"البارت السادس الجزء التانى"
2329 Words
اتمنى البارت يعجبكم
روايه ( حب ابدى ) البارت الخامس وعشرون
بقلم✍️ملك فريد لطفى
معاذ / انا جاى اهو
زياد / ماشى تعالى على النادى
معاذ راح على النادى
معاذ اتصل بى زياد
معاذ / انا قدام النادى اهو
زياد / حوط بقى السماعه الى انا ادتهالك وروح اقعد فى التراك على الاستاد وانا وادم بنتمشى فى التراك وبنراقبك متقلقش واعمل أقصى جهدك علشان تصاحب عاليهم معاذ ركز وخاليك خزر فى كل كلمه هتقولها
توضيح السماعه دى مش زى الاير بودس هى سماعه بتحط فى الأذن ومش بتبان
معاذ / حاضر
معاذ فعلا طلع قعد على الاستاد لقى شله مش كويسه داخله عاليه
زياد / الشباب إلى داخله عاليك دى هما دول
واحد من الشباب اسمه عمار
عمار / انت مين
زياد / قول اسم مختلف عن اسمك الحقيقى
معاذ بى ابتسامه مصطنعه / اسمى محمد وانت
عمار / اسمى عمار احب اعرفك على شلتنا
معاذ / اه طبعا عرفنى
عمار / دى اسمها سالى وده اسمه احمد
معاذ / تشرفنا
زياد / هى دى البنت إلى عايزك تقرب منها
معاذ / اسم سالى ده حلو اووى
سالى / بجد تيجى تسهر معانا بليل
معاذ / هنسهر فين .
سالى / هنا فى النادى بس احنا لينا مكان مخصص بنقعد فيه
معاذ فى سره الله يخربيتك يا زياد لما اشوفك يا زفت
زياد / وافق وانا هتصرف مع عمو
سالى / ايه سرحت فى ايه
معاذ / ها اه طبعا موافق
ادم / معاذ هينفخك
زياد / قبلت من ده كتير
ادم / انا مشوفتش بجاحه كده
زياد / يابنى لازم يعملو كده امال هيكون شله ازاى ويبوظو الشباب ازاى
ادم / طب لو عرضو على معاذ انو يشرب حاجه
زياد / معاذ عارف هيعمل ايه لو ادوه برشام هيخدو عادى جدا وهيمثل انو بيجيب المايه هيرميها ويعمل نفسه بيحطها فى بوقه ويشرب ويمثل بقى أنو بقى منهم
ادم / ده انت ذكى
زياد / مبحبش اتكلم عن نفسى كتير بس ده كله محتاج خفت يد
ادم / طب لو ادوله بودره هيعمل ايه
زياد /يرفض
سالى / طب نتقابل امتى بقى
معاذ /زى ما انتم عايزين
سالى / الساعه ١١ بليل هيكون النادى فاضى ونقعد احنا بروقان
معاذ / ماشى
سالى / متتأخروش
معاذ بى ابتسامه / متقلقيش
زياد / معاذ اركب عربيتك وروح واحنا وراك علشان لو بيرقبوك نقفل عاليهم بالعربيه وميعرفوش مكانك
معاذ / تمام
معاذ فعلا خرج من النادى وركب عربيته ومشى
سالى / لازم نعرف مين ده
عمار / ها نطلع وراه
احمد / مش محتاجه تفكير اطلع وراه طبعا
زياد وادم كانو فى العربيه ومشين وراهم
زياد فضل يقفل عاليهم بالعربيه لحد ما جت الاشاره وقفتهم
سالى / اوف بقى ده وقته إشارات
عمار / لولا الراجل البارد ده واقف قدمنا كان زمنا لحقناه
سالى / يلا بقى روحونا
احمد / ماشى بس متتاخريش
سالى / متقلقش وانت متنساش بس تظبط الدنيا
عمار / سيبى التظبيط ده عاليا
معاذ روح البيت وهو طالع على سلم خبط عند اميره لانه كان نفسه يشوف تاليه
وريماس فتحت الباب
ريماس / معاذ تعالى اتفضل .
