Audrey
PINUNTAHAN ko ang mga kaibigan ko sa kabilang table para makipag-usap. Noong huling punta ko kasi ay hindi kami nakapag-usap usap dahil kasama ko si KJ. Nagpaalam ako sandali kay Cathy at kay Ninong Jess, sinamantala ko habang may kausap si KJ.
“Girl, mabuti at nakatakas ka kay Sir, hindi ka kasi binibitiwan, eh,” natatawang sabi ni Teressa. Umupo ako sa bakanteng silya na nasa table nila.
“Oo nga, eh,” tugon ko.
“Pansin ko nga, hindi ka nilulubayan nang tingin kahit may kausap siya. Kailan na ba ang kasal? Baka naman puwede niyo kaming kuning abay.” Nagulat ako sa tanong ni Ashley.
“Hay, naku, huwag nga muna natin ‘yan pag-usapan, at hindi pa rin ‘yan namin napag-uusapan baka sabihin ay atat na atat ako,” napangiting sabi ko.
“Jusmio! Kung ganyan ba naman kaguwapo ang dyowa k
