Audrey
HINDI na pumayag si KJ na pumasok ako sa opisina. Halos buong araw kaming namasyal dahil matagal na raw kaming hindi nakakapasyal at nakakakain sa labas. Parang hindi ako komportable na may mga nakasunod sa aming bodyguards. Ang sabi niya ay sinusunod lang niya si Ninong Jess. Ayaw raw niyang sumuway dahil mula’t sapol ay ito na ang tumutulong sa kanya at wala itong hinangad kundi ang kabutihan niya.
Simpleng kain lang daw sa labas ang gagawin namin, pero para sa akin ay espesyal na iyon. Kahit noon pa man ay nagiging espesyal palagi ang lahat kapag si KJ ang kasama ko.
Hindi ko naman hiniling pero binilhan niya ng mga sapatos at iba pang mga gamit kahit hindi ko naman talaga kailangan. Kanina lang ay kausap niya sa telepono si Ate Cindy at ipinagpaalam pa ako. Humingi siya ng pa