معاذ / تاليه فين هي نايمه
ريماس / اه نايمه تعالى ادخل هصحيهالك
معاذ / لاء انا هدخل اصحيها امال طنط أميره فين
ريماس / جت من المستشفى اكلت ونامت
معاذ دخل
ريماس / هى نايمه فى الاوضه دى
معاذ دخل الأوضاع بقه ملاك نايم وجعت قلبه برضو لما لقها نايمه معيطه
معاذ / هو فى حاجه حصلت مزعلها
ريماس / لاء
معاذ / امال مالها نايمه معيطه ليه
ريماس / مش عارفه هي نفسيتها تعبانه ومش راضيه تتكلم تقول مالها .
معاذ / ريماس فى حاجه مخبيها عاليا
ريماس / الصراحه بقى هى كانت فكراك مش هترجع وكانت قلقانه عليك
معاذ راح قعد على السرير جنبها وهمس فى ودنها
معاذ / تاليه قومى يلا انا جيت
تاليه / معاذ انت جيت انا كنت فكراك مش هترجع وتبات مع اصحابك.
معاذ/ انا مش عاوزك تقلقي انا بس بقضي يومين مع زياد وأدم كتغير جو يعني ونسهر مع بعض طول الليل وكده وهتلاقيني الصبح معاكم هنا علشان خاطرك ياستي انت كنت بتعيطي علشان كده .
تاليه /امال ايه انا فجأه لقيتك مشيت ومش عارفه عنك حاجة وحاسه عمو جمال متوتر بسببك لانك مش بترد علي تليفوناته .
حتي ماكنتش بترد عليا انا كمان .
معاذ /والله غصب عني انا حسيت فجأه بضغط من كذا حاجه قولت أقعد عند زياد افضي دماغي شويه انت عارفه الاجازه قربت تخلص وكمان أدم عاوز يتفسح ويغير جو.
تاليه/ وده يخليك تسيب البيت وتقفل تليفونك.
معاذ /خلاص انسي بقي ومش هيحصل خلاص تاني ومش عاوز اشوفك بتعيطى تاني تمام .
تاليه/ تمام.
ريماس/ خلاص ارتاحتي واطمنتي عليه .
انت بس يامعاذ الي بتعرف تخليها تبتسم بس لو عمو خالد جه ولا طنط هاله شافت المنظر الرومانسي ده هتدبحنا كلنا .
معاذ/ خلاص انا هطلع علشان أغير هدومي اوعي تعيطي تاني ياتاليه اوكي.
تاليه/ بصوت واطي اوكي وعملتله باي باي .
ريماس/ اطمنتي عليه خلاص هترجعي لطبيعتك ولا ايه.
فوقي بقي عندنا سنه صعبه وعاوزين نجيب مجموع
تاليه /حاضر والله هفوق انا كنت خايفه عليه بس و ماكنتش عارفه افكر في اي حاجه تانيه .
ريماس/ يعني خلاص ننزل نحجز دروسنا.
طلع معاذ علشان يغير هدومه قابل باباه.
جمال/ قابل معاذ بحضن جامد ازيك ياحبيبي كده تبعد كل ده عن حضن أبوك ده انا معرفش أعيش من غيرك.
معاذ/ حبيبي يابابا انا مقدرش أعيش من غيرك متزعلش مني أنا أسف بس علشان خاطري سيبني اليومين الي فضلين من الاجازه اقضيهم براحتي مع أصحابي وانت عارف يابابا زياد وأدم .
جمال /خلاص ياحبيبي عيش بحريتك أهم حاجة ابقي مطمن عليك .
عرفت ان أدم طلب أيد ريماس مني أنا وعمك خالد.
معاذ /ادم قالي بس أيه رأي حضرتك يابابا انت وعمي خالد .
جمال/ انت ايه رأيك في أدم انت أقرب أنسان ليه وتعرف عنه الي احنا منعرفش عنه حاجه وهتبقي مطمن علي ريماس معاه انت كمان مسؤل عنها زي أنا وعمك خالد بالظبط.
معاذ /والله يابابا أدم إنسان مهذب جدا ودكتور محترم وخلوق وده الي اتمني بنت عمي ترتبط بيه وهيحافظ عليها.
جمال/ كده فاضل اني أخد رأي ريماس علشان أبلغ أدم احنا اتأخرنا عليه اوي.
معاذ/ ايه رأيك طنط هاله هي الي تقوم بالمهمة دي وتبلغ طنط أميره وتاخد رأيها وأميرة تاخد رأي ريماس.
