* حب ابدى الجزء التانى *

اتمنى البارت يعجبكم ‏ ‏روايه ( حب ابدى ) البارت العشرين ‏ ‏ ‏بقلم✍️ملك فريد لطفى ‏ ‏معاذ/ والله أنا كمان مش فاهم حاجه استني هكلم ريماس اشوفها فين علشان اطلعلها. ‏ ‏الو ايوه ياريماس انتوا فين علشان اطلعلك . ‏ ‏ريماس/ صوتها مش واضح من العياط الدور التالت العنايه المركزه. ‏ ‏معاذ/ طيب فهميني في ايه. ‏ ‏ريماس / طيب اطلع وانا هفهمك . ‏ ‏معاذ / تمام هكلم بابا اعرفه العنوان وهطلعلك على طول. ‏ ‏ادم / فهمت يابني . ‏ ‏معاذ / اصبر بس والله ماانا فاهم حاجه. ‏ ‏رن علي باباه . ‏ ‏معاذ / ايوه يابابا بعتلك اللوكيشن هو في ايه بس انا ده كله مش فاهم حاجه برده. ‏ ‏جمال / كريم الي كان متقدم لأميره عمل حادثه وحالته خطيرة جدا واميره شايله ذنبه لأنها كانت معاه وقالتله علي رفضها للموضوع ‏ ‏ flash back ‏ ‏جمال فهميني ياهاله ليه أميره شايله ذنبه كده . ‏ ‏تاليه ياعمو طنط أميره كانت لسه وأصله البيت كانت معاه بتبلغه رفضها موضوع جوازها منه وكانت لسه داخله من باب الشقه يعني الحادثة حصلت اول ماسبته طنط أميره. ‏ ‏هاله ينهار ابيض هي مقالتليش أنها هترد عليه بسرعه كده أميره حساسه اوي بالذات بعد الي حصلها بعد موت احمد . ‏ ‏انا مش عارفه دي هتلاقيها منين ولا منين ربنا يسترها عليها علشان ماتدخلش في صدمه عصبيه. ‏ ‏جمال وهي يعني ذنبها ايه في الي حصله . ‏ ‏هاله ياجمال انا كنت مشجعاها علي الجواز انت مش عارف اميره حساسه اد ايه وكان نفسي تتجوز وترجع تعيش حياتها زي اي وحده ست انت فاهمني أميره مدمره من جواها من يوم موت احمد إن أخوك . ‏ ‏جمال انا مكنتش اعرف متشيلنيش ذنبها . ‏ ‏ ‏ Back ‏ ‏جمال فهمت يامعاذ . ‏ ‏معاذ / اه يابابا خلاص انا طالعلهم انتوا هتيجوا . ‏ ‏جمال /انا وهاله وتاليه جايين خلاص انا نزلت في العربيه. ‏ ‏معاذ تمام يابابا. ‏ ‏معاذ / تعالا ياباشا وانا افهمك واحنا طالعين ومعاذ حكي لادم كل حاجه وهما طالعين في الاسانسير . ‏ ‏فعوذك ياحبيبي تطمن طنط أميره بكلمتين من بتوع الداكتره . ‏ ‏أدم / أطمن حط في بطنك بطيخه صيفي . ‏ ‏معاذ / ربنا يستر ومعاذ اول ماخرج من الاسانسير شاف أميره جري عليها لقاها واقفه مع واحد . ‏ ‏خير ياطنط اطمنتي عليه ومين حضرتك. ‏ ‏اميره / ده الشاب الي كان مع كريم . ‏ ‏انا محمد الي جبت الاستاذ كريم المستشفى. ‏ ‏الف سلامه عليه ممكن أستأذن انا دلوقتي ادام حضراتكم موجودين معاه وانا ممكن يامدام أكلمك علي رقم أستاذ كريم أطمن عليه وبأذن الله يقوم بالسلامه واجي أزوره واتعرف عليه ‏ ‏أميره شكراً والله يا أستاذ محمد والله تعبناك معانا ‏ ‏وهما بيتكلموا تليفون كريم رن مامته الي بترن ‏ ‏محمد / علي فكره ولدته كلمته