5 years later...
Limang buwan na ang nakaraan simula ng ako ay itinalaga bilang tagapamahala ng ARS Ent., dahil na rin sa kagustuhan ni Ms. Amelia na ako ang pansamantalang papalit sa posisyon niya.
Limang buwan na rin ang nakaraan simula ng siya ay dapuan ng breast cancer. Dahil ayaw niyang ipahawak sa iba niyang empleyado na may mataas na rin ang katungkulan sa kompanya niya, at matagal na rin sa kaniya, ay ako ang napili niya na mamahala nito. Noong una ay tumanggi ako, hindi dahil sa hindi ko alam ang mga gagawin, kun'di ang pressure sa trabaho ang inaalala ko. What if hindi ko kaya? What if malugi ang kompanya niya dahil sa akin? Ano ang gagawin ko?
Pero dahil nakiusap ito sa akin ay napapayag niya na rin ako.
Sa ngayon, naging maayos naman ang pagpapatakbo ko ng kompanya niya