علشان ريماس أكيد هتن**ف من حضرتك يابابا.
هاله /انا سمعه أسمي خير يارب .
معاذ/ احنا محتاجينك في مهمه محدش هيعملها غيرك .
هاله/ أن شاء الله أشرفكم .
معاذ /طيب هسيبك يابابا تقول لطنط هاله علي المهمه وانا هروح اغير هدومي علشان اروح لزميلي .
جمال/ هتتأخر .
معاذ/ متقلقش يابابا لو لقيت نفسي هتأخر هبلغك وابات مع زياد.
جمال/ تمام ياحبيبي .
معاذ سلام.
هاله وجمال/ مع السلامه يا حبيبي.
معاذ طبعا غير ونزل وهو نازل عده على ريماس وتاليه
تاليه / ده اكيد معاذ
تاليه راحت فتحت الباب ولقت معاذ
تاليه / معاذ تعالى ادخل
معاذ / انا بس عديت اقولك انى رايح مشوار وممكن ابات مع زياد
تاليه / تانى ما انت لسه راجع من عنده
معاذ / كنا قاعدين فى الكافيه
تاليه / طيب متأخرش
معاذ / حاضر
معاذ نزل جرى علشان يلحق شله النادي ومعاده معاهم.
وفعلا نزل ووصل في المعاد وقعد بعيد شويه عنهم كأنه مش واخد باله منهم وحاطط الاير بودز في ودانه وقاعد يسمع اغانى .
سالي لعمار / محمد قاعد هناك أهو شكله جنتل وشيك أوي.
عمار/ بغيظ قصدك أيه ماتلمي الموضوع.
سالي / ايه ياحلوه انت بتغيري احنا هنا في شغل ولا انت ناسي.
وبعدين اوعي تنسي نفسك معايا تاني.
عمار / هو انت كل ماحد يظهر في الشله جديد تقلبي عليا ومسيرك في الاخر لعمار هتروحي مني فين يابيضه انتي.
سالي / طيب يلا نادي عليه.
عمار / محمد محمد ايه يا ريس انت مش شايفنا .
محمد / لاء أبدا انا فعلا كنت بدور عليكم ومش شايفكم سوري.
سالي / هاى اخبارك ايه .
سالي / أخباري جامده دايما .
محمد / الله عليكي .
سالي / مقولتلناش احنا مشفنكش قبل كده انت جديد في النادي.
محمد/ لا طبعا انا عضو هنا في النادي بس كنت مسافر بتعلم بره.
سالي / أوه واو يعنى جاي هنا ضيف ماتعرفش حاجه عن مزاج مصر وولادها .
محمد / لا مين قالك اني ماليش في المزاج انا بتاع المزاج كله انت متعرفنيش.
عمار / سقف علي أيده اه ياولد يا تقيل انت واضح عليك انك جامد طحن.
محمد / طبعا امال أيه انا بحب اي حاجه تعلي الدماغ.
سالى / شكلك كنت مقضيها
محمد / طبعا
سالى / طب ما يلا علشان نسهر كلنا مع بعض
محمد / يلا بينا
وفعلا معاذ راح معاهم
معاذ لقاهم قعدو فى مكان مدارى ومحدش فيه غيرهم
عمار / ايه رايك بقى فى المكان ده
معاذ / امم حلو بس انتو ليه قعدين هنا متقعدو عادى قدام الناس
سالى / لاء امال هنبسط ازاى لازم نبعد عن الناس علشان ناخد حريتنا
سالى راحت حدفت برشام لى معاذ فى أيده
سالى / البرشام ده يا محمد لو انت عايز تعمل دماغ لازم تخده
محمد / لاء منا عارفه طب يلا خطوه انتو كمان
سالى و احمد وعمار / ايوه يلا
وطبعا محمد نفذ كل كل كلمه زياد قالهاله اخد البرشام وعمل نفسه بيجيب المايه ورماها وعمل نفسه حط حاجه فى بوقه وشرب مائه
سالى / بلشفا
عمار / ايه مش حاسس بحاجه
محمد / ها حاسس أن دماغى تقيله
سالى / مفعول الدواه طبعا
محمد / ايوه
محمد / هو انتو بتجيبو البرشام ده منين
عمار لى سالى / نقوله هو كده كده مش هيفتكر حاجه لما يفوق
سالى / قوله
احمد / فى ناس بتجى تجبهولنا لحد باب النادى وبيمشو
محمد / انتو بقى مصحبين الناس دى
سالى / طبعا مصحبينهم انت عارف ايه غيتنا من الموضوع ده
محمد / ايه
سالى / نبوظ شباب نخليهم يبقو مدمنين
محمد / طب وليه تؤذوهم
سالى / احنا مش بنئذى حد احنا بنخيرهم وهما بيميلو لينا واحنا بقى بن**ب فلوس احنا اهم حاجه. عندنا الفلوس
معاذ فى سره نهار ابيض يعنى هما بيلعبو قصدين يبوظو شباب وكل ده علشان الفلوس وهما هبل فكرنى هنسى أو أنى سكران اظبرو عاليا ده انا هاخد حق الشباب إلى انتو ضيعتوهم دول .....
سالى لى عمار / ده شكله استوى بص سرح ازاى
عمار / ايوه وبعدين هنعمل ايه معاه
سالى / زى ما عملنا فى شباب إلى قبلوه هنخليه مدمن وبعدين نديله جرعه زياده تجيب اجله ونخلص منه
احمد / امم فكره تصدقى خاليه يحصل إلى قبله
سالى / بس اقولكم على حاجه بلاش نفرط فيه ده شكله غنى وهينفعنا وبعدين انا حاسه انى بدئزت احبه واميل ليه
عمار بغيظ / تميلى لى مين ها انتقى
سالى / بقولك ايه متنساش نفسك انا ممكن واقتلك فى اى لحظه اخر ما هزق منك ومن زنك
عمار فى سره / انا إلى هقتله واخلص منه
محمد فى سره الله يخربيتكم بيتخنقو على موتى والله أنا فيقلكم مش سكران ولا حاجه بس كويس ان سالى بدئت تحبنى دا انا محضرلك خطه ياسالى تجيب اجلك بس صبرا .
محمد / طب يا شباب أنا هروح الانى دايخ
سالى / تحب نوصلك
محمد علشان يبعد عنه اى شك
محمد / اه طبعا يلا
محمد كان بيمثل انو مش قادر يمشى لانه سكران
سالى سندته لحد العربيه
سالى / بيتك فين بقى
محمد / بيتى جمب النادى
سالى / امم طيب
محمد / ايوه نزلونى هنا
سالى / تحب نيجى ناخدك بكره
محمد / لاء انا بيتى جمب النادى المكان مش بعيد يعنى هبقى اجى اروح انا
معاذ طبعا عمل نفسه طالع البيت علشان يسبتلهم أن ده بيته وفضل واقف شويه على السلم
سالى / اخيرا عرفنا بيته وطالما عرفنا بيته يبقى انا مطمناله
عمار بغيظ / يلا نمشى من هنا
سالى / يلا ممكن اعرف مالك بقى
عمار / انتى مش واخده بالك من تصرفاتك انتى ازاى تحبى واحد مسيره فى الاخر الموت ليه مش تحبينى انا ها قولى
سالى / علشان ده غنى وهيعرف يبسطنى ويسفرنى بره بس يوافق انو يتجوزنى بس وكل حاجه هتحل
عمار / بص برضو عايزه تغظنى وخلاص
احمد / فى ايه يا شباب كل شويه خناق خلاص ياعم عمار هى مش بتحبك خاليها تروحله وفى الاخر هتعرف قيمتك فكك منها بقى
عمار / ماشى يا احمد هفكنى منها
عمار فى سره عندكم على اليوم الى قررتى تحبيه فيه انا هقهرك عاليه يا سالى ............ استوووووب
كفايه عاليكم كده عايزه تعليقات كتير بليييز
وشكرا لكل واحد بيشجعنى بحبكم كتر وبتمنى يكون البارت السادس عجبكو
اتمنى تكون البارت يكون عجبكم وعايزه تعليقات وتفاعل واهم حاجه رايكم علشان انزل البارت السابع بحبكم كتير❤️❤️??اتمنالكم السعاده والتوفيق
يتبع بقلم ✍️ملك فريد لطفى .
- Writer