كتير بس خفت ارد عليها مش عارف أقول لها ايه . ‏ ‏أميره /معاذ رد انت قولها اي حاجه انا عارفه انها ست كبيره. ‏ ‏معاذ / الو ازي حضرتك انا زميل كريم في الشغل . ‏ ‏والدت كريم / امال كريم فين يابني . ‏ ‏معاذ / ده كريم كان قاعد معايا ونسي التليفون معايا اول ما يرجع ياخده هخاليه يكلمك ‏ ‏والدت كريم / ماشي يا حبيبي . ‏ ‏أميره / برافو عليك يامعاذ انا مكنتش هعرف اقولها ايه. ‏ ‏أدم/ ازي حضرتك ياطنط حضرتك قبلتي حد من الدكاتره . ‏ ‏اميره /لا والله مش لاقيه حد يطمني عليه . ‏ ‏ادم/ وهو بيكلم اميره وعينه علي ريماس نفسه يعرف مين الملاك الرقيق الي بيعيط ده . ‏ ‏ادم / طب انا هروح اشوف التقرير واطمنك . ‏ ‏معاذ / نسيت أعرفك يا طنط ده أدم زميلي وهو دكتور قلب . ‏ ‏ودي طنط أميره ياأدم مرات عمي أحمد الله يرحمه . ‏ودي ريماس بنت عمي . ‏أدم/ انا والله نفسي اتعرف عليكم من زمان من كلام معاذ عنكم ومعلش الظروف صعبه بس تتعوض أن شاء الله لما نطمن علي كريم. ‏أميره/ حبيبي ربنا يسعدك احنا الي أسفين علي تعبك معانا بالشكل ده. ‏ادم/ مافيش تعب ولا حاجه هروح اطمن علي الحاله واجي اطمنكم. ‏ريماس/كانت حالتها صعبه وكأنها مشافتش حد ومش بتتكلم. ‏أدم مشي وبيقول في نفسه ايه الجمال ده هو في في مصر جمال كده حتي وهي بتعيط قمر ياابن الذينه يا معاذ كل قرايبك حلوين كده وافجئه لقى ايد بتحط عاليه ‏ادم / معاذ صدقنى انا مقولتش حاجه ‏معاذ / ايه يا باشا ماشى تكلم نفسك ليه ‏ادم / ايه ده هو انت سمعتنى وانا بتكلم ‏معاذ / لاء كنت بتقول ايه ‏ادم / لاء لاء ولا حاجه ‏ادم / على حوار أنى بكلم نفسى فا انت جايبنى من على السرير جرى ومش عايزنى اكلم نفسى ياعم واحد نازل مصر يستجم مش جاى مصر يروح المستشفى تانى ‏معاذ / كله علشان صحبك ‏ادم / ياعم كانت صحبيه تق*ف ‏معاذ / طب يلا روح هات التقرير على الحاله وتعالى علشان عايز اطمن ‏ادم / راح لى الممرضه ‏ادم / لو سمحت عايز التقرير عن حاله كريم إلى جه من شويه فى حادثه عربيه ‏الممرضه / مش هينفع يا فندم لازم الدكتور هو إلى يديهالكم ‏ادم / ما انا دكتور ‏ادم طلع الكرنيه بتاعه ‏ادم / اهو حتى ‏الممرضه / تقدر تروح للمدير وتديله الكرنيه ده ‏ادم / تمام فى مكتب المدير ‏الممرضه / فى الدور ١٣ ‏ادم / تمام ‏ادم ومعاذ طلعو فى مكتب المدير ‏ادم / السلام عاليكم . ‏المدير / اتفضل فى اى شكوه ‏ادم / لاء انا دكتور ادم وحبيت استلم الملف بتاع المريض اسمه كريم جاى فى حادثه عربيه والممرضه مش راضيه اه انا مش بشتغل هنا أنا بشتغل بره مصر وادى الكرنيه اهو لو عايز تتأكد ‏المدير / تمام يا دكتور كريم انت لو عايز تتابع الحاله انا معنديش مشكله وتقدر تروح دلوقت تاخد