في الوقت ده انا كنت وصلت البيت عندي و طلعت الاوضه بتاعتي انام و انا سعيد اني اخدت خطوه ضد. محمود ها تقضي عليه كنت ع**ط معرفش الخطوه دي ها توصلني لي ايه بعدين وله ها تفتح عليا باب ايه طلع باب الجحيم و انا فتحته بايدي و علشان اعرف اعيش لازم اعمل حاجات عقابها في الاخره هو الجحيم مكنتش اعرف اني مجرد عسكري في لعبه شطرنج كبيره بيلعب بيا شخص تاني بس هيا الدنيا كده كلنا عرايس مربوطه بحبال في ايد ناس تانيه و هيا الي بتحركنا يتبع........ # # # # # # # # # # # # # # # # # # # #