Habang nagluluto si Helena sa kusina, nagliligpit ng mga delata at nag-aayos ng kanin sa rice cooker ay naririnig niya pa rin ang malakas na pagbuhos ng ulan sa bubong. Akala niya ay titila na ito dahil humina ito kanina ngunit muli itong lumakas ngayon.
Baka may bagyo na di niya alam?
Minsan ay kumikislap din ang kidlat na binibigyang liwanag ang lumang bahay. Medyo madilim na rin kasi kahit 3:00 pm palang dahil sa masamang panahon.
Matapos siyang magluto ay kumuha siya ng dalawang plato at inilalagay ang pagkain. Pumunta siya sa kwarto ni Dave at dinala ang pagkain doon, binuksan niya ang pinto nang dahan-dahan.
Nakita niyang nakahiga ito sa kama at nakapikit na tila natutulog na.
Pero nang marinig itong pumasok siya ay binuksan na rin nito ang mga mata.
"Nakapagluto na ako," m