التقرير . ‏ادم / متشكر لى حضرتك جدا ‏ادم راح هو معاذ عند الممرضه ‏ادم / هاتي التقرير ولا اطلع تانى عند المدير ‏ممرضه / اتفضل حضرتك ‏ادم اخد الملف فضل باصص فى ‏معاذ / ايه يابنى طمنى ‏ادم / عنده **ر فى القفص الص*ري والعمود الفقري . ‏معاذ / نهار ابيض طنط هاله بتقول انو عنده بنت صغيره .. ‏ادم / للاسف فتره علاجه هطول والا لو اتحرك ‏معاذ / ايه إلى هيحصل ‏ادم / هيجيله شلل نصفي ‏معاذ / ايه طب هو هيقدر يمشى تانى ‏ادم / اه اكيد بس اهم حاجه نحاول ميكونش فى اى ضغط أو يتعرض لى عصبيه أو انفعال وميتحركش غير للضروره لحد ميخف أن شاء الله ‏معاذ / طب هتعرف اميره ولا هتعرف ولدته ازاى ‏ادم / احنا ندى لى زياد رقم ولدته ويعرفلنا مكنها ونروح نعرفها ‏معاذ / لاء طلعت بتفكر ‏ادم / طب يلا اتصل عاليه ويلا قوله ‏معاذ طلع تليفونه واتصل على زياد ‏زياد / اهلا ياباشا وحشني ياحبيبي انت فين يابني. ‏معاذ / عايزك فى خدمه ‏زياد /قول ياحبيبي ‏معاذ / هد*ك رقم تعرفلى فين مكان الرقم ده ‏زياد / وعايز تعرف مكان الرقم ده ليه ‏معاذ / موضوع طويل اعرف بس المكان وانا لما اقبلك هحكيهولك ‏زياد / طب هات الرقم ‏معاذ / 0111........... ‏زياد / تمام خاليك معايا ‏معاذ / حاضر ‏زياد / مصطفى معلش خود الرقم ده واعرفلى مكانه فين ‏مصطفى / حاضر ‏زياد / بسرعه ‏مصطفى / حاضر والله ‏زياد / ايه بقى احكيلى سمعك ‏معاذ / يابنى لما اقبلك ‏زياد / معنديش صبر إحكى ‏معاذ / تمام مرات عمى الله يرحمه فى واحد جه يتقدملها وكل البيت رفضوه حتى بابا لما طنط أميره قالتله وهو خارج من عصبيته راحت جت عربيه خبطته وهى زعلانه اووى وحاسه انها السبب ومامت كريم ست كبيره مش هتعرف نقولها فى التليفون فا علشان كده عايزين نعرف عنوانها وكمان بنته صغيره ‏زياد / ايوه خلاص فهمت ‏معاذ / الحمد الله ‏مصطفى / اتفضل يا زياد بيه. ‏زياد / شكرا يا مصطفى معاك ورقه يامعاذ ‏معاذ / ها قول . ‏ادم / جابه ورقه وقلم. ‏معاذ / اه قول بقى ‏زياد / ٢٥ شارع ......... ‏معاذ / شكرا يا زياد ‏زياد / اى خدمه ابقو طمنوني ‏معاذ / حاضر ‏معاذ قفل مع زياد ‏معاذ / نطلع نعرف طنط أميره ونروح لى والدته البيت ‏ادم / يلا ‏معاذ زى ادم طلعو ‏اميره / ها طمنونى ‏معاذ /....... ‏اميره / ايه يا معاذ ساكت ليه ‏ادم / بصى يا طنط ال**ور كانت جامده عنده **ر فى العمود الفقرى وفى القفص الص*ري وهيحتاج وقت كبير فى العلاج وبعتنا لى زياد صاحبنا وعرفنا مكان ولدت كريم وهنروح نعرفها ‏لقو جمال وخالد وهاله داخلين عاليهم ‏جمال / ها اخباروا ايه دلوقت ‏ادم / للاسف فى **ور فى العمود الفقرى والقفص الص*رى وهيحتاج وقت كبير على ما يخف خالص مش عايزينوا يتعرض لى عصبيه أو انفعال وميتحركش غير للضروره وانا ومعاذ هنروح بيت ولدته ‏خالد /طب انتو عرفتو مكان ولدته ‏معاذ / اه يا عمو عرفناه ‏خالد بصدمه / عرفتوه ازاى . ‏معاذ / واحد صحبى ظابط فى جيش عرفهولنا اسمه زياد ‏خالد / ماشى روحو وخلى بالكم من نفسكم ‏معاذ / تعالى معايا ياتاليه ممكن ياعمو خالد. ‏خالد/ تمام بس متتأخروش . ‏معاذ /حاضر ياعمي وخاليك ياأدم معاهم . ‏أدم / روح انت وانا معاهم ماتقلقش. ‏جمال/ عامله ايه ياأميره أن شاءالله يقوم بالسلامه. ‏أميره / بصتله وماردتش عليه. ‏هاله / خدت أميره في حضنها وقالتلها متقلقيش إن شاء الله يقوم بالسلامه لبنته. ‏أميره / انا خايفه يجراله حاجه هشيل ذنبه العمر كله . ‏وبنته دي هتعمل ايه من غيره . ‏هاله / ياحبيبتي ادعيله وكل واحد بياخد نصيبه . ‏هاله/ ريماس تعالى ياحبيبتي اقعدي انت واقفه كده ليه. ‏أدم الانسه شكلها مصدومه ياريت تروح علشان كده غلط عليها . ‏أميره / تعالي ياريماس ماتقلقيش ياحبيبي. ‏ريماس في حضن مامتها انا السبب ياماما انا الي ضغط عليكي علشان ترفضيه. ‏اميره / خلاص ياحبيبتي متتكلميش في حاجه دلوقت. ‏أدم لجمال/ ايه رأيك حضرتك ادي أنسه ريماس حقنه مهدئه علشان أعصابها تهدأ. ‏جمال الحقنه دي مش غلط عليها. ‏أدم لا خالص عوزينها تعدي اليوم ده علي خير علشان مايحصلهاش صدمه عصبيه وهما بيتكلموا ريماس أغمي عليها من كتر العياط والضغط العصبي. ‏ادم ايه ده وشال ريماس وعنده على الممرضه جهزي سرير بسرعه وهاتيلي حقنه الافاقه ‏ادم دخل ريماس اوضه وادها حقنه فوقتها واطمن وكلموها. ‏أميره كده يا ريماس تخضيني عليكي انت اهم حاجه ليه في الدنيا. ‏أدم مش عاوزنها تتكلم خالص علشان كده انا خديها حقنه مهدئه علشان أعصابها تهدأ. ‏وفعلا ريماس نامت . ‏أدم للأمير ماتقلقيش ياطنط هي هتنام وهتقوم زي الحصان ماتقلقيش. ‏وهما بيتكلموا دخلت الممرضه وقالتلهم أ/كريم بدأ يفوق وبينادي علي أميره مين أميره فيكم. ‏كلهم بصوا للأمير. ‏خالد/ روحى ياأميره أطمني عليه. ‏.......... .......... .......... ‏معاذ وصل لمامت معاذ وتاليه معاه طول الطريق. ‏معاذ/ ‏تعالى ياتاليه معايا علشان الحاجه ماتقلقش. ‏تاليه /حاضر انا خايفه من رد فعلها اوي ‏معاذ خبط علي الباب . ‏مامت كريم / ايوه مين . ‏معاذ / انا معاذ زميل كريم في النادي. ‏مامت كريم/ زميل كريم . ‏مامت كريم فتحت الباب ‏مامت كريم امال فين كريم كريم جراله حاجه .......بااااااااااااااااااااااس ‏ ‏كفايه عاليكم كده عايزه تعليقات كتير بليييز ‏ ‏وشكرا لكل واحد بيشجعنى بحبكم كتر وبتمنى يكون البارت العشرين عجبكو ‏اتمنى تكون البارت يكون عجبكم وعايزه تعليقات وتفاعل واهم حاجه رايكم ❤️❤️??اتمنالكم السعاده والتوفيق ‏